https://www.patreon.com/posts/53816708
齊澤克當年響特朗普同希特莉競選時曾經講過，雖然齊澤克自己作為左翼支持者，但佢寧願投票比特朗普，因為特朗普對官僚體系既不熟悉又欠缺人脈，反而會被行之有效嘅官僚體系制衡；相對黎講，希拉莉由於已長期響政府浸淫，個人權力早已滲透成個建制，因此更能為所欲為，對國家為害更大。
而我覺得呢個講法，係非常切合於目前阿富汗即將發生嘅人道災難。
唔係特別想偏幫特朗普為佢講嘢，但即使佢同敗燈一樣係支持盡早響阿富汗撤軍，如果特朗普今時今日仲在位，件事一定唔會好似而家咁惡劣。由於特朗普對軍事層面唔熟悉（響競選總統時佢連核武三本柱都唔知係乜），所以最終軍事決定好大程度上都要依賴軍方──結果佢一手組成嘅軍人內閣，最終為佢好多魯莽而作出嘅決定「執屎」，令特朗普任內出奇地無蘊釀出任何嚴重軍事災難之餘，反而仲有唔少收鑊。
最經典例子當然係敘利亞撤軍。本來好多人批評特朗普響庫爾德全力協助下消滅ISIS後，竟然立刻宣佈美軍全面撤出，係一種卑鄙嘅出賣戰友行為，但當你而家望番轉頭，其實呢個決定並無真正實行，響軍方陽奉陰違下其實仍然有極少量美軍響敘利亞境內充當屏障作用；反而特朗普當日高調提出撤軍要求，最終迫使庫爾德族願意讓步同俄羅斯展開會談，穩定咗敘利亞勢力均衡。
然而敗燈今次決定從阿富汗撤軍卻同特朗普時期完全相反。基於敗燈勢力已全面掌控國防部，因此即使軍方已提出無數次警告指阿富汗撤軍必導致災難性後果，敗燈仍然一意孤行。
然後你就睇倒慘不忍睹嘅一幕：24名阿富汗特種部隊被塔里班殘酷處決；美軍響完全零通知下突然撤出各個阿富汗基地，變成暴民同塔里班洗劫對象；塔里班意氣風範乘坐美軍遺下嘅裝備遊街，響宣佈撤軍後短短兩個星期，阿富汗就已有85%地區宣佈淪……
好諷刺地，敗燈上台後全面推翻特朗普強勢嘅單邊外交施壓，強調國際合作、普世價值同共同規則──點知轉過頭就將長年支持嘅阿富汗政府棄之如敝屣，作為敗燈口中「親密的」，大大小小嘅盟友，點可以唔感到心寒？往後當敗燈將呢堆盟友推向對抗中俄前線嘅時候，「盟友們」點會唔為自己打算自求多福，響對抗過程入面揸流攤，甚至偷偷同中俄溝和，暗通款曲以求自保？
我可以話你聽一撚定會。
不過最重要都係，敗燈成套外交新政就係以「義」立國，宣稱自己企響道德高地對「不義政權」作出批判，務求全球認同呢種「義」嘅盟友同佢企埋一齊孤立中俄朝伊等國。而家敗燈公然背叛盟友，而結果係如此肉酸，往後敗燈即使講到美式民主自由價值幾咁高尚，響世界所有人心中都至少打個三折；
當日離棄南越，最後西貢搶搭直升機一幕一直成為往後纆繞美國廿年陰影；今日敗燈離棄阿富汗，究竟將令美國經歷幾耐低潮先能夠重新振作？唔好以為阿富汗只係敗燈「一時失足」，往後緬甸、海地、委內瑞拉問題；大規模削減海軍規模、停滯不前嘅國防預算……作為香港人，我地最擔心嘅仍然係，香港係咪繼阿富汗之後，成為敗燈第二個Condum。
