問：
我想問下呢 1.聽人講中文考HIST既5**率係低D 點解呢?有咩方法可以改善呢? 2.如果想做HIST ESSAY 同DBQ 邊到會有相關EXERCISE ? 3會唔會有D5**範文可以睇下? 4 如果自修生 冇SBA計分 會有咩分別? THX
答：
雖然我現時無顯示中、英文成績嘅考評報告係手，但係其實世史呢科嘅話，無論中、英文應考，5**嘅比率都係差唔多，所以你無需要太介意同英文應考嘅同學嘅比較。而且，本身5**嘅%都係得1.3%(2013年數據)，所以影響其實更加少，你預約每年都係得1-2%人拎5**嘅成績。
至於你問「有咩方法可以改善呢?」其實你呢條essay問得超大，基本上係綜合晒所有問題，所以我都真係好難詳情解答到你。但簡單而言，歷史科考嘅主要係2樣嘢，第1樣係答題技巧，亦都正正係最難嘅部分；第2樣係史實部分，呢個部分亦都係同學自己睇可以相對容易掌握嘅部分。
至於essay同dbq練習方面，其實我唔係太建議同學做坊間嘅練習，原因在於現時坊間好多練習嘅質素都好參差，無一套練習係我覺得真係好好而係接近考試要求嘅。所以，其實係資料題方面，我會建議同學做考評局嘅歷屆試題，加上會考大部分資料題題目都適用於新高中，所以資料題嘅題目一D都唔少。
Essay方面，坊間essay嘅參素更加參差，如果真係要搵範文參考嘅話，坊間咁多套練習都唔會係我推介。如果真係硬要講嘅話，我寧願同學真係去補習，睇坊間補習班教材嘅essay，咁樣質素可能會好D。但係先止聲明，我嘅補習班係今年已經滿額，唔會再收學生，我唯一可以幫到同學嘅就只有係我blog裡面嘅essay，但當然，因為為左維護補習班利益，我只會將少數essay放上網，而絕大部分嘅essay都只係會派俾補習班。
至於5**範文方面，如果真係想睇實文嘅話，咁就要同考完而拎到5**嘅同學買啦，但係其實就算總分係5**，都唔代表考生嘅essay係5**嘅級數，因為essay方面平均每題唔洗拎10分都有機會拎5**，因為大部分5**嘅同學都係資料題高分。而且，考試即使係高分嘅essay，其實都未必真係咁好，因為臨場發揮，好多都好參差，所以同學真係「參考」一下就好啦。
SBA方面，自修生係無SBA，而SBA部分嘅分數會根據同學係公開考試嘅成績而評估返俾你，換言之，即係你份卷愈高分，你SBA就會愈高分。我可以俾同學參考一下自修生係公開考試份卷嘅分數同SBA嘅分數：
卷：60/80 = SBA:18.6/20 =5**
卷：54/80 = SBA:16.8/20 = 5
當然，每年評估嘅分數都未必一樣，所以呢個分數同學可以純粹當參考，但唔好當作係固定左嘅。
中文sba高分 在 【中文SBA】閱讀報告九成係抄？熟用六招穩高分之個人分享 的推薦與評價
SBA ？ 中文 閱讀報告？驚做得唔好？無從入手？希望幫到大家 (純屬個人意見）觀迎留言. ... <看更多>