關於 回首夢已遠日劇 ，我們在網路上蒐集到這些相關的討論、資訊與評價

[是他也是你和我]

寫得太好, 不能只有我看到.jpg
篇文好似唔關行山事, 但其實好關事.

嗯,我仲未放棄.

"身體變差了，易攰易病易眼瞓，到某次沖涼照鏡，明明瘦足廿年既你，竟然開始有肚腩，你崩潰之餘亦立志學人做Gym，這亦解釋了何而那麼多人由細到大無運動，到中年卻無端端開始跑步行山投奔大自然。除了身，還有心，你會感受到自己對很多事情、活動驟然失去興趣和熱情，所以除了運動，也會無離啦更搵野學，打鼓結他畫畫鋼管舞二胡乜都好，只希望在日日返工放工既迷霧裏，找到一點生活的變化。"

“呢排身邊好多好多朋友迷茫失落，不如意事十常八九，唔知前面會係乜，但同十歲估唔到廿幾歲係點一樣，一路走來，繼續前行，總會捱過。2018過左兩個月，提提大家返屋企同爹娘食飯，珍惜果幾個僅餘下來搵你唔係買基金保險既朋友，把握時間行山跑步轉工學野，有另一半既，多謝佢一路走來仍然不離不棄。”

【絕望真相】-《廿幾歲原來真的不像你預期》
　
相信每個人細個都曾經幻想過自己廿幾歲係點，而年少無知、天真爛漫既少年總會偏向相信自己係天資聰穎，獨一無二，前方等緊我地既必定係精彩傳奇的黃金十年，就算唔係維護世界和平，化解核彈危機或者解決糧食問題，至少都可以成為一個發火發熱、貢獻社群、受人注目既有為青年。
可惜，轉眼間三字頭都逼在眉節，生活卻有如星爺喺《功夫》入面幾經辛苦搵到火雲邪神，最後發現係一個底橫膠拖既呀叔一樣，你回首畢業後的數年，原來只係一個不外如是既打工仔，庸庸碌碌、渾渾噩噩返工放工咁過左大半，青春小鳥靜靜飛走，唔止世界，連廿幾歲都真的不像你預期。
　
踏入廿幾歲既最大震撼，係曾經以為自己可以青春不老，但某年某月某日某一下你會驚覺，原來生命只係不斷倒數，仲用緊升壓窩瘋狂加速。
　
明明中學六、七年、大學三、四年都過得異常漫長，每次諗起將來都覺得「三十歲？有排啦！」；但一出黎做野，喺返工放工括號N次方既無休止輪迴下，你會久唔久就想大叫「啲時間過得咁快既！」，三字頭由遙不可及到近在咫尺，成為即將要面對既現實 — 原來自己係會老。
　
西歷新年之後又到農曆，明明岩岩先定下「今年目標」，轉過頭已經聖誕。慢慢你會分唔清邊年打邊年，「幾時入呢間公司呢？」「Tiffany前年結婚架，唔係喎，定大前年呀…」可能係要記既事太多，又可能係生活已經平淡似水，當年讀書的多姿多采無以為繼，從前所期盼的五光十色、意氣風發卻沒有出現，依家只能靠Facebook memories，去丁返當日的年輕貌美同年少輕狂，這是你第一次怕老。
　
而人事除左變得好快，亦變得好快。講起Facebook，十年前覺得開左Facebook已經係潮流尖端，你點估到今日Facebook原來係「呀爸呀媽先用」，能夠咁快榮升父母，究竟應否欣慰？當你見到果條好hit既補習社片，條得烕既靚仔笑人用Facebook，你心中難免有煎佢兩巴既衝動，然而，你心知肚明，今日仲養緊蛙，聽日再post都俾人笑啦，生活、社會的節奏好比樓價和樂瞳身材爬升的速度，當你留意到已經太遲。
　
當有些事物光速般前進，有些人事卻不斷倒退 — 父母徐徐老去，身體記性轉差；曾經追/丁過既女今天不復當年勇；當日你覺得充滿威嚴、睿智的老師亦老態畢現，曾經的球星唔係即將退休都職業生涯晚年，個個由TBB轉睇泡菜劇聽泡菜歌，當你想繼續堅持那些由細陪到你大的廣東歌，你赫然發現佢地竟然出現係《流行經典五十年》，更震撼的是，連愛情動作片的女主角都已經係千禧BB。
　
跟手你會覺得從前的歌手才是明星，當年的歌曲才是音樂，舊時的電視電影永遠好睇啲。星期日的下午，你還會坐下來睇足成套《午間星期日影院》，對著那套睇左一千次既《家有囍事》和《嚦叶嚦咕新年財》發笑，「Shit..」，你終於留意到，自己開始變成小時候恥笑的父母親，這是你第二次怕變老。
　
仲係學生時銀根短缺，唯有期待長大後的夜夜笙歌。到終於有啲錢，又點估到自己由以前的千杯不醉，變成去食飯淨係想要杯暖水。當天打通宵牌、唱通宵K第二日仲可以飲早茶，依家一點鐘都嫌夜。偶爾一次朋友請飲飲到不省人事，頭痛左兩日發誓唔再飲(咁多)酒，你已經由抗拒變成接受自己不再年輕。
　
不斷劇變的世界加速你的老態，而返工既生活就會令你覺得乜都變哂。
　
十年前，你無諗過起身返工原來比起身返學痛苦十倍，亦無諗過每天起身都會check港鐵會否延誤和大市股價有否插水。唯獨不變的是每早喪屍般出門時也應承自己今晚要早睡早起，到晚上卻又不捨在床上僅餘的私人時間而狂碌電話。
　
身體變差了，易攰易病易眼瞓，到某次沖涼照鏡，明明瘦足廿年既你，竟然開始有肚腩，你崩潰之餘亦立志學人做Gym，這亦解釋了何而那麼多人由細到大無運動，到中年卻無端端開始跑步行山投奔大自然。除了身，還有心，你會感受到自己對很多事情、活動驟然失去興趣和熱情，所以除了運動，也會無離啦更搵野學，打鼓結他畫畫鋼管舞二胡乜都好，只希望在日日返工放工既迷霧裏，找到一點生活的變化。
　
慢慢你心裏有一千件事想完成，好告訢自己青春還在燃燒，生活仍可改變，但理想歸理想，得不到也等於妄想，工作疲累與生活壓力，已經讓你無法持之而行全力做好一件事，最後只能不了了之。所以每到新年，看到身邊人話要多愛自己身邊人，開心樂觀積極減肥學呢樣果樣，你慢慢明白，同香港既民主運動一樣，「口號黎既姐」。
身於香港異常的矛盾和壓逼，旅行成了你的終極娛樂，甚至是一種信仰。相信只要有旅行去，一切問題、煩惱、迷茫也能取之而去。年少時的旅行，盤川所限只能窮遊，沒有物質的享受，過程辛苦卻難忘，那時你下定心日後賺到錢，必定要重遊那些曾經走馬看花或甚至無錢踏足之地。今天錢真的搵多了，但估錯的是無論時間、假期、精神也只容許你趕頭趕命早機去晚機返，曾經幻想的「一個月漫遊東歐」已經不切實際，能夠偶爾「東京四日三夜」已算不錯，但中間仲要不斷諗買咩手信返公同覆老細同事Whatsapp。在Facebook IG 瘋狂分享刺身海膽和帶子，成為你一張引以自豪的成績單，整年的快樂建基於離家出走，你分不清應該高興還是失落。
　
廿幾歲的第三個震撼，係你終有一日要接受，自己不是太出色和優秀，甚至比7仔更普遍。
　
曾經你憧憬自己即使不能穿梭於中環金鐘，面對無敵海景，生活閃爍得讓人眩目，也至少是一個飽讀詩書既知識份子，可以盡一己所長，在喜歡的工作中追求卓越。唯獨今日和卓越最接近的一刻，是偶爾到卓悅買落妝水。幸運兒還可以戴個MT光環，卻打份普通得從未想像過會做的19工，不幸的甚至只能在中型公司做個「Executive」。最初你難以接受，深信是懷才不遇，千里馬總會遇上伯樂，但隨著年華逝去，你逐漸醒覺，原來並非「不遇」，而是根本「無才」。
　
看見公司的Fresh Grad新人，你笑他們戇下戇下的同時，也十分懷念自己的衝勁，你接受唔到自己已經唔再「新」，但身體卻非常適應公司甚至社會的一切規則 — 不太大癲大肺、情緒沒有起伏波動，失去主動幫助別人的心，每天上班下班沒有特別感受，返工笑臉迎人，放工木無表情，漸漸竟然成為曾經所討厭的人。
　
而人工成更加成為了你意想不到的重大考驗，曾經你覺得搵萬幾兩萬蚊都好多好夠洗，大個先發覺搵得愈多，洗得仲多，錢儲極都唔夠，每個月一出糧又交咭數，交完咭數又好似無出過糧，然後又要碌咭。若然廿到尾仲搵緊一字尾二字頭，其實真係唔知點講出口，你會懷疑讀左咁多書究竟為乜？但你見到報紙話香港廿幾萬人住劏房，當中有5000個係行政人員，自己能夠成為全港三份一既公屋戶其實已經OK。你親身領匯緊香港愈趨誇張既貧富懸殊，同埋缺乏上流空間，寧願經濟冧樓價跌都唔想市道好，因為你知道就算經濟幾蓬勃，都係「從來沒我份 犧牲當做例行」。
　
到你捱到慘過做狗加人工，以為錢搵多了就會更開心，生活卻無隨之變得更快樂。責任重左，要兼顧、計劃既事多左，父母、愛情、前途，樣樣都逼在眉節，刻板生活卻又不斷重覆，明明每天安坐Office，放工放假都攰到唔想出街，如果真係住得遠，返工放工兩程車，已經夠你情緒跌入黑洞，返到去乜都唔想煩唔想做唔想理。
　
除左人工，唔知自己「做緊乜」同「想做乜」先係更加濕滯。可能你已經轉左幾次工，但好似無一份真係好鐘意，你開始明白唔係無鐘意既工，實情原來你根本唔鐘意返工，只係愈黎愈著緊人工同埋幾點收工。當你仍然毫無方向，前途和收入沒有多大晉升希望，你竟然開始去考從來無諗過做既政府工，當然，唔係話考就考到。
　　
偶爾回看Facebook Memories，想起讀書時的夢想，又或者受左太多氣，都有祼辭、再讀書、Working Holiday既衝動，但一諗起無收入、無家用俾，你既遐想就瞬間消逝。
　
因為你諗起你爹娘，佢地可能就退休，甚至已經無收入。偶爾凝望好耐無細心留意的雙親，會發現他們多了很多的皺紋和白頭髮，你記得自己曾經好唔鐘意屋企，喺Facebook打過「點解要生我」，諗過廿幾歲一定要搬出去，到今日明白原來已經唔知可以對多幾耐，仲有幾多餐可以同父母食，吃到他們親手煮的餸，你的眼眶有點紅，這刻你終於成熟，但同時伴隨既係傷感 — 好想俾更好既生活佢地，但你有心無力。
　
呢個時候，你想搵人傾下心事，抒發下平日視而不見既鬱結。但望住contact list，大部份朋友已經變成「好耐無見啦」「幾時出黎呀」「好呀」之後對話就會停止。你估唔到曾經一星期打四日波既好兄弟，出五次街既好姊妹，都一一失散，你甚至連咩原因無再見面都諗唔起，係你約左佢19幾次佢都唔覆甩底，定發左佢脾氣，還是各自有新朋友？
　
那些曾經一日一千幾百條message既Whatsapp group亦不再活躍，當年Grad Trip後約定的旅行，你知已經無可能，就算係平日普通食個飯，都可能要搞兩三個月，仲要OT遲到，然後閒話家常同做啲基本update就要趕住走第日返工，珍貴既星期五六日亦未必排到你。慢慢去到一個境地，新相識不太熟，舊友又找不回，真正keep到的好友屈指可數，有愈黎愈多去飲先見到既朋友，其餘的只能在IG Facebook看到他們的近況，還有充斥著海量既長輩圖。
　
當年可以講通宵電話，今日即使徹夜難眠，想搵人吹下水，打算WhatsApp某人，但諗起寒喧幾句之後都唔知點收尾，又或者只會收到「下，你過得好好啦咁都唔開心？」，你寧願繼續上IG、高登。最後，你會發現一個人都可以好好生活，習慣很多事只能自己解決。
　
但諗係咁諗，望到快要到來既三十歲，你有啲怕獨自面對，想起自己曾經昐望的真命天子的模樣，曾立志要幾歲結婚，婚後生活多麼甜蜜動人。奈何情路崎嶇既，繼上次分手後，已經2年無拍拖，曾經笑人用交友App，估唔到今日自己都想用。堅持的擇偶條件竟然變得愈黎愈少，或者男性比較專一，仍然只睇外表，但女既已經轉移重視人工、事業，「做政府喎」、「有車有樓！」，或者真係要搵到岩條件既唔難，但心跳的感覺已經一去不返。
　
而有拖拍既，幸運既可以早日行禮，唔好彩既仲要為首期操心。而喺等待成為樓奴既途中，更加可能出現比力威更嚴重既掙扎 — 已經要討論成親，卻懷疑到底呢個是咪真的可以付託終生，同時又怕關係有變，適心栽種全力貫注既感情付諸東流，呢個年紀分手又要重頭黎過。算真係買到樓，結到婚，今時今日既香港，生仔與否已經係一條會考級數既選擇題。
　
我們被逼成熟，但未來得及成長，便已經老去。做仔做女既時候總係「相信」、「以為」，到今日最多既係「竟然」、「原來」。「還記得有多久未好好哭過嗎」，聽周國腎的《Children Song》，第一句已經入心入肺。
　
雖然估唔到既事十件有九樣衰，但認清現實既殘酷先更能夠勇敢向前，好彩今日廿幾歲既我地，係睇日漫日劇、聽勵志歌長大，熾偉用四集輸左二比零，仍然會講「比賽依家先開始呀！」；就算好似三井壽咁崩潰，安西教練都話，「以家放棄既話，比賽就結束了」，我地都深信日後盡量別教今天的淚白流，誰都辛酸過，那個沒有？
　
呢排身邊好多好多朋友迷茫失落，不如意事十常八九，唔知前面會係乜，但同十歲估唔到廿幾歲係點一樣，一路走來，繼續前行，總會捱過。2018過左兩個月，提提大家返屋企同爹娘食飯，珍惜果幾個僅餘下來搵你唔係買基金保險既朋友，把握時間行山跑步轉工學野，有另一半既，多謝佢一路走來仍然不離不棄。
　
原來，呢篇文打左14個原來。
原來，廿幾歲真的不像你預期，但只要一息尚存，始終可以重新做起，只要你仍未放棄。
　
逆行
　
#有無人會睇哂四千幾字

-----------------------------------------------------------------------------
前文共賞:
【生活點滴】- 《做空姐既另一半其實唔易》
https://goo.gl/S1TJ5g
【絕望真相】 《新界西人絕對係一群堅毅既物種》
https://goo.gl/p8f6zD
【絕望真相】-《每個人睇完六樓后座，都應該幻想過出黎做野之後要同朋友租個地方一齊住...》
https://goo.gl/DWQV4g
【絕望真相】《一生人只為搵一個，與你相隔半小時車程的女友》 https://goo.gl/y6dcNd
【絕望真相】-《同人講鐘意Twins一定俾人笑到喊出黎，但我真心慶幸經歷過佢地既全盛時代》
https://goo.gl/EuQbc5
【絕望真相】-《擺酒派帖絕對係一個反思自己做人處世既好機會》https://goo.gl/oB5fwG
【街坊劇場】- 《一對情侶去到某個年紀，總會為將來罵交》https://goo.gl/YgoEkk
【絕望真相】- 《每次有好朋友失戀，自己都會有所成長》
https://goo.gl/cwxvZ4
【絕望真相】- 可以同另一半成功去到一個旅行，呢段關係你要好好珍惜 https://goo.gl/FWXsTK

親愛的大家，你好嗎？

沒有意外的話，
明天工作室就會收到「媽媽便當」實體EP了，
然後我們會認真的包裝，把它寄給有預購的你：）

回憶起這張EP的誕生，有很多過程想與大家分享，
其實自從2014的「寂寞電台」專輯後，
我就沒有作品在各大平台與大家正式分享，
除了「勿忘我」有YouTube版以外，
其他平台我的最新作品都只更新到「寂寞電台」，
很幸運的，我到現在還是很喜歡這張作品，
因為我還是可以很驕傲地說，我們很用心，
我也可以從線上音樂平台的報表感受到，
雖然我已經三年沒有更新我的音樂，
但還是一直有人在聽著那些歌。

也是從2014年開始，迎接了我事業的轉捩點，
2開頭的時光漸漸與我告別。

那一年，我應該可以算是正式進入半劇場生活，
我喜歡劇場，又很幸運的得到的陳建騏老師的推薦，
讓我有機會與心中夢想的劇團「非常林奕華」合作，
得到那樣的機會實在戒慎恐懼，壓力之大當然不難想像，
而我選擇了面對挑戰，
而它，果然成為我生命中一段美麗緣分的開始，
也促成了我在今年，
再度與「非常林奕華」合作了新戲「機場無真愛」，
這次是當演員，壓力之大當然很難不想像，
而在今年一月的香港首演，也順利完成了，
又好像闖了一關，儘管跌跌撞撞，還是抵達。

正因為這樣的劇場生活，
這三年，我多了好多「不在家」的時間，
我算過，光去年到現在我就搭了快20趟飛機，當然也包含了旅行，
約莫有兩個多月的時間不在台北，
對於一個從小就住家裡的我來說，這是一個很重大的階段，
因為我覺得它暗示了我，
未來幾年我不在家的時間或許會越來越多。

正因為如此，在去年的下半年，
我在整理電腦舊檔案時，猛然聽見一首好幾年都沒聽的demo，
那是一首關於親情，關於夢想，關於「家」的作品，
當時我才21歲，也沒離過家，
就把從看日劇得到的感動寫成了一首歌，
但總是當我在靜下心來思考過去作品的時候，
它都是第一首浮現的歌，
總覺得對它有一種責任，應該讓更多人聽見。

在那個時期，我的作品也包含大家聽過的「小50」，
所以在我心中，「媽媽便當」跟「小50」是一組的，
雖然曲風與傳達的意義不盡相同，
一首是朝向未來，一首是回首過去，
但對我而言，
這些都是每一個「你與我」在長大的過程中，
生命它不可不承受的現實。

因為有期盼，所以前行，
因為有難以割捨的回憶，所以珍惜，
這些感受，嗯，我以前不一定懂的，
而我現在懂了。

所以我就跟小幫手Lucy說，
我想在今年母親節發表這首作品，
而她應該連一秒都沒想，就答應陪我完成這次的熱血計畫了，
30出頭了，要熱血，要下定決心闖，其實真不是件容易的事。
還記得有幾次我們在討論這張EP或這首單曲等計畫的時候，
眼眶都是泛紅著的。

終於，本來覺得很遙遠的計畫，
就這麼被時間帶來了。

說真的，
這個時代或許已經不是我2008年剛發片的那個時代，
會被關注的對象，也已經沒有所謂的理論可以去推測，
在這個年代，做音樂是自由的，但也是加倍辛苦的。

儘管如此，除了發表這首單曲「媽媽便當」，
我們討論了好久後，還是決定要做少量實體唱片，
也就是，我的唱片櫃中，
那一片片即將被時間與科技的洪流沖走的，CD。

坦白說，我房間的音響壞了好幾年，根本沒辦法聽CD，
而在三年多前換了電腦以後，也是沒有附光碟機的款式了，
所以基本上，我聽音樂的習慣，也跟大部份的人一樣，
是不需要透過實體CD的，
但你問我，這幾年有沒有買CD?
我的回答是：「有的。因為我想收藏。」

雖然買的唱片量大不如前，
就那幾張我特別喜歡的歌手，
還有幾張是我有替歌手寫歌的，
當然還有幾張是真的做得太美的，
我就把它買回來。

偶爾心血來潮放到藍光機用家庭劇院照曲目順序聽，
像聽一個故事，
然後跟以前一樣，認真地打開內頁好好欣賞，
最後它們通常都還是會被供起來，
擺在適合的角落，像一幅畫。

正因為我看待實體CD的角度是如此，
所以當我真正想做一張屬於自己的CD，
難免躲不了把身邊夥伴全部逼瘋的光景，
在經歷了攝影，設計，開會，預算，爭執，這一切混亂後，
我終於能把一片CD拿在手上，
微笑並期待著與你分享。

所以我是真的很希望，
如果你願意，請收藏我的實體作品，
線上音樂平台會有兩首歌，
然而只有在實體CD裡，你能聽見我的小小心意，
這兩首歌，我都各做了一個新版。

相信我，你會感受到我們的用心，
儘管我還是要老實說，
就算CD全部賣光了，我們還是賠錢，
我想很多音樂人朋友看到這裡，
也是心有戚戚焉吧，
但這也就表示我們並不孤單，
都還為了心中某個理想，不停向前闖。

不知不覺打了這麼多，
真的有人會看完嗎...

「媽媽便當」就要正式與大家見面了，
很抱歉這段期間一直讓大家「盲預購」，
但也很感謝竟然有這麼多朋友，
在沒聽過歌的情況之下，還願意匯款支持實體預購，
我真的很感動，
也非常期待當你們拿到CD，聽到歌後，
能和你們的生命起化學作用，
長出什麼樣的故事，那些屬於你的故事。

今天，也就是5/3（星期三），
晚上23：59分以前完成匯款並填寫表單的朋友，
若沒有郵務上的狀況，
應該會在5/10正式發片前就搶先收到實體專輯的。

到時候，請別忘記告訴我，你的心情與故事。

睽違三年正式單曲「媽媽便當」EP
請大家多多支持：https://goo.gl/g77udQ

阿超achau 2017/5/3