關於 冇用麵粉機同埋攪拌機 ，我們在網路上蒐集到這些相關的討論、資訊與評價

第一次整紅豆酥餅 ， 超成功😎😎

超多餡，超酥脆，😎😎

勁滿意😎😎

啲麵粉皮自己搓，啲紅豆自己慢慢壓蓉。
差唔多整咗五個鐘頭。

🥰講咁多其實只係想呃like 🥰

#讚美我啦😎
#冇用麵粉機同埋攪拌機
#全人手製作
#其實只係屋企冇麵粉機同埋攪拌機😈

QQ身邊有很多美食家和寶藏廚神，以後我會跟大家分享簡單美味的食譜。

大少奶是我的鄰居，大家住得近，我又是出名的愛吃，所以經常被邀品嚐她的拿手菜式。太幸福了我。????
香蕉核桃蛋糕：

大家好今日QQ想同大家分享少奶嘅香蕉合桃蛋糕食譜，
我係材料個清單大家快啲抄低，

我哋先將合桃擺入焗爐焗7分鐘令到佢更加脆，

香蕉搣皮整成茸，香蕉方面我們挑已經有小黑點的這樣吃起來更香甜，唔需要太爛
跟住我哋倒入檸檬汁同埋砂糖攪勻佢

麵粉一定要過篩蛋糕先至唔會結塊

蛋糕濕潤靠牛油，將檸檬皮同砂糖倒入牛油攪拌機打佢，跟住逐隻逐隻雞蛋擺入牛油裏邊

另一邊廂將牛奶同梳打粉混合

然後將所有材料撈勻

焗蛋糕嘅盤預先用牛油查均內部咁樣更加容易脫模

將焗好嘅合桃分一半一半裝飾用，另一半整說佢擺入蛋糕泥中

放入焗盤

再放入預熱焗爐150度焗45-50分鐘完成，想知道蛋糕有冇熟頭可以用筷子或者竹籤插入去，筷子乾身代表熟透

外邊脆卜卜，裏面軟綿綿嘅香蕉合桃蛋糕咁就完成啦，希望大家鍾意QQ今次嘅分享，我哋下次再見，記得訂閱，like同分享。

材料：
核桃仁250克。攝氏150度烤7分鐘
斑點香蕉三條
檸檬汁一茶匙砂糖¾杯

牛油125克
檸檬皮一茶匙
砂糖一茶匙

雞蛋兩隻
蘇打粉一茶匙
牛奶一湯匙

自發麵粉兩杯
（過篩）

♥Special Thanks: 大少奶
♥ Shot and Edited by Queenie Chan (演出/拍攝/剪接:陳莉敏)

♥Need your help if you are awesome at translation :)

http://www.youtube.com/timedtext_cs_panel?tab=2&c=UCQYZe-lXLv5t37Jadx2HEtw

♡ Products Mentioned ♡

♡ Social Media ♡
♥ SNAPCHAT: beautyqq
♥ PERISCOPE: @beautyqq
♥ http://queeniechan.com.hk
♥ Tumblr: http://www.tumblr.com/blog/beautyqqhk
♥ Onlone Shop: beautyqqstore.com
♥ Queenie's Sina Weibo 微博: http://weibo.com/tvb8queenie
♥ Queenie's Facebook: https://www.facebook.com/msqueeniechan

♥ Queenie's Instagram: iloveqq
BusyQFlorista
Sobrush
Wearablelovebyqq

♥ YouTube : BeautyQQ:(美麗頻道)Main channel: http://www.youtube.com/user/BEAUTYQQ
♥ YouTube MsQueenieChan Channel(生活頻道) Sister channel
http://www.youtube.com/user/MsQueenie...
♥ YouTube MyDearQQ Channel (國語頻道) http://www.youtube.com/user/MyDearQQ
♥ Queenie's 土豆: http://www.tudou.com/home/BEAUTYQQ
♥ Queenie's YouKu :優酷 :http://i.youku.com/u/UMzg5MDc5OTIw

Subscribe my channel to join the BeautyQQ Merry Club !

We are a bunch of loveable kissable huggable Living creatures getting ready to take over the world with love and creativity ☺


♥ Music :

♥Business Email:
Sylviat@clh.com.hk

♥

有冇諗過喺屋企都可以食到新鮮香噴噴嘅古祖味蛋糕呢？今日就同大家介紹下！

首先睇睇材料：
牛奶 50 ml
植物油 30 ml
蛋 3 隻
砂糖 40 g
低筋麵粉 60 g

首先將3隻雞蛋嘅蛋白同蛋黃分開。之後喺3隻蛋黃果面，落30ml植物油，50ml牛奶，再將60g嘅低筋麵粉過篩，就可以開始攪拌，只要攪拌到成形，咁上下杰就ok。至於蛋白果面，我哋要落40g砂糖落去，再用攪拌機打到發為止。

完成之後，我哋就可以將兩個碗材料撈埋一齊再攪拌，變成漿狀之後就可以倒入模，放入氣炸鍋，用160度氣炸5分鐘，拎一拎出嚟喺中間劃兩刀，再放入氣炸鍋用150度氣炸15分鐘，搞掂！

焗完之後，我哋可以拎一支籤出嚟篤一篤蛋糕，如果冇嘢黐住，即係蛋糕已經熟晒，跟住就可以上碟喇！

俾多個貼士大家，如果雞蛋之前有雪住，記得將蛋放到室溫先好用，因為太凍嘅蛋白有機會打唔起㗎！

呢個古祖味蛋糕一出爐真喺好香，食落軟熟，好有蛋香味，絕對唔會比街外蛋糕店輸蝕，你仲唔快啲試下！

晨鳥久候，朝暉才稍至，已經急不及待啼唱。破曉後的紅磡工業區，已見零丁身影，其中一個，正步向一道半開的閘前。這是一個既高且瘦的背影，他熟練地鑽入閘口，任由銀閘半開。半開的店，頭頂着一塊老得泛黃的招牌，正中央用長春的黑棕色畫上「新祥益餅店」，左側打豎刻着「中秋月餅」；右側是「出爐麵飽」。果然是一家超過將近四十年的老店，穿過半閘，就腳踏於翠白交錯的馬賽克地磚上，彷彿陣陣舊日的香氣輕繞。倏地，有甚麼濃烈的氣味蓋過了它，鹹甜、酥香，啊，當然是麵包的馥郁。

追隨着香氣，越過了一扇門來到了後方的工場，做麵包者正是方才高瘦的男人，黝黑的皮膚上，綻放出爽朗的笑容，邊搓着手上的麵糰，邊打着招呼。他是「梁生」，小店的其中一位老闆，至於他的拍檔兼難兄難弟尚未現身，不是偷懶，而是二人幾十年來的作息默契。


熱爐的馥郁
這是一個平常的清晨，梁生埋首於工場內。他負責做麵包西餅，幾乎甚麼都懂。做麵包不算複雜，要用有筋麵粉，加入糖、豬油、雞蛋及奶，以前要用手搓，如今倒好，有機器幫助，於攪拌機內攪成糰便成，同一個麵糰，又能做成各式各樣的麵包。他從機器內挖出一大塊麵糰，走到長方桌子前，左手托起麵糰，右手於桌面撒上一把麵粉。開始做出各種麵包來，菠蘿包搓成圓形，發酵後鋪上菠蘿皮；雞尾包包入椰絲餡，再搓成橢圓形；椰卷搓成條狀，黏上椰絲，卷起；火腿蛋包及腸仔包各自包入肉餡，還有豬仔包、叉燒包、葱包，整齊地擺放於老舊的鐵盤上。舉目四望，工場乃方寸之地，只有一張長桌、一台攪拌機及兩個焗爐。一盤又一盤的麵包，排隊輪候着入焗爐被烤之時，另一位事頭登場。他比梁生看起來矮一截，一頭短髮黑中參白，同樣掛着一個和順的笑容。他是「盧生」，與梁生數十年的好兄弟。


盧生放下了兩大袋午餐食材後，便綁好圍裙於腰間，準備做他的強項——唐餅。唐餅比麵包麻煩得多，每款餅的餅皮都不一樣，要逐一手搓。首先，要做老婆餅。做老婆餅皮需要用沒有筋的白麵粉，於一大堆的麵粉中挖出一個洞，加入雞蛋、糖及豬油。他執起一把糖表示，他們用的是日本砂糖，比較幼一點，不是蔗糖而是菜糖，質感如糖霜般幼細，釀入麵糊中比較均勻，但成本卻貴很多。至於豬油，用處就是令麵糊油膩些許，搓出來的皮沒有那麼黏手，但不能落太多，不然一入口很重豬油味，而且一咬下去餅皮就爛掉。他邊把所有材料混合，邊道：「我哋啲唐餅用手製，所以搓到手痛，機器都做到，但因為機器轉數快，做出嚟冇咁好。」看着他又搓、又包、又夾，要搓得剛剛好，太硬不行，太軟也不行，剛剛搓起的餅皮要放久一點，筋才會增多，餅皮成形不容易。這一層就是沒有韌度的油搓粉，即油皮。老婆餅要有一層層酥的效果，那麼就要有水皮的配合。水皮沒有油所以會韌，竅門就在於將兩者夾起，一層水皮一層油皮，人家就是這樣疊上很多層，反覆摺疊，盧生倒不用，一下就搞定了，他邊做邊解釋：「人人做法唔同，拿！而家水皮夾住咗中間層油皮，我將佢捲起，再壓平，係唔係變咗好多層？就係咁啦，好簡單。」用卷的方法代替摺疊，確實高明。接下來要做餡料，老婆餅的餡料不過就是椰絲、糖冬瓜及芝麻，攪勻兩個小時就會凝固，即可包餡。

才剛把老婆餅入爐，他又開始做燒餅。他們做燒餅的方法又有點特別，用半生熟的糯米粉。熟糯米粉與生糯米粉的分別，在於生粉滑且沒有黏性，熟粉摸上去較粗，但吸水力是生粉的一百倍，兩者混合就不用加滾水，這麼做軟熟又快速，但攪拌時，手腳慢一點都會起粒。餡料有紅豆或花生，包好烤熟即成。雞蛋酥、合桃酥、芝麻餅、鮑魚酥、雞仔餅等唐餅又接着出爐，盧生還未能鬆一口氣，只見他又接過剛出爐的麵包，中間切開製成熱狗及奶油包，又切好牛油做菠蘿油。接着趕往工場幫忙出爐工作，把新鮮熱辣的麵包送到店門的玻璃櫃前，吃麵包太熱不好吃，剛放涼的最好吃。他邊把剛出爐的老婆餅放好攤涼，雖然他們只是薄利多銷，但附近有間旅行社，每次來買超過一百盒再轉賣，他調侃：「我哋賣二十幾蚊一盒，他們賣五十幾六十蚊一盒，我哋同佢哋打工咋嘛。」畢竟生意不如從前好做。二人把新鮮熱辣的麵包送到店門的玻璃櫃前，準備迎接客人。

熱爐的情懷
老店嘛，賣麵包的模式也念舊。兩個玻璃櫃，左邊放麵包，右邊放唐餅，客人來到櫃前一指，阿姐即套上膠袋抓起麵包，一手交麵包，　一手交銀紙，這是幾十年不變的老做法。兩位老闆終於停下手，有空緬懷一下過去。

二人於一九八零年相識，當時同於香港仔一間麵包店一起工作，梁生做麵包；盧生做唐餅。後來因為有技術又勤力，一同被老闆的弟弟挖角 ，走到旺角開店，就是「新祥益」，一九八二年創立。第一間店位於奶路臣街，當年下面是海，多是水上人居住，水上人要出海，所以一次要買很多東西麵包及唐餅，當年生意好得不得了，二人一手包辦，功夫做不停。旺角舊店做了兩年左右，當時老闆嫌太辛苦，着他們頂讓了來做，頂讓費幾萬元，以前幾萬元很多，一個月薪水才九百元，一個麵包才賣五毫子，二人為了自立門戶，就拿出全副身家頂手小店。只是，後來又面對拆樓，水上人都不在了，他們只好搬走。直至六四事件時，他們已經搬到北帝街，一做就做了十多年，接着市政局收購該地重建，二人才看中了現址。那時候的紅磡工業區可興旺，因為工廠多，無論男工女工都佈滿整條街，行人路都沒路走。老店那時候每日都賣出很多麵包，直到啟德機場搬走，一切就差遠了。因為機場搬走影響所有行業，工廠倒閉的倒閉、北移的北移，生意才變少。旁邊的食店都倒閉了不少，他們可好，留得一批熟客，一做就做到現在了。

「提！」、「硬豬！」、「手榴彈！」不知是否上班一族趕時間的緣故，他們都習慣說着這些單字密碼，有趣的是，阿姐都沒有半秒鐘的猶豫，一下子就執起目標。甚至乎，離遠看見某些熟客，阿姐已經袋好麵包，客人來到拿起麵包，直接放下幾個硬幣離開，看似冷漠，卻又是一種說不出的默契。梁生自豪表示，二十多年的客人還在光顧：「梗係因為好食啦！只係我哋冇賣廣告，冇華麗包裝啫。」捱了幾十年，如今二人都看破一切。有沒有生意對他們而言，有甚麼所謂？他們不怕沒有生意，只擔心太多，因為根本就做不來，數十年來的勞損，叫二人手腳放慢了很多。盧生坐在殘破的木椅上，笑言：「好多人叫我哋開分店，我哋唔做咋嘛，我供咗四層樓啦，咩都供完啦！」老頭子幽默，甚麼是四層樓？即是四個女兒，確是非同小可。如今子女長大了、出身了，他們在這裏工作，就當作是娛樂。他笑着跑入廚房煮飯，這也是他們的每個中午，煮一頓家常午飯，與員工同樂。說是員工，他們反應可大，盧生又探出頭來打趣：「我哋呢度冇員工，全部都自動自覺，靜靜哋講，我請嘅全部都係富婆嚟㗎！當做朋友囉，我哋冇壓力嘅。」真的，星期六只開半天，星期日休息，不想太操勞。說時遲，盧生已經端出幾碟菜來，兩位老闆及兩個阿姐吃着笑罵着，一邊工作一邊開玩笑，又有樂趣，又可以吃麵包，甚麼事情都笑一頓，這樣又一天。

有喜有悲，道悲，他們真的啞口無言。梁生說：「我哋冇嗌交呢回事，缺乏乜就開口，大家立即就去做，就係咁樣相處。」一旁的盧生邊點頭邊搭話：「梗係感情好先拍檔咁耐啦！唔好嘅話早就爆煲啦！兩個人互相扶持，有乜所謂？」然而，年華總會逝去，二人都有了退休的念頭，久站了，腳也痛了，沒法子做了，老了。看二人的表情就知道，可惜當然有了，畢竟做了這麼久，他們見面時間比老婆還多，比兒女更多。

「唔捨得，成間鋪都唔捨得，如果要閂門，回望一下真係唔捨得。」那麼一瞬間，已經分不清是誰的聲音。

採訪：黃寶琳
攝影：胡浩賢

新祥益餅店
地址：紅磡民裕街29號地下
電話：2333 2997
營業時間：一至五6am-7pm，星期六6am-3pm，星期日休息
詳情： http://bit.ly/2U7HGtF