#剖析真嘅live同假嘅live
#一個詳盡嘅分析並無任何比較成份
打從七十年代中, 我本人已經係一個活躍於任何類型現場演出嘅職業樂手.
嗰一個年代, 有現場樂隊, 歌手嘅場所多到數不勝數有如雨後春筍.
當年嘅樂手多數都能懂幾種樂器,
和音, 主音包在一身.
張德蘭小姐和我姐姐周小君都在尖沙咀國賓酒店地牢唱歌,
高手如雲, 張偉文, 李龍基, Michael Remedios 等等….都晚晚擦身而過.
每一次都係live, 經常同唔同嘅樂手Jam,
冇氈冇線, 有如打爛仔交….
回想當年, 什麼設備都原始, 什麼都沒有,
卻出了這麼多高手,
這麼多好歌手, 這麼多超級樂手.
一個原因, 冇真功夫, 根本唔可以生存.
還看今天, 人才凋零, 再沒有新一代的梅艷芳,陳百強, 張國榮, 羅文, 甄妮…
科技進步, Autotune能夠幫助五音不全的歌手變成好好睇睇, 合合格格,
但一去到現場表演, 便原形畢露, 醜態盡出!
唔阻大家時間, 直接入正題:
今時今日嘅所為live show, 都係分軌錄音, 拍攝完畢再返錄音室全部做過製過,
輕則Tune番返啱幾個音, 嚴重起嚟成隻唱過曬都得, 彈奏部分同埋和音亦一樣.
由幾年前嗰個乜乜好聲音開始帶頭做假,
cctvb嗰個乜鬼嘢50年 - 假live
Viutv Chill Club - 假live
陳奕迅最近籌款騷 - 假live
梁詠琪最近期個show -人聲由頭tune到尾.
有人一定會質疑, 你點知呀? 你亂噏都得㗎喇? 答案好簡單,
一個專業嘅化妝師一眼就知個女人有冇化妝.
舉多個例畀你聽下, 某某張相有冇用美圖, 阿水都分到喇, 笑咗!
再強調一次, 我冇意思貶低佢哋, 亦都唔係話要執過曬嘅係渣啲,
不過真live, 假live同良知一樣, 只得一種,
容海恩講嘅我唔認同.
小弟從來都唔覺得自己音樂叻,
亦都唔覺得自己唱歌好嘢,
不過喺剛剛過咗嘅六月份我做咗三個
為音樂界籌款show,
完全一take過, 乜都冇執過,
大家都可以登入 –
dominicchowmusic.com重溫,
睇曬三個show都係130蚊,
收到嘅錢全部攞嚟幫助窮困既樂手.
最後喺度要多謝盧巧音小姐出錢出力,
使出真功夫令到個show生色不少,
#多謝Candy潘紹聰881903頭條日報蘋果明報周刊
一個詳盡嘅分析並無任何比較成份 在 臺灣學術倫理教育資源中心台灣學術倫理教育資訊中心題庫答案 ... 的推薦與評價
(1)小光因為問卷樣本的回收數量不足，而無法做出有效的統計分析並撰寫出論文，因此 ... (4)兔子是群體動物，所以任何時候都是可以將數隻兔子放在同一個群飼兔籠飼養。 ... <看更多>