廣告嘅格調，同代言人嘅氣質，向來都係相輔相成。Asahi 首次同麥浚龍合作，無論格調同氣質，都係絕配。
喺Asahi嘅廣告世界，甚少見到派對聚會嘅熱鬧場面、亦冇複雜故事線，從吳彥祖angel ring到今次Juno 擔綱的「We Are The Curious」廣告，一條友、一杯酒，啟發思緒無極限，透過感性獨白從好奇心講到創作觀，簡單直接，好似主角手持嘅杯中物一樣，俐落清洌。
不過哩杯酒，唔係人人都拎得起。由日本代表福山雅治、到香港嘅吳彥祖、Juno，Asahi代言人唔止要夠型，仲要夠man。Man，絕對唔止型咁簡單，因為畀人話「型」本來就可圈可點——MK型、懶型扮型都係型；但話你man，喺型之上，別有一種飽歷滄桑嘅知性魅力，散發著對挫折的沉澱、豐富的人生歷練。哩種氣質，只能培養，學唔到亦扮唔嚟。
好似Juno，由出道初期「潮童」形象，蜕變成今時今日嘅實力派導演、創作人，當中經歷過無數探索，不斷破格求新發掘唔同主題，先有充滿故事性嘅唱片《Evil is a Point of View》、《the album 》同《殭屍》電影等出現。
哩種stay hungry，stay curious嘅精神從來都係廣告創作嘅原動力，亦同Asahi「不斷探索、時刻保持好奇心」嘅品牌理念如出一轍。
例如Juno手上嗰支Asahi Super Dry，原來以乾爽嘅日本清酒為靈感，不斷將酵母改良並以創新方法釀製，為嘅只係劃過舌尖的瞬間清洌暢快，亦即「辛口」，同埋一陣清涼過後，乾爽俐落嘅餘韻。
特別欣賞廣告擺脫傳統啤酒營銷經常出現嘅熱鬧氛圍，更多的是對自身嘅探索，用一杯Asahi Super Dry嘅時間，同自己相處、對話。識飲，啤酒都可以好浪漫。
ASAHI
https://bit.ly/2YS7XiY
#特約壹句 #AsahiSuperDry #AsahiHK #WeAreTheCurious #探索無限可能 Asahi Hong Kong
啤酒 代言人 在 【金牌台灣啤酒代言人正式亮相】你猜對了嗎 ... - Facebook 的推薦與評價
【金牌台灣啤酒代言人正式亮相】你猜對了嗎? 想不到這麼多粉絲都有猜到最新代言人是蕭敬騰不得不說，他真的是挺熱血的馬上來跟大家分享一下剛出爐熱騰騰的廣告快來留言 ... ... <看更多>