🔍牛大人台灣火鍋吃到飽 (荷李活商業中心)
🎈旺角彌敦道610號荷李活商業中心地庫
-----
火鍋愛好者們，相信對呢一間台式火鍋應該唔陌生，佢哋每日嘅排隊情況，就好似當年嘅茶木咁，不過雖然人多，職員嘅服務態度都算幾好。😛
佢哋設有自助區同埋手機下單，坐低之後，用手機下完單📱，等待嘅同時就可以去自助區睇睇，喺自助區度，除咗各式丸類、飲品、蔬菜等等，仲有呢度好出名嘅第二市場真滷牛肉飯等🐮。
👶🏻食物種類繁多，就唔一一詳列，以下係B仔嘅私心必叫推薦List，比大家參考下：
（自助區）第二市場真滷牛肉飯：半肥半瘦嘅滷肉，有肉味有脂味，由於係自己裝嘅關係，可以隨意製出多肉少飯嘅邪惡配搭，係地道嘅台灣夜市風味。🥄
（自助區）寬粉、招牌凍豆腐：呢兩款索汁嘅選擇，亦都係自助區嘅熱門食材之一，B仔今次叫咗阿嫲養生濃湯，吸盡濃湯嘅寬粉，軟Q彈牙，好滋味，令人不自覺地多吃。而凍豆腐則呈蜂巢狀，將滿滿嘅清甜湯底精華盡吸其中。🥄
（自助區）菊花普洱、白桃烏龍、蘋果西打、仙草蜜：擺放大量飲品嘅自助區中，我最愛嘅就係呢四款飲品，菊花普洱同白桃烏龍清甜低卡，解膩又唔會致肥，而蘋果西打同仙草蜜就係台灣進口嘅特色飲品，唔多地方有，值得一試。🍸
（Apps下單）牛媽秘製滷大腸、西班牙豬五花、澳洲和牛M5牛肩卷、私房鴨血、脆肉鯇魚腩、鬼馬老油條、美人花膠、章魚珍珠漿：滷大腸腸味突出、鴨血滑嫩無比、豬五花有豬味有嚼勁、澳洲和牛油花豐腴、鯇魚腩脆而鮮美、油條香酥綿密、花膠爽口彈牙，而章魚珍珠漿更係有粒粒大大嘅章魚粒，口感與味道俱佳。
（Apps下單）威士忌冬瓜茶：額外加$38蚊嘅呢一杯台式style威士忌，飲落香香甜甜，酒味非常突出，本身諗住佢只係加少少威士忌，點知飲咗三份一，即刻紅都面曬🤣，原來係有料到，咁嘅酒份量，$38又幾抵wo。
（寫紙仔）店員比賬單客人嘅時候，會俾埋甜品紙我地，有我好中意嘅Movenpick之餘，仲有佢地嘅自家製台中仙草凍，兩款都好出色，好難做選擇😂，如果兩個人食嘅話，建議一人叫一款，然後將Movenpick撈落仙草凍到食，整個雪山仙草凍😁，咁就一次過滿足晒兩個願望啦！
-----
👶🏻B仔整體評價：8/10個👍🏻
👶🏻B仔抵食程度：8/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
#swallowhongkong
跟住我一齊吞食香港啦！🤤
#swallowmongkok @ 牛大人
