以下是Sky Sir 友好：棋亮撰文
好耐未見過，升市升到升vol，琴晚道期創1933年以來最大升幅，升了11%，美股開市後，波幅指數（VIX)跟埋上去，港期果幾百點睇落唔似有波幅，但升穿了上周五高位，因此夜期時段減一減call。
由上周四VIX回落起，資金最先追黃金，然後是聯儲局周一推無限買債，美匯回落，其他外匯反彈，之後是各國股市反彈。現在只剩下油價於谷底，約維持現時每桶24美元水平，基本上美國所有頁岩氣項目都要蝕錢，維持一個月，可能就蝕十幾億美元，莫講話還債，股市平靜下來後，特朗普應該會專注處理油價問題。
四叔旗艦唔爭氣，浪費了一日升市的力道，不過取消紅股政策後，市場會慢慢同其他地產股比較，佢既股息都算吸引，起碼比大市值的Reits高得多，當然佢係可以選擇賺錢唔派息，但反正唔係好夠貨，市場有機追落後，所以keep多陣。
炒反彈主力用期貨就算，交易時間夠長，方便走位。雖然環球股市於海量資金化解信貸危機下大彈，可是有很多現實的問題等著化解，例如因疫情而生意甚差的航空業、船輪業、旅遊業、中國的出口工業，以致國際關係惡化，將於一輪反彈工後，困擾著市場。如果港股，未來應該著眼於科技股、生物醫藥股同進口替代的公司。
棋亮執筆
⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐⭐
收看最新最齊的資訊，在設定「搶先看 / SEE FIRST」！
步驟：
成為「張士佳-Sky Sir」專頁的粉絲
點選【追蹤中】的方塊，位於【已讚好】旁
點選【搶先看】，最新貼文就唔再漏
