巨龍娶咗老婆後（上）
我叫阿龍，我老豆叫阿龍，我阿爺都叫阿龍。
我哋祖祖輩輩，都係一條龍。
龍嘅功用係增強人嘅氣運，傳說，秦始皇就係偶爾得到一條龍，先得以一統六國，成就霸業。
但個天係公平嘅，龍可以增強主人氣運嘅同時，都會吸收其他人嘅氣運，集所有人嘅氣運成就一個人。
秦始皇擁有嘅係祖龍，能力強大，所以成個國家都民不聊生，二世而亡。
劉邦建立漢朝後，發現咗龍。
佢希望大漢千秋萬載，自然唔想利用龍，重覆秦始皇嘅命運。
但龍嘅實力極度強橫，殺龍幾乎係無可能嘅事。
於是，劉邦同祖龍立咗一個約定，龍唔再認任何人為主，唔會刻意幫人增強氣運。
與此同時，人類必須供養龍，確保龍可以安穩生活同延續後代。
劉邦建立咗「守龍村」，龍就住喺守龍村嘅龍洞，村民負責供養龍。
雖然龍冇認任何人為主，但天生就係氣運所在，所以守龍村一直風調雨順，村民安居樂業，所以二千年嚟，龍嘅供養都冇出過咩問題。
你肯定會問，人點樣幫龍延續後代呢？
龍係冇雌性嘅，每一代嘅龍都係雄性，而龍成年後就可以化為人形，好似正常男人咁，同女人交配，不過生出嚟嘅一定係龍。
所以，根據祖龍同劉邦約定，守龍村每隔三十年，就會獻上村中最靚嘅未婚女仔。
我今年二十五歲，仲係一個處男……處龍。
我阿爸幾年前已經修練成超級泡泡龍，帶埋阿媽飛升上天，呢幾年我都好寂寞。
好彩，今年，我老婆就會被獻上嚟。
雖然我冇拍過拖，但村民好友善，除咗生活用品之外，有咩娛樂嘢都會送一份過嚟。
近排流行偶像劇，所以我睇咗好多偶像劇，知道女人係要哄嘅，男人要遷就女人，為女人不顧一切，先會得到一段甜甜的愛情。
冇幾耐，村民就送上咗小美。
小美人如其名，生得好靚女，果然係全村最靚嘅女仔。
我對小美一見鍾情，捉住佢對手：「從此你就係我老婆，無論甘苦，無論貧富，無論病痛健康，我哋彼此相愛珍惜，至死不渝。」
點知，小美用力甩開我對手：「痴線，邊個係你老婆？」
我手足無措：「我哋今晚就會結婚，你就係我老婆……」
按照慣例，守龍村送咗靚女嚟龍洞之後，當晚就會舉行婚禮。
村長大喝：「小美不得無禮，呢位係阿龍！係我哋守龍村嘅守護神。」
「我知佢係龍啊，龍就可以逼我嫁畀佢？咁同強姦有咩分別？」小美反駁。
村長同我講：「你放心，無論如何，今晚我哋一定會壓住小美同你拜堂。」
吓，壓住小美同我拜堂？真係同強姦有咩分別？
睇咗咁多偶像劇，我都學識尊重女性，同愛護自己心愛嘅人。
我幫小美講好說話：「我同小美先第一次見面，就要佢嫁畀我，未免太難為佢嘅。」
「守龍村祖祖輩輩嘅龍妻，都係咁㗎啦。」村長答得理所當然。
我見小美喊到梨花帶雨，我心都痛埋。
我勸村長：「咁時代進步啦嘛，感情觀都要進步，唔再係盲婚啞嫁。」
村長皺晒眉頭，但佢哋可以撳住小美，都撳唔住我嘛，只要我企喺小美嗰邊，都冇辦法逼我同小美拜堂。
村長退咗一步：「我唔逼你哋拜堂，但我都唔會畀小美番守龍村，入咗龍洞，就係龍妻。」
連小美嘅父母都附和：「做龍妻係幾咁大嘅榮耀，我哋唔會畀小美番嚟㗎。」
待續...
Patreon訂閱即時睇下集，快人一步：https://www.patreon.com/tomato28
#短故 #短篇 #小說 #陳美濤 #廣東話 #粵語 #tomatochan #巨龍娶咗老婆後
劉邦友老婆 在 Re: [八卦] 劉邦友血案... - 看板Gossiping - 批踢踢實業坊 的推薦與評價
※ 引述《spencer2567 (綠帽團團長)》之銘言：
: 其實他的妻子知道是誰下毒手的
: 是金錢上的糾紛擺不平阿
: 背後的也是一個很大尾的政治家
: 所以啦
ㄟ...這是我從我爹在當年桃園縣政府的朋友那裡聽來的，大家可以不要信...
因為我自己都覺得這比較像靈異傳奇而非八卦...
話說劉邦友過世後的一兩年，他的亡靈還有在自己的家（當然是後來他們家人
搬去住的那一戶）四處走動，還會跟家人提一些事情...
其中，他好像有把誰授意殺掉自己（這就知道了，動手的人只是收錢的殺手而
已，罪魁禍首不是他們）這件事告訴自己的老婆，還跟她說沒必要追查了，因
為要他死的人"非常高層"，追也沒用...
據說，那人姓李...其他我都不知道...
--
政治外交同鍋煮，中外文史冶一爐；
物理化學加生物，添上軍事更覺殊。
--
※ 發信站: 批踢踢實業坊(ptt.cc)
◆ From: 218.166.99.12
... <看更多>