關於 唔使賣器官都可以有iphone ，我們在網路上蒐集到這些相關的討論、資訊與評價

今天的辯論題目是：華文網媒誇大日本的好處斷章取義賺取眼球，到底有何壞處？

話說早陣子無論是香港還是台灣都有強調iPhone XR在日本降價的新聞，而且題目大大個字就是說去日本旅行一定要去買手機了。

其實這是上台優惠計劃，意想不到是今天竟然收到風聲原來真的有認識的人去日本旅行的時候專程走去詢問。

「香港網媒都好信？！伏味濃喎。」

「我唔係睇香港，我睇台灣！」

「⋯⋯⋯⋯⋯⋯⋯」

我假定這個人不會是唯一的一個人。

如果我是當地遊客區的售貨員一定會心中暗罵為什麼會有這麼多遊客來詢問？你們要在當地上台嗎？至於浪費時間專程去問的除了樣衰之外還浪費了旅行的時間。

話說如果這樣斷章取義的話，香港這麼多年來都有的零機價上台豈不是可以寫成各大電訊供應商免費送iPhone？

#去香港旅行記住iPhone唔使錢
#唔使賣器官都可以有iPhone

講起iPhone大家仲要留意日本有 Sim Lock，半年後才可以解鎖。沒有人記得香港都有水貨過去日本，連秋葉原都可以買到嗎？

#應該冇搞錯除非真心記錯
#有錯請指出

🐤🐤🐤🐤🐤
おしゃれキリ教室はインスタ映えしています！

Instagram（日本語）：kirita
Instagram（廣東話）：lomore_kiri

蘋果於香港時間2018年9月13日零晨，發佈了3款新一代嘅旗艦手機 iPhone Xs、iPhone Xs Max同埋 iPhone Xr。雖然三款新手機在外型上都唔算有太大驚喜，但係其實都有唔少新功能同埋特色嘅。今日就同大家介紹下！

iPhone Xs 係17年推出嘅 iPhone X 更新版，大小、外型都幾乎完全一樣，只係重咗大約3克，5.8吋螢幕嘅解象度亦同上一代一樣。規格方面，iPhone Xs 用咗新一代嘅 A12 Bionic 處理器，官方表示比上一代 A11 處理器快15%，亦可以減低40%嘅電池消耗。新機支援新一代嘅FaceID，辨識比上一代快一倍，而機身用料亦都有優化，新機支援 IP68 防水防塵，相比起iPhone X嘅1米，Xs 可以在2米深嘅水入面操作長達30分鐘，照咁講應該成部機跌落泳池都唔駛擔心喇。雖然前、後鏡頭在硬體上無更新，不過在軟體上就加入咗 Smart HDR 技術，官方表示新一代HDR技術可以令相片更自然更靚，真實效果係點？ 就要試過先知喇！

講到功能上最大嘅突破，可以算係新機終於支援雙卡功能。呢個功能相信唔駛我多介紹，因為雙卡在大部份嘅Android手機上已經係好基本嘅配置，估唔到蘋果在介紹呢個「新」功能時，都可以將佢變成一個全新偉大嘅發明一樣… 相信都只有佢地先有呢個膽色喇。 不過又咁講，今次除咗大陸地區以外，在大部份市場推出嘅都係行一張實體SIM加一張eSIM嘅雙卡版本，相信各大台又要為eSIM嘅 iPhone Xs 系列做準備，而如果部 iPhone出咗問題，你又用緊 eSIM做主SIM，第二時要換卡就可能無咁容易。

iPhone Xs在容量上面亦有突破，最大內置512GB嘅容量，相信絕大部份嘅朋友都應該夠用。顏色方面，除左上一代嘅太空灰同銀色之外，亦新加入咗金色做選擇。價錢方面，64GB、256GB同512GB嘅價錢分別係$8599、$9899同埋$11,599。

另外，為咗回應市場對大Mon 嘅需求，今次蘋果亦推出咗iPhone Xs Max手機。Xs Max 手機在規格同功能上大致同 Xs 一樣，但螢幕就加大到6.5吋、支援1242 x 2688 解像度。雖然螢幕大咗，但手機整體嘅大細同上一代 iPhone 8 Plus 相若，所以用緊 Plus 系列又覺得 iPhone X 細嘅用家，呢部機就岩晒喇。另外，呢部機亦獨有之前一直只用在 iPAD 上嘅 Split View功能，方便同時使用兩個唔同嘅應用程式，用盡呢個 iPhone 歷史上最大嘅螢幕。最特別嘅係，在中國大陸、香港同澳門地區買到嘅 iPhone Xs Max係支援兩張實體Sim嘅雙卡功能架！價錢方面，64GB、256GB同512GB嘅價錢分別係$9499、$10,799同埋$12,499。

最後，蘋果今次亦推出咗價錢上較平嘅 iPhone Xr系列手機。同Xs系列嘅外觀差唔多，保留左「留海」設計，亦同樣用上 Xs 系列嘅 A12 Bionic 處理器，螢幕用左6.1寸嘅 LCD Liquid Retina技術，前鏡頭支援 FaceID解鎖，後置千二萬像素鏡頭。不過，呢部機唔支援蘋果獨家嘅 3D Touch技術，改為使用全新嘅「Haptic Touch」技術，呢個技術其實同長按差唔多，用來在較平嘅機款入面取代 3D Touch 用力按螢幕時所出現嘅選項。講到最特別，就係 iPhone Xr 會有6款色彩繽紛嘅顏色選擇，我個人就鍾意黃色，唔知你嘅選擇又係點呢？價錢方面，64GB、128GB同256GB嘅價錢分別係$6499、$6899同埋$7,799。

iPhone Xs 同 Xs Max將會於9月14日接受預訂，並於9月21日正式開賣。而 iPhone Xr 就要等到10月19日先有得預訂，10月26日才正式開售！

《Z世代達人》
麥卓華