「18歲想去一個地方旅行，其實留到28歲、38歲、48歲先去，嗰個地方都仍然喺度，只係你已經唔再係18歲嘅你。」朋友send咗我呢個舊IG post過嚟，再附加一句msg：「好想飛呀！」
我話：「邊個唔想吖？」
「以前有得去下旅行，而家冇......喺香港就連放假都有人問你工作嘅嘢，仲要不分時段。」
最近大家做嘢都好辛苦，想呻就隨便呻啦，其實呢種心理狀態應該發生喺好多人身上，我更加有雙倍感受，點解？因為冇得飛唔止去唔到旅行，我上年年尾接咗一隻job都冇埋。
話說呢隻job係同旅遊有關，有錢賺之餘仲有免費機票住宿，地點係北海道喎大佬，我當時開心到瞓唔著咁滯，好耐之前去過一次係自費旅行，仲要聖誕節，簡直畢生難忘－－－I mean機票同酒店貴到畢生難忘🙈🙈
咁好啦，呢次有人出錢請我去，即刻計劃埋完成工作之後，再轉內陸機去東京玩幾日，點知......2020年，全世界都冇得飛🤦🏻♂️
隻job本身係2月尾出發，postpone到5月，再postpone到8月，本身想再押後到年尾，但由於情況唔太樂觀，最終cancel埋，唉！
已經唔係冇咗隻job嘅問題，係我真係好掛住日本、好掛住北海道、好掛住函館山夜景、好掛住小樽運河、好掛住旭山動物園😢仲有壽司、豚肉丼、拉麵......掛到點嘅地步呢？頭先走落去超市買生活用品，見到出前一丁新推出嘅北海道小麥粉麻油味即食麵，我係諗都冇諗，愛屋及烏擺落購物車即刻買咗。
你係咪想同我講：「冷靜啲，咪又係出前一丁！」
唔同㗎！我好冷靜😭
本身香港版同埋日本版已經有分別，食過一定知道香港版嘅日式醬油湯底較濃郁，麻油味突出啲，而日本版嘅湯粉裡面就有原粒芝麻，麵嘅口感亦較彈牙，至於呢款新嘅北海道小麥粉麻油味丁麵除咗保留香港版湯底濃郁嘅特色之外，麵條亦更色澤金黃，口感煙韌彈牙，最重要係採用100%北海道產小麥粉呀！當地嘅小麥粉係以粉質細緻，同埋富有清新麥香而聞名㗎！Exactly係北海道嘅感覺，散發出嚟嘅甘甜麥香真係不得了，你話我掛住北海道掛到癲咗都係咁話㗎喇！
諗住食個麵以解單思之苦，點知每一啖都feel到北海道嘅美味，希望盡快可以再飛啦，我哋真係好需要出去放鬆下。
#出前一丁 #北海道產小麥粉製 #Nissin #丁麵 #香港製造 #各大超市有售
