臨瞓坦白時間
出奇地呢兩日無人問我驚唔驚，老實講，心裡面都有一絲感覺嘅，但係又談不上擔心。有唔少人覺得呢度出奇地少毛毛毛同寶寶，就係原因之一。因為呢個Page三年幾以黎，發展到今嘅定位係幾歷好多嘢，一騎當千咁練成嘅。
當年新手講移民第一身生活，就被班老華僑圍玩，之後講移民就話係死Agent，講下香港又比人話係逃兵無資格，好啦咁咪做塘邊鶴第三者去講任何嘢都得掛？
到社運初期，又要比泛民圍咬，咁只講外國傳媒，唔當自己係香港人，係偽西人嘅角度睇香港新聞嘅報道，咁無嘢嘈啦？加上人的確唔係香港，實在無資格叫人做乜唔做乜，所以只係希望大家了解國際嘅睇法，唔銷售情緒（因為食咗藥無感覺），只銷售思考、新聞國際關系發展脈絡。怨婦心急人緊有嘅，畢竟大家習慣節奏快，咪講解多啲囉，總有一日會明嘅。
盡量用輕鬆嘅手法，傳送苦悶沉重嘅內容。就係咁，多得大家肯同我癲同我一齊曲直難分，就發展到死蛇爛鱔到毛毛寶寶都無從入手嘅曲乖Page。
大家要明白，今日唔係玩完，只係一個開始，大家將會見到有啲人放棄，或者有啲會變到低調，至少呢一刻呢個Page同我唔會！
其實一切都係睇個心境，山不轉路轉，路不轉人轉，點都有方法嘅。
#大家加油
响咁sentimental嘅時間，順便賣下廣告，黎緊會响Patreon主力出有深度脈絡嘅新聞（因為外交嘢肯定唔係一單一單咁出，會有好多前文後理），所以都係要大家多多支持，繼續去勾結我呢個外國廢中：
https://www.patreon.com/goodbyehkhellouk
銷售情緒 在 #销售情绪减弱- YouTube 的推薦與評價
You're offline. Check your connection. Retry. ... <看更多>