真係唔好意思，作為一個專業的師奶仔好似又好耐冇同大家講買餸（返工係為左減壓同興趣，做師奶才是正職，Ok?）今日我講下啲低能野～
話說我每日都好準時五點鐘收工，同事問我係咪趕火車？我答唔係，係趕住去超市買減價貨！每日倫敦超市都會將就快到期或賣相不漂亮的食品七折減價，如果係即日到期嘅話，就會出現雙貼紙，即係減完又減。
我最鍾意執呢啲平貨，精打細算慳錢係其一，但更重要的是，如果唔買就會被扔掉，其實好多野話就話過期，但根本仲食得，我覺得扔了很浪費。要是我有信心可以料理好的話，刀切豆腐兩面光，為什麼我不買它們回家呢？
一到了減價區，眼明手快看到一塊靚牛排，三十日熟成，特價十鎊（一百蚊港紙）三塊，無理由唔買吧？拎起左一塊，搵極都搵唔到另外兩塊，望下左右，原來也有位太太拿著兩塊在找第三塊。我看了看她，笑著遞給她「我猜，你在找它吧？」她眉開眼笑地接下來，成人之美也是件快事嘛！
突然間看到店員「補倉」，一大把mozzarella芝士扔過來，咦？！雙貼紙？！即是今天到期，相識也是緣份，今晚就來我家吧（這傢伙已經墮落到連芝士都會flirt了）
高高興興離開超市，又到另一間狩獵，現在有了芝士，還買什麼好呢？就看看他們有什麼到期吧！咦？Pizza減價哦！好的，就是你啦！
回到家裡，取出薄餅，把芝士切片鋪上，在後院摘點香草、把雪櫃裡吃剩的蕃茄拿出來。不得不說 我其實挺喜歡這種自己焗的薄餅，清雪櫃一流，好似明將壽司咁，乜都擺得上去，呃... 當然，不能擺紅豆上去啦...
簡簡單單又一餐～
好多人話英國飲食好貴，其實真係睇你點買餸，我尋日都六十蚊港紙買到兩隻原隻鴨胸，今日買到廿蚊港紙一盒雞肶肉，聽日煮日式咖哩，真係睇你點煮同點買。同鬼佬結婚最好嘅地方，就係佢地啲垃圾口好易解決，咩三餸一湯你可以慳返，佢地得前菜主菜同甜品，住家飯直接跳過前菜仲要再簡單一點，每日只需要搞好一個主菜，佢已經感激流涕，當你神咁拜（梗係啦，我唔返黎煮飯，佢食凍肉夾麵包之嘛）。佢係揀擇食材（內臟同雞腳唔ok)，但其他都好易打理。
姊妹們，呢句真心話：嫁洋腸，慳返人生裡面好多時間，唔會變黃面婆之餘，兼且無論點煮都仲會收到好多讚美，真係命都長幾年呀～
男士們，平時多啲錫老婆，人地煮完餐飯，認真地講句多謝再讚兩句唔會死嘅。你唔錫你老婆，我介紹我啲洋腸朋友黎試你老婆手勢，到時你唔好喊呀！（雖然佢地唔鍾意女人...)
#永遠唔會叫你煎條魚
#蒸都唔會
#佢地唔L識吐魚骨嘛
#好蠢架
#只要水平在三文治之上就會收貨
#絕對唔會大爺咁款嫌三嫌四
#更唔會嫌你熱氣或寒涼
#煮野食都好隨意同減壓
#其實人生仲有咩壓力可言
#成日俾仔溝都好累架
#要用腦架
#Bitches_Got_Talent
#二十分鐘快煮系列
#零失敗系列
