至少十年，嘗試了失敗了至少一百幾十次，終於種得出牛油果🎉🎉🎉
十幾年前，有間在銅鑼灣Time Square附近的日本餐廳叫做島田屋，店主是日本人，太太是香港人，做的是地道日本家鄉菜，島田先生的工作枱附近總放著自己種的牛油果，偶然會送給客人，我很喜歡牛油果簡單的線條，感覺很舒服。雖然算是半個熟客仔，但我從未接收過牛油果，因為我當時已正式工作，沒有時間去照顧。獨自去上海工作兩年多，大概每個月都會去一次City Super或久光（類似香港SOGO)買下嘢，有牛油果的話，都會買，食完再種，但從未成功過... 到法國和毛國生活，平均每個月都食幾個牛油果，同樣食完再種，但從未成功過... 開頭的方法是跟島田先生的，之後Google和靠估，全部失敗... 直至3星期前，洛先生終於出口，種了7年，你點攪？... 繼而出手用佢自創/唔知邊到學的“保鮮紙方法”去種牛油果，大概2星期，竟然有動靜！！！有人好得戚咁話，好快有牛油果食😎
估唔到洛先生一直有留意我種牛油果，耐性程度可以同我媲美，睇足7年先出口和出手😱
種牛油果是我的一種情懷，堅持去做，只是喜歡，又不是要付上甚麼沈重代價，不經不覺就十年... 我諗我餘生都會繼續種，或者種到我冇牙食牛油果😜
島田屋是一間很令我回味的日本餐廳，3年前返香港打算去食返餐，但緣來早已結業，對上一次幫襯都有7-8年了，可惜...
我就是這樣的一個人，想做一件事就會一直默默地去做，直至無能為力；而洛先生很多時都唔支持我想做的事，eg 民宿、賣護膚品和飾物，間中還會潑我冷水。我有解釋過我的想法，而我又唔明佢反對的理由，所以最後我都冇理佢。感恩的係，佢基本上得把口阻我，我每次都微笑回應，不吵架... 漸漸地，洛先生便會想一齊做。我係真心感謝洛先生對我的耐心和忍耐，容許我的執著和相信，縱使佢冇乜講過鼓勵說話，甚至踏得就踏。我不是講反話，是真心感謝的，同我相處，確實不容易。
今日當我集中精神去做一件事時，我旁邊的人（一個中年婦人）無啦啦問我對洛先生是否一見鍾情，我驚訝，即回“quoi？（what?)"，我怕我聽錯。我答佢唔係，識咗兩年先開始的。我回想當年，大概應該係有一日洛先生想約我晚飯，我拒絕話要OT，佢竟然話親自煮，1個鐘後送到我office樓下... 佢當時住陸加嘴（上海），我office在外灘附近，的士大概15分鐘，而佢真係準時到，煮了焗雞柳+新鮮蕃茄汁+麵包，用草繩綁好綠色餐巾和餐具。我返到office打開，真的好驚喜，而且係好食。自此，我就開始留意這個人... 第一次有人送親自做的食物去我office畀我，真係估佢唔到，但又未至於好感動... 洛先生就是用這一份耐性對待我，反對OT，但又怕我唔準時食嘢，只好做外賣仔，讓我繼續工作...
人與人之間的相處真的不容易，盼望我們都能一直相信和堅持選了的枕邊人，不輕易放棄。
銅鑼灣上海菜結業 在 銅鑼灣渣甸街上海一品香菜館宣佈本月底光榮結業閱讀全文 的推薦與評價
銅鑼灣 渣甸街上海一品香菜館宣佈本月底光榮結業閱讀全文： http://hk.apple.nextmedia.com/news/art/20150108/18995591. ... <看更多>