【滴惜牌最新產品 - 戴夫長泉DAVE NEVER DIES🔥】
平時我咁慳水,係因為全球嘅水資源只有少於2.5%係淡水呀!💧食水資源咁緊絀,梗係慳得就慳啦~而今次我慳埋慳埋咁耐嘅水終於可以大派用場喇!👍呢支自家出品嘅滴惜牌「戴夫長泉DAVE NEVER DIES」除咗識不斷refill之外,用途仲多到你估唔到!🤩清潔、gel頭甚至洗滌心靈都一樣冇難度。😎
想知佢有幾神奇,即刻睇片再去呢度: https://bit.ly/DaveNeverDies 搶購啦,產品於4月1日開售,記住手快有,手慢冇㗎喇!💯
嗌多次口號先,「戴夫長泉,珍惜水源」DAVE NEVER DIES!!
---------------------------------------
💧Follow我IG呢邊請: http://www.instagram.com/watersavedave.hk
#唔使用魔法嘅
#用滴惜牌就得啦
#一日慳水終生慳水
#滴惜仔 #WaterSaveDave
同時也有7部Youtube影片,追蹤數超過3萬的網紅MEeeep More,也在其Youtube影片中提到,小米 Xiaomi 喺 2021 年 3 月 29 號晚上舉行咗發佈會,宣佈推出小米11 Ultra 同小米 11 Lite,今日就同大家介紹下! 小米11 Ultra 機背使用陶瓷物料,而正面就係 6.81 吋嘅 WQHD+ AMOLED 四曲面開孔屏幕,支援 120Hz 更新率,同埋 480H...
唔使用魔法嘅 在 MEeeep More Youtube 的最佳貼文
小米 Xiaomi 喺 2021 年 3 月 29 號晚上舉行咗發佈會,宣佈推出小米11 Ultra 同小米 11 Lite,今日就同大家介紹下!
小米11 Ultra 機背使用陶瓷物料,而正面就係 6.81 吋嘅 WQHD+ AMOLED 四曲面開孔屏幕,支援 120Hz 更新率,同埋 480Hz 觸控採樣率。特別嘅係,佢喺機背後面嘅相機模組上,有一個 1.1 吋嘅AMOLED副屏幕,可以顯示信息、時間、同埋電量等等嘅資料,亦可以用嚟輔助用家使用主鏡頭自拍。有咗呢個副屏幕,以後大家如果要開Live,又要用主鏡頭,咁就容易得多,唔駛驚走位。 小米 11 Lite 就採用 6.55 吋嘅FHD+ AMOLED 屏幕,支援 90Hz 更新率,同埋 240Hz 觸控採樣率。
配置方面,小米 11 Ultra 配備高通 Snapdragon 888 處理器,支援 5G 雙卡雙待、屏幕指紋及 AI 人臉解鎖、IP68 防水等級、同埋支援 Wifi 6E 等等功能。另外,佢仲有由 Harman Kardon 認證專業調音嘅雙喇叭系統,提供優質嘅音效體驗。我哋試下開個有多行走馬燈嘅新聞節目睇下,完全無問題,非常流暢。
小米 11 Lite 就配備高通 Snapdragon 732G 處理器,並採用機身電源鍵結合指紋辨識嘅設計,支援 NFC 技術、雙卡雙待、及 micro SD 卡擴充儲存空間等功能。
Alfred 今日就嚟到西九海旁,同大家一齊睇下我用呢一部 Mi 11 Ultra 拍出嚟嘅日落景係咩樣。
拍攝方面,小米 11 Ultra 前置鏡頭有 2000 萬像素,而後置 3 鏡頭就由5000 萬像素嘅 Samsung GN2 CMOS 鏡頭、加 4800 萬像素超廣角鏡頭、同 4800 萬像素 5 倍光學變焦鏡頭組成,支援全焦 8K 拍攝、多機聯錄、超級夜景、魔法換天 3.0 同最高 120X 數碼變焦等功能,而佢喺 Dxomark上更獲得史上最高嘅 143 分,絕對係影相、廣角、同視頻上嘅王者。
而小米 11 Lite 嘅鏡頭都唔錯!佢前置鏡頭有 1600 萬像素,而後置 3鏡頭就由 6400 萬像素主鏡頭、800 萬像素超廣角鏡頭、同 500 萬像素長焦鏡頭組成,支援 4K 拍攝、一鍵換天、魔法分身等功能。
小米 11 Ultra 配備 5000mAh 嘅矽氧負極電池,支援 67W 有線及無線快速充電技術,同 10W 無線反向充電,代表用家可以使用呢部電話為其他裝置充電,夠晒實用!而小米 11 Lite 就有 4250mAh 嘅電量,支援 33W快速充電。
小米 11 Ultra 嘅內置 12GB RAM + 256GB 儲存空間,陶瓷黑版本喺香港定價 HKD $8499,正式推出日期待定。而小米 11 Lite 就有內置 6GB RAM + 128GB 儲存空間版本,定價 HKD $2199,珍珠黑將會喺 4 月 6 日正式發售,而糖果藍同埋蜜桃粉會於稍後推出。
唔使用魔法嘅 在 MEeeep More Youtube 的精選貼文
小米旗下嘅紅米喺 3 月 4 號嘅晚上舉行咗發佈會,一口氣宣布推出 4 款手機,分別係 Redmi Note 10、Redmi Note 10S、Redmi Note 10 Pro 同 Redmi Note 10 5G。等我哋一齊睇下!
佢哋4款機嘅外觀相似,都係採用曲面機背設計,喺外觀上最容易分辨佢哋嘅就係螢幕尺寸。Redmi Note 10 同 Note 10S 都採用咗 6.43 吋AMOLED 開孔式螢幕,Redmi Note 10 5G 採用 6.5 吋 90Hz 嘅 AdaptiveSync 開孔螢幕,而 Redmi Note 10 Pro 嘅螢幕就最大,採用咗 6.67 吋 120Hz 嘅 AMOLED 開孔式螢幕。
喺處理器上,採用高通及聯發科嘅各佔一半。採用高通嘅喺 Redmi Note 10 Pro 同 Note 10,分別配備 Snapdragon 732G 同 Snapdragon 678。而Redmi Note 10S 同 Note 10 5G 就分別使用聯發科嘅曦力 G95 同天璣 700。佢哋4款都預載基於 Android 11 嘅 MIUI 12,一致採用側置式嘅指紋辨識器,有 3.5mm 耳機插頭。而除咗 Redmi Note 10 5G 可以支援 5G 雙卡雙待之外,其餘都係支援 4G 雙卡雙待。
嚟到鏡頭,擁有最高規格嘅當然喺 Redmi Note 10 Pro,佢嘅前置鏡頭搭載 1600 萬像素鏡頭,而後置就由 1 億 800 萬像素主鏡頭、800 萬像素超廣角鏡頭、500 萬像素 2 倍光學變焦鏡頭,同 200 萬像素景深鏡頭組成,支援 Super-PD 自動對焦、雙原生 ISO 技術,同多項功能例如魔法分身、及長曝光模式等等。可以話係市面上鏡頭最好嘅中價機。
Redmi Note 10 同 Note 10S 嘅鏡頭硬件配備亦相似,唯一唔同嘅係後置主鏡頭,Redmi Note 10S 採用 6400 萬像素主鏡頭,而 Redmi Note 10 就採用4800 萬像素主鏡頭。其他一樣嘅鏡頭分別係 800 萬像素超廣角鏡頭、200 萬像素微距鏡頭同景深鏡頭,及 1300 萬像素前置鏡頭。
Redmi Note 10 5G 嘅後置鏡頭就由 4800 萬像素主鏡頭、200 萬像素微距及景深鏡頭組成,而前置鏡頭就有 800 萬像素。
電量方面,Redmi Note 10 Pro 有 5020mAh,Redmi Note10、Note10S、同Note10 5G 都有 5000mAh,除咗 Note 10 5G 支援 18W 快速充電外,其他都支援 33W 快速充電。
Redmi Note 10 Pro 同 Note 10S 提供 6GB Ram + 64GB 或 128GB 內置儲存空間,同 8GB Ram + 128GB 內存一共 3 個版本。Note 10 Pro 售價由 USD$279 起,而 Note 10S 售價就由 USD$229 起。Redmi Note 10 同 Note 10 5G提供 4GB Ram + 64GB 或 128GB 內置儲存空間 2 個版本,售價同樣由USD$199 起。小米官方正在評估緊佢哋喺香港推出嘅可能性,大家就要拭目以待!
唔使用魔法嘅 在 MEeeep More Youtube 的最佳貼文
近月唔少5G電話推出市場,其中一部引人注目嘅,就喺小米以三千尾賣街嘅新旗艦機款Mi 10T Pro 5G。作為小米旗艦機款,究竟喺各方面嘅表現如何?今日就同大家做個開箱啦!
Mi 10T Pro機身前後都使用玻璃面設計,採用咗Gorilla Glass 5強化玻璃物料,就咁望落去都有旗艦機嘅貴氣感。可以用作指紋識別器嘅開關鍵同音量鍵喺機身嘅右側,機底有SIM卡槽,USB-C插槽同內置喇叭,而機頂就有紅外線傳輸埠。呢部機採用咗6.67吋 開孔式 FHD+ LCD屏幕,而屏幕本身就支援30Hz到144Hz嘅屏幕更新率,亦都支援AdaptiveSync功能。
試埋部機本身先,Mi 10T Pro使用高通Snapdragon 865處理器,有8GB RAM記憶體,效能上已經係旗艦級水平,應付日常生活完全冇問題。等我開多個App試下先!睇有多行走馬燈嘅新聞資訊節目,表現都相當流暢!
Mi 10T Pro其中一個賣點,除咗2000萬像素前置鏡頭之外,就喺佢嘅三主鏡頭,包括1億800萬像素主鏡頭、1300萬像素超廣角鏡頭、同埋500萬像素微距鏡頭。等我哋試下影相先!影出嚟嘅相片顏色自然,清晰度亦高,放大睇都唔會變到好濛。俾埋夜景大家睇睇!喺比較暗嘅地方都可以捕捉到咁多色彩,保留到清晰度之餘又唔會太暗,真係唔錯!
喺軟件方面,之前我哋已經試過「魔法分身」呢個功能!只要用腳架固定手機,再開啟相應功能,之後企喺四個唔同嘅位置擺好姿勢,輕鬆搞掂!拍片都得架!等我哋搵個model試下先!一樣搞掂無問題!試完「魔法分身」,等我哋試埋個長曝光模式先!雖然唔係黑曬但係寫出嚟嘅字都好清晰!
再試一試呢部機上網表現,用Speedtest測試一下5G嘅表現!喺室內嘅情況下都有唔錯嘅表現。再試埋接收WiFi 6嘅表現!唔差嫁。呢部機另外仲有 Wifi Sharing 功能,可以用自己機做熱點,分享你已經連接咗嘅WiFi網絡。第時喺酒店,或者會限制連線數目嘅WiFi情況之下,都可以分享WiFi俾自己其他裝置用。
手機電量方面,Mi 10T Pro 有 5000mAh 電量,支援33W有線快充,唔駛一個鐘就可以差滿電,日常生活絕對夠用。呢部機亦都支援 NFC 功能,加你嘅信用咭落 GooglePay,出街俾錢就更方便!
Mi 10T Pro 香港官方賣緊 HKD$3,699,配置8GB RAM同256GB內置儲存空間,顏色方面,有宇宙黑、月光銀、同極光藍三款顏色選擇,如果想以中階機價錢去感受一下旗艦級嘅水準,Mi 10T Pro絕對係一個好選擇!