《愈窮愈見鬼，借錢好大濟？》
唔知大家一生之中窮起上黎試過有幾窮，窮生曾住過千呎大宅，也迫過幾十呎分租唐樓。我可以負責任同大家講，香港地真係愈窮愈見鬼。如果大家身邊有窮朋友，記得Share俾佢睇!
點解我咁講呢，我今日想同大家講有有關"未來錢"既野!點解我會寫呢篇野呢?事源窮生一向好少用信用卡，上個月就貪方便碌左卡送野俾女朋友同自己。而又因為某大銀行果個咁既網上銀行界面亂到九彩，真係咩數交左咩數未交都睇唔清楚。星期六一收到個ｓｍｓ大驚，銀行話我遲左交卡數，要罰我幾舊水！窮生叫得窮，無啦啦俾人罰幾舊水當然火都黎啦！星期一朝早二話不說打去「問候」間銀行啦，打去又係聽下音樂聽左差唔多8分鐘先有人聽。窮生儲左8分鐘氣諗住一野噴落去啦，點知佢一聽到我話係信用卡罰款問題，我都未開始「問候」佢已經同我講：「呀窮生，我見到條數喇，我見你一向信用紀錄良好我已經同你取消左個罰款喇！」如是者我無耐就收左線；但事後我心諗，年費就話年年打去嘈姐，罰款都咁順攤？就係因為紀錄良好？記得家母呢廿幾年都俾信用卡公司罰唔少，明明冇咁順攤的。點解？因為你就好似個港男一樣俾唔到「安全感」銀行（港女）囉。
呢個問題同樣可以應用係借錢上面，你借得財仔，姐係話你都比較難問銀行借錢。慢慢你就跌入愈窮愈見鬼既情況，如果你係長期借錢人士有冇計過自己一生還息到底還左幾多錢？其實窮生對借錢想法好正面，窮生都有借過錢，不過絕對唔會借錢消費。只有最冇腦既人先會借錢黎吃喝玩樂。以香港一間都好大既P字頭財務公司既低息貸款為例，網上報價顯示如果你借2萬，分24個月還，1個月就還$913。就咁睇好方便，因為一個月$913真係唔係d咩數黎，又可以一下有２萬蚊洗。以月光族黎講２萬真係一個大數字黎，但你計下你２４個月既總還款係$21912。姐係話你俾左差唔多＄２０００利息，而最邪惡既就係，多錢你唔敢借，２萬會覺得自己會還到。於是不停ｋｅｅｐ住借，仲可能會重疊咁借，最後就算你期期都可以準時還到錢（我冇見過有人會咁多年都準時還錢唔俾人罰）。你還既利息都會以萬計，有人話換少次電話可以買到樓，你換電話都起碼有部電話威下，你而家係還息，乜Q都冇係手既！我仲要提提大家，我以上講果間已經係相當正派既大型財務公司，已經冇乜手續費、入會費、年費或循環貸款手續費等等既野，如果你信貸紀錄更差Ｄ，呢Ｄ公司都借唔到錢，你還既就會係更多！
借錢係一種投資，你今日冇錢有樣野做左會連本帶利賺得返你先會去做，買樓果陣申請樓按就係最多人接觸既借錢行為。一開波要幾百萬先有屋住一定冇咩人負擔得起，所以借住先，黎緊可以住，又可以投資，你先會大拿拿借幾百萬。而家你借幾萬銀黎玩，係一定連本金都冇埋，仲要連本帶利還喎。姐係等於ｄ人明知一陣入主題公園玩入面個包都賣幾十蚊，你唔食埋先入去，係都要入去食個幾十蚊又難食午餐一樣！一定輸既野點解都要做呢？
所以人可以活得簡簡單單，但一定唔可以窮。一窮，銀行就會落雨收傘，租個劏房又要俾人呃電費，打份工老細知你窮都蝦你啦！鼠王芬講得冇錯呀，點解劏房尺租咁貴d人仲要租?點解唔租海景酒店?因為人窮冇得揀呀嘛，呢十年香港衍生左幾多專for窮L既生意，點解做窮L生意咁好賺？因為窮L成日將3個字掛係口邊：「無得揀」！
一疊等於幾多呎 在 四疊半到底有多大? 的推薦與評價
一坪等於6尺四方(6*6尺), 一疊是2*2尺,所以, 一坪是9疊, 4疊半就是0.5坪. =========== 不是這樣子的... 塌塌米一塊(0.9x1.8米)叫一疊 日本和式房間有些 ... ... <看更多>