關於都係搵餐lunch and Supper食吓.....
//朱隊友不斷說藍色憂鬱，藍營人被欺凌被打壓，自己冇晒KOL job，卻又輕描淡寫「我正職都唔係做呢行，我做股票之嘛」，好唔志在，但她在港台還能暢所欲言時，我特別想問她有沒有聽過兩個名字：蔡玉玲和利君雅。
如她像我不知她一樣，也不知蔡利，很想為她的時事常識補白，後者就是近日引發「散水餅panic attack」和「簽署新合約後仍不獲續約」那位，這，叫冇job。
「我淨係想繁榮穩定……我哋淨係想搵食啫」，關鍵字：穩搵。
她公然坦認她只求「穩搵」，「你哋叫我哋港豬」說得欣然無愧，也是本事，豬得光明磊落，至少比很多如果可磊落做人的人更吸引。
當她出盡九豬二虎之力，又一臉無辜地，祈求香港是個可以讓她搵餐安樂Supper的那個moment，我頭頂彈出了很多問題。
除了賭場，有幾多地方是穩賺的？
穩搵，看似卑微的要求，環顧全球，又有幾多地方可以做到？
想一個地方可以穩搵，那裏的人有什麼責任，權利義務，反省和意志？
瞇埋眼只在乎搵食，就可以穩，還是解決問題、理順矛盾，才可以穩和搵？廖啟智說劏房是香港人的恥辱，而劏房猖獗；香港人連蝸居都未解決，而納米樓萬歲，這是那一門的繁榮？
一個曾經繁榮穩定的地方，不再繁榮穩定，是否你自我催眠，看不見一波又一波的風浪暗湧殺機，一切就沒有發生，一切就可以great again，自己會自動自覺一五一十還原靚靚拳？P圖都唔得啦。
那邊廂，有樂隊跳出來表示搵兩餐Supper天公地道，「其實做音樂係要錢」，他們想「賺人仔」、「賺美金」、「賺港紙」、「賺加幣」，立時覺得朱隊友應該和他們坐埋一枱，jam番首搵食無罪。
搵食，當然無罪，但搵食以外，還有沒有其他？
不政治表態，當然無罪，但高呼只求搵食，毋寧已是一種表態，一種劃清界線。選擇性表態，也可以，但就不能怪別人唾棄你了。又要縮，又想谷，是不可能的。//
反而想問，為什麼社會會有一個urge，希望有些事、有些人出句聲吖，你睇唔到呀？冇事冇幹，會否有人悲情甚至絕望地，希望每個人都盡力？
//別誤會，我最支持朱隊友和搵食的，我也最想安定搵lunch搵supper不問其他，但想祇需要求搵食，一個地方的公平正義先要成為基本，散水餅和人話要不可怕，那裏的人才不用想其他。//
搵食，真的ok，但”Nothing is worse than that fake conversation right before they ask you for something”，有求就蒲頭，有點醜。
