［第十四餐］［台北美食地圖］［乾杯］乾杯，勝過「老乾杯」
1. 乾一杯 乾一杯 恭祝友誼。呼。一開始 一開始 不可再終止。呼
2. 舊文提過（https://fbook.cc/3JTM），「乾杯」同「老乾杯」係同一集團。大陸有台灣都有，但原本係台灣，亦唔存在咩冒名，全部係佢地。台日混血兒開。
3. 咁「老乾杯」就係再貴啲嘅品牌，「乾杯」係平啲。做燒肉居酒屋，但我冇去過，只係在酒店叫外賣飯盒。
4. 上次原本想試「乾杯」，結果唔小心叫錯「老乾杯」，都好食，但未去到嘩一聲嘅地步。而800都好多人覺得搵笨
5. 上次有講點解最初想試「乾杯」，因為由奢入儉難，試咗好嘢先就好難返轉頭。講真的。所以好彩我冇小朋友，我見第啲細路呢，細細個就食米芝蓮兩三星，一年去幾次日本，大個點算？除非老豆有幾層樓畀佢地收租咯。即係我講教仔好似太監教做愛咁（其實仲衰，太監都曾經有過東西），但，話我封建都好，我都係BUY仔要窮養女要貴養，真係中國人智慧呀
6. 同樣地，咪話當年，初戀呀，呼，初戀呀，真係拖到女仔隻手，都硬足一程屯門公路呀。而家只成追憶。固然係年紀大機能壞，但講真，細細個已經睇群P 吞精嘅小朋友，佢地大個恐怕現實在幾難滿足（＊）
7. 但，原來諗錯咗。食咗好嘢返唔到轉頭？都係。但，因為我assume咗「老乾杯」就係好食過「乾杯」，貴嘢實好。
8. 就係唔係
9. 固然唔係同一款飯，不能直接相比。但整體嘅用餐體驗（乜撚中文？），或者個滿足度，興奮度。今次呢個「乾杯」，係遠勝上次嘅「老乾杯」！而仲要只係一半價錢多啲！
10. 人生，呼。人生。就係咁充滿驚喜。原本以為委曲求存，原來更勝貴嘢。
11. 介紹返，「乾杯」最貴嘅便當（當然啦），澳洲和牛橫隔膜＋伊比利Bellota 豬肋條。再加越光米。咪。好食，好食，同好食咯。其實一向唔多鍾意和牛，油到一個點。但佢呢個和牛橫隔膜剛好。另外豬肋條亦唔係ribs嗰啲，冇骨的。美中不足梗係個秋葵，我到而家都不能接受有人可以食咁嘅嘢。「不過聽講如果女仔會肯食的話應該幾有情趣」（＊＊）
12. 盛惠穿梭機價錢，430，等於好知己！430！呼吸都一致！呼！
13. 不過呢度，就加多咗50%肉，只係加多100，老死都加！我甚至懷疑係咪定錯價，「你嗰430入面得200係肉？」「咁當然有fixed cost呀 租呀 水電呀 出糧咁嘅」「但都係好似唔啱數」「當然可能根本冇多50%，搵次買盒正常版計下數」
14. 仲有，係可以20蚊多飯的，但我冇叫，因為嗰日都食得多嘢。呢度嘅飯就略少嘅。不過女仔食應該夠。
15. 總之，正！希望出關有機會去試居酒屋。
（＊）或曰：扯，女都一樣進化啫。等於我年代拖下手仔都好大件事，而家啲小朋友婚前性行為拍片全部很基本啦華生。都某程度上係—但首先要你要有對手。女可能開放咗，但不見得係對貴子弟。
（＊＊）你懂的，唔好問啦。唔明問朋友。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）
