【人跡罕至元朗購物城食&玩】
初三魔王芊瞓到黃朝百晏，我哋近近地喺Yoho撘咗15分鐘車，去咗近落馬洲黃巴站嘅The Boxes 新田購物城。
呢度人稱鬼城，Wilma媽都係一心去佢個森林樂園睇吓攤位遊戲同去食街，所以都冇乜所謂的。
坐B1喺新田運輸交匯處，步行5分鐘就到達呢個相當大嘅地方。
佢由好多個貨櫃商户組成，因為初三嘅關係，好多舖頭冇開，不過老實講對香港人嚟講，呢度嘅商戶絕對冇乜吸引力，都係G2000、優品360、手錶、藥妝等。（仲有間Supreme！）
不過值得一讚係，呢度算幾乾淨，休息嘅户外坐椅都唔會有垃圾，食街嘅顧客亦會好自律地將食物處理，所以觀感上都舒服的。
嚟到食街，雖然只有幾間食肆，但食物種類都好適合户外輕食，例如魚肉翅、煎炸小食、果茶、啤酒，好適合同小朋友坐低下午茶！
醫肚過後，我哋去咗森林樂園，係新田購物城入面除咗VR區最熱鬧嘅地方。
有6、7個好懷舊嘅攤位遊戲（掟大板牙、掟膠波；歡樂天地未開前止止渴吧），同唔同嘅夾公仔、入錢會郁嘅車，最吸引嘅就係小型playhouse！
不過魔王芊呢日興趣缺缺，雖然16個幣一個鐘都算平，但我哋都冇玩喇。
*森林樂園HKD5/1個幣，需要買一張電子卡充值至少HKD100，然後用卡取幣。HKD200以上有優惠，場內攤位4個幣玩1次（例如5個球），其他夾公仔1-4個幣不等，入錢嘅車3個幣一局
總括嚟講，個人覺得如果住元朗天水圍，因為呢區確實冇乜playhouse，呢度確實係僅餘嘅選擇之一，各位媽媽如果要搵個人少少嘅地方同小朋友食吓下午茶、玩一陣，都可以嚟逛一逛！
#起碼影相有日光
#小朋友跑步都唔怕撞到人
#對爸媽嚟講呢點都吸引
#對唔住大家playhouse冇影相
元 朗 魚肉翅 在 朗屏魚肉翅車仔檔 - Facebook 的推薦與評價
朗 屏魚肉翅車仔檔. 7h. 星期日朗屏魚肉翅開5点3O分售完即 止，地址元朗媽橫路45至67號褔順 樓9號舖地下，請多多支持，維多利 校服隔離。 Ken Choy and 8 others. ... <看更多>