［CX 買HX？ 我就唔信啦。係真係買就廿一號買］
事忙，好多嘢想寫都未想到。得閒找埋啲稿債（欠你地的）。講大市嘅，之前寫咗篇開宗明義講睇好（http://bit.ly/2FgohPm），暫時市況都不錯。篇文講睇淡美金，暫時開局都係咁，但未講點解，週末補返。
另外，寫航空公司實多人睇，呢排港航（下稱ＨＸ，唔叫廚叉，打英文字快啲）咁多事就更加係。我寫過不少文，暫時都冇乜大錯。最初寫唔好望ＨＸ執笠（http://bit.ly/2FjVdqa），然後我講部份傳媒，同你啲網友亂Ｑ咁嚟，搞出啲咩「海航追ＨＸ數」嘅笑話（http://bit.ly/2Fl6LcX）（http://bit.ly/2FnflrN）。我仲話你知，我好有信心（當然唔係十成，七八成啦）ＨＸ可以繼續飛。然後到傳說中話七號破產，一早寫定文（真係一早寫定的）話你見到呢篇文時，佢應該未死。就唔好再十九啦（http://bit.ly/2FhcsIZ）。而十九號係星期六，我唔知星期六邊間法庭開畀佢，但成班友一樣照傳假新聞。
仲有後來傳出國開行會借錢畀ＨＸ，啲債息當然跌晒落嚟，當初質疑幾千厘息點還果啲就閃得快過和諧式客機，後話。
前事講完，最新傳聞係ＨＸ引資，搵國泰（下稱ＣＸ，唔叫因航啦，打字母快啲）傾股權合作。咁ＨＸ當然係冇乜水，所謂股權合作，我埋解係ＣＸ入股ＨＸ啦下，唔係互換，更加唔係掉轉。係掉轉嘅畀個叻佢，同埋我（咁都隨口講中）
成單嘢，我係唔信嘅。不過知之為知之，不知為不知，我唔敢話實假（十九號破產就九成九係假），但唔係好似咁咯。亦唔係話蘋果假新聞，咁佢都係報上報啫，況且唔成刁唔等於冇傾過嘅，正如啲女星冰清玉潔冇飯局成交，可能只係唔啱價。
首先係來源，大陸料，流嘅機會唔低。仲要係ＣＸ消息點會係大陸漏出嚟。不過有朋友話可能係ＨＸ果邊料，咁大陸報紙報又合理。暫時疑點利益歸於被告
所以，唔講料嘅來源，只講個故事，我都覺得唔多合理。ＨＸ未破產，但水緊人人都知，而佢地想搵投資者都好合理—但，我唔認為會係ＣＸ。係買都東航南航國航買先，亦有財力。
首先講，呢啲乜乜收購入股，有時唔係分析員表面咁易估到，因為好多時好似冇business sense，冇協同效應，但都會照做。首先係管理層好大喜功（呢啲基本企業管治課程會教，或者CFA都會考），另外有時係有國家任務。其他國家都有，中國更多。
咁但，你話東航南航國航甚至未缺水嘅ＨＸ買起ＣＸ就話啫，但掉返轉頭，ＣＸ買ＨＸ，阿爺冇可能發到功咯—即使國航已經係ＣＸ第二大股東—同埋遲早都係會成間買起，我話嘅。（講深少少，應該話要做其實唔難，太古必然想甩身，但ＣＸ維持現有地位可能對阿爺都好—正如點解要一國兩制，正如點解仲要有中銀香港，可以白手套上下其手也，有機會再講）
咁都講咗，國開行肯放水畀ＨＸ—但不等於無限期支持。阿爺應該係唔想ＨＸ死（否則唔會有國開行呢件事，記住國開放真係國家銀行，畀起四大工建中農更加真係國企），但你話要佢搵人注資，或者搵人食咗佢，唔奇，亦符合中國國情。（當然有得佢死都符合國情，權鬥啫，咁但而家明顯唔係想佢死嘛）
咁可能係阿爺幫你搵埋新主人家，或者你自己搵都好，但點睇都唔似係ＣＸ。阿爺安排嘅，就唔會點得郁ＣＸ，上頭講咗。ＨＸ自己搵嘅，都不見得係搵ＣＸ—況且，係咪應該畀東航南航國航優先？呢三間大把水。仆街啲嘅，一個仙都唔使畀，股換股，公仔紙換你返嚟，有乜唔得。三間都上市公司。
既然阿爺郁唔到，咁國泰自己會唔會制？更加唔似會。首先我依然相信太古係想走人嘅。當年固然有其戰略價值，但而家都甚麼年代啦。況且太古都唔再係英國政府代表，要同自己股東交代，而國泰近年有幾＂賺錢＂大家都知（其實從來都冇點賺錢，航空公司古今中外都係咁，但以前有戰略價值，而家冇）。我唔相信太古有咁得閒仲節外生枝
你在商業角度，都係唔多講得通的。航權航點果啲你搵啲飛機膠（我好鍾意呢個term！巴有巴膠飛機有飛機膠）同你慢慢吹。我就當你吹到點有協同效應點可以減成本（做空姐嘅恭喜你，唔使諗加人工，唔炒你就還神），但都唔係呢刻。我係對手，我想買你，全世界都知你冇錢，梗係等你山窮水盡，最好破埋產先嚟執手尾啦。
所以，我相信單嘢係流嘅。不過，首先N咁多M&A刁死咗都唔會有人知，最後冇發生唔代表一定流，可能只係價錢傾唔埋。二來，再三頭盔，我唔敢講得好實，畢竟ＨＸ莫財人盡皆知，搵人入股唔奇，但點都唔似係ＣＸ
彩蛋：其實真係講嘅，反而ＣＸ買起ＵＯ相對地合理啲。因為國泰冇廉航嘛。雖則國泰好多次話唔會搞，亦都唔少人覺得唔應該（我唔會話佢地一定錯），而廉航近年優勢已唔明顯（因為傳統航空公司好多自己開，或者買埋，或者自己都廉航化）。但買ＵＯ點都合理過買ＨＸ。
又睇下會唔會過兩日就出單新聞證明我錯。BTW，我一早買咗，十七號我就坐ＨＸ去日本。廿二號返。關你乜事？首先，你見我好有信心，唔怕十九號破產（屌都話星期六），更唔怕二十號還唔到錢爆煲—唔好忘記，我回程係長崎—冇第二間飛，甚至ＨＸ都係十九號先開！（所以十七號我唔係飛長崎！都未開！）。第二，如果一個咁開心，去嗰時係ＨＸ，返嚟係ＣＸ，就威咯。
（有少少類似嘅故事，2008年，對，雷曼爆煲時我由愛沙尼亞去拉脫維亞，一唱完錢個日，拉脫維亞政府倒台，貨幣好似貶值三成，蝕晒）
企業管治課程 在 香港恒生大學企業管治與合規(BBA-CGC)課程簡介 - YouTube 的推薦與評價
香港恒生大學 企業管治 與合規(BBA-CGC) 課程 簡介Introduction to the Corporate Governance and Compliance Programme, ... ... <看更多>