《中環新cafe☕️ 無麩質。生酮。純素蛋糕🧁 》
去過呢間cafe食過2次蛋糕🍰，每次食完都好開心。或者好多人都會知佢係全港第一間100%無麩質精品咖啡店☕️，主打無麩質，生酮同純素蛋糕飲食🌿，今年7月仲開埋第4間喺中環嘅分店。
.
另一個令呢間Cafe好出名原因係佢每間都喺打卡店，中環分店都唔例外，用上夢幻嘅粉色系💗，配上花系裝飾🌸，而食物方面都特別推出新店限定菜式。
.
📍無麩質四國血橙紅茶蛋糕 ($72)
📍焙茶士多啤梨蛋糕
首先一定要讚下佢哋嘅cream真喺又滑又濃厚🥰，唔會膩之餘食落輕盈順滑，最重要係能夠彌補到無麩質蛋糕唔夠彈性嘅缺點🤟🏻。
.
🍊血橙紅茶蛋糕係新店限定款式，血橙帶酸味，令蛋糕食落清新有果香，不過紅茶就唔見踪影。焙茶味就更加出色❤️，灰黑色嘅外層夠晒型之餘🖤仲要有芝麻香，食落濃郁但唔會太霸道。蛋糕中間有層焙茶cream，味道濃啲會更突出。蛋糕體較血橙蛋糕濕潤，的確係唔錯😆。
.
📍Parma Ham Cauliflower Pizza ($108)
呢款係生酮菜式，椰菜花做成嘅餅底口感軟身，有少少似蘿蔔糕，上面放上少量蕃茄醬同Parma Ham 🍅🐖，聽落好似好怪但味道都唔錯，自己食晒成個都唔會覺得膩🍕。
.
📍植物肉醬無麩質意粉 ($98)
呢款都係新店限定，肉醬嘅顏色同賣相同平日嘅肉醬無異，意粉口感非常煙韌有咬口，不過份量較少🍝。肉醬食到蕃茄酸味🍅，口味較為清淡，冇咗肉香始終有啲寡👉🏻👈🏻。
.
📍Nutty Saled Caramel Latte($52)
飲落順滑，有焦糖香但唔會過甜，賣相同味道都幾高分。
.
📍Blue Sapphire Latte($60)
灰藍色嘅飲品，飲落溫和似豆奶，比較淡味，啱啲怕甜嘅朋友仔。
.
呢間分店真喺新到連openrice都未搵到佢，喺中環南豐大廈地下，地理位置都幾方便。喺香港要搵到生酮同無麩質嘅咖啡店真係好少。不過有興趣去朋友留意吓，佢哋一至五開到8點❗️比較早收，要留意唔好去到摸門釘呀😆！
.
INFINITI C
中環干諾道中88號南豐大廈地下G03舖
.
#草根食cafe
#草根食在中環
.
#INFINITIC #生酮cafe #無麩質精品cafe #素食 #低碳飲食 #健康飲食 #中環新店 #南豐大廈 #中環 #中環美食 #blue #flower #girl #girls #flowers #cafe #
中環南 在 中環南站- Explore 的推薦與評價
相信好多朋友都應該知沙中線原有規劃係會喺中環設站，九鐵2002 年嘅方案就設有中環西站，另加一個可能興建嘅皇后大道中站( 似乎類似九龍南線廣東道站，但最後計劃二合 ... ... <看更多>