銅鑼灣-南小館plus：陳皮蝦（$88）、核桃包（$28/3件）+10%
-
位於希慎的南小館plus裝修完冇耐，座位算幾寬敞，又有自然光透入，環境舒適； 除了一般上海菜，還有不少年輕創意特色菜品， 一家大細都適合，而且價格又比小南國平易近人。
-
季度新菜式中，陳皮蝦（$88）乃必點之選，一碟有8隻脹卜卜的蝦，抵食之餘味道都出色， 獨特的陳皮香氣跟海鮮很搭配， 酸甜的果皮醬汁令人食指大動，難得的是連蝦肉都芬芳入味。
-
另外核桃包（$28/3件）都超級抵食， 包身鬆軟帶有核桃的清香，搣開即爆出香甜的煉奶核桃餡，口感豐富。
-
香辣乾鍋雜菌（$78）入面有新鮮的菇菌、 粟米芯和四季豆，睇落有勁多辣椒係入面，但係食落只係微微辣，反而醬汁好濃郁惹味，呢個菜送飯一流。
-
甜品有呢隻眼訓豬椰汁奶凍 - 只限南小館plus供應（$28）， 有三隻顏色但係一體成型， 造型仔細，除咗屁股和大髀的摺痕，連牙齒都有，真係非常特別！忍唔住幫佢影左唔少寫真。
-
另一特別的菜式是櫻桃鵝肝 - 只限南小館plus供應（$68） ，櫻桃狀的其實是經低溫煮並攪成蓉的鵝肝， 食落其實微微酸甜又滑溜，我覺得似似鵝肝味嘅雪糕！
-
PS. 呢度水吧仲提供一系手搖飲品，芝士奶蓋還是現打的哦！
---------------•
✅#nee_eat_cwb
南小館Plus (銅鑼灣)
銅鑼灣軒尼詩道500號希慎廣場12樓1201號舖
-
.
.
.
#南小館 #南小館季度新菜 #南小館plus #ZolarX小南國 #Zolar #Zolarfoodie @ 南小館 the dining room
南小館季度新菜 在 【人氣小館推介 】... - 南小館the dining room | Facebook 的推薦與評價
【人氣小館推介 】 南小館季度新菜主打－陳皮蝦 陳皮獨特香味可以襯托出蝦肉嘅鮮甜，色香味俱全，包您食指大動 愛好海鮮嘅您一定唔可以錯過！ ... <看更多>