//炒股哲學，如果你抱住「邊度跌低，邊度起返身」信念，結果，只有一個，就係「就算你起返身，你最後都會輸得仲甘。」//
「邊度跌低，邊度起返身」冇問題，但呢度跌低，未回氣、唔忿氣、仲未清楚點解自己輸乜，就想立即起身報仇，對唔住，你極可能再跌低一次。千頌C這篇文，不妨share俾一個信奉「騰訊教」的信徒。
#7QQ升浪故事 公元2017年11月，在港股嘅國度入面，戰事仍然不斷。當然每場戰爭，都會攻無不克、戰無不勝之英雄，呢一輪，嗰位當時得令嘅大將軍，叫人稱「Q將軍」嘅騰訊（700）。
「用兵之道，在於兵貴神速，不貴久，我哋要半個月內攻破400蚊水平」Q將軍一聲下令，眾將豈敢不從，齊聲一句「末將領命」後，果然，騰訊領軍成功擊潰400蚊水平，史稱「四百之戰」。
Q將軍身形雖有如企鵝，不過手執「升破400蚊」旗幟，領軍昂首入城一刻，當然獲民眾夾道歡迎，「升！升！升」「騰訊500蚊見！」「快啲拆細再炒過。」
Q將軍「四百之戰」後，聲威大震，更令不少百姓，諸如骨骼精奇之練武奇才，或燕瘦環肥之毒男廢青，均甘心成為其麾下，甚至貼錢打工，重貨買牛，上陣殺敵。「我重貨掃700牛呀，貼價到差幾蚊？冇事嘅，700唔會跌。」「買咩正股呀，買牛證一日都賺幾倍啦！」「唔好沽住呀！700會繼續升架。」越多人掃牛，班副將輪商就幫忙調兵遣將，買多啲正股對沖。結果，於11月21日，Q將軍竟然一舉攻破439蚊大關，將軍喃喃的道「真係升到連我自己都驚。」
不過，世上哪有不敗的戰神，「12月恒指季檢，基金要沽貨啦！」「聖誕鐘、騰訊終」喺港股跟紅頂白嘅世界，哪有大戶會同你講感情，Q將軍節節敗退，430蚊、420蚊、410蚊相繼失守！「騰訊唔會去到400蚊架，我哋用隻牛血戰到底！」
一語成讖，同時亦展開一場「牛仔大屠殺」。戰火無情，輪商無愛，400蚊收回牛證行先死先，18隻是騰訊牛證當場死亡；385蚊陣地一日失守，39隻牛證即場打靶，涉及約9億份街貨，死傷枕藉、屍橫遍野。網絡上哀鴻遍野，「我隻牛仔死得好慘呀」「你個輪壞咗呀」「如何面對寵物即將離逝」;「RIP」，「節哀順變」之聲此起彼落。
「Q將軍」分明大勢已去，不過此時，只要騰訊升少少，就一定有人衝出來講，「不要騰，只要訊」「我哋要有『訊』心」。
結果有朋友星期一，買四隻極貼價「勵志神牛」，坐過夜，星期二一夜清倉…有朋友之前借財仔買700牛，依家欠街數幾球，然後走去問人借錢，唔係為還借，而係話「騰訊聽日一定升嘅」真係那來的自信？…睇到呢度，我就知此國度出現一種邪教，叫「炒700唔會輸錢」的邪教。
有朋友話，炒股哲學，如果你抱住「邊度跌低，邊度起返身」信念，結果，只有一個，就係「就算你起返身，你最後都會輸得仲甘。」
by千頌C@堆填區
http://fb.com/winbigwok
兵貴神速而不貴久 在 孙子兵法速胜之道：足兵贵神速、避免久耗 - YouTube 的推薦與評價
有话说：“半部《论语》治天下，半部《孙子兵法》打江山”。《孙子兵法》鉴赏课程将带您走入谋略有道、制胜有道的智慧新天地！无论今天和未来，不 ... ... <看更多>