Question 1

藍諾課程評價龔成 在Facebook 的評價

Accepted Answer

【龔成問答信箱】（Q21421-Q21440）Q21421：龔sir上完你個堂，我分析左152呢間公司，因為阿Sir有推薦過548收息，而152又係548嘅母公司，我睇過佢係業務覺得佢嘅增長能力應該好過548，所以想考慮用作收息及有所增長。現在有幾個問題唔清楚，想請阿sir解答：1 佢2020年嘅流動負債得大增一倍幾是否係收購蘇寧易購引致呢，對佢本身有咩影響呢？2 這股近幾年都派特別息，是否會對往後派息不穩定呢？3 我搵左佢近5年平均市盈率係7.6-10.4，以佢最新一年嘅盈利1.1嚟剩返，得出嚟嘅估值大概係$8.4至$11.4，是否太低？阿Sir認為合理價係幾多？點計算呢？唔好意思新手上路要勞煩阿Sir幫幫手龔成老師︰先講深圳國際（0152），此股係有質素，是不差的收息股。佢主要從事收費公路的開發、營運及管理；物流中心及綜合物流港的建設、營運及管理；提供第三方物流服務、物流資訊及金融服務、港口及相關服務、物流園轉型升級服務。過往業務穩定，生意與盈利都不差，不過就不是高增長類。這股都有長線投資的價值。現價合理，投資收息可以。1) 此變動與收購蘇寧無關，只要你留意資產負債表，你會發現變動，主要係來自貨款部份。當你再仔細睇附註25，你就會發現，其實係一些中期票據和債券到期日，由以往多於1年(計入非流動負債)，變成1年之內(計入流動負債)，因此流動負債才會大增。以集團現時財務狀況，負債問題不算大。2) 由於近年特別派息，主要來自土地轉讓的收入，這些收入都是一次性。因此，有機會往後特別派息會有波動。3) 我地係計算合理市盈率時，會用過去10年數據，抽取中間4個市盈率7.6 - 9.6倍，作為參考。但在採用前，你先要分析，這個4個中位數，是否可以合理反映其價值。我地睇翻過去10年的市盈率圖表，你會發現自2018年起，整體數字出現明顯回落。因此，我地就要先去了解當中原因，點解有這樣的變化。只要你仔細留意過去幾年年報，你會發現集團近年特別派息原因，主要係來自轉讓公路資產。集團本身收入，主要來自公路收費。而公路，自然係集團的重要資產。當這些重要資產減少，市場會預期佢賺錢能力弱左，故近年給予的市盈率估值，都會較再早幾年為弱。因此，我地計算合理市盈率時，要作出相應調整，大約係6-8倍會較合理。再以過去5年，平均每股盈餘HKD1.846計算。合理價值︰約為HKD11.0 - 14.7。當然，這只是其中一個估值的角度，而投資者在進行估值時，會同時用多個估值方法去進行估值，得出更立體的結果。預佢現時估值合理中間至中下。------------------------------------------------Q21422：Hello成哥，上完股票班真係學到好多嘢，令我更有信心選股同埋計算估值。我最記得一上堂時你叫我地分清楚urgent同埋important，我相信上堂學終身受用嘅知識一定係最important龔成老師：我地一定要分清「urgent」、「important」。香港人太多趕急的事，以至一直都唔做重要的事，所以我先第一堂同大家講，課堂好重要，比你用一世的，我見個有部分同學好認真，佢地會為左唔遲到上堂，而要求公司早走。我見過有同學為左做最後的大功課，請左公司半日假。如果你之後的決定，都明白「urgent」、「important」，集中處理「important」，你往後會好成功。------------------------------------------------Q21423：龔Sir 你好, 想請教你一個問題, 如果有一隻股票, 股價年頭7元, 入左2000股, 年尾8元, 另每股派息0.472, 咁回報係咪21%？ 見下計法：原本： 7元 x 2000 = 14,000一年後： (8元 x 2000) + (0.472 x 2000)= 16000 + 944 = 16944元回報： （16944 - 14000）/14000 = 21%*以上所指係置富房託如果回報有21%, 咁又唔錯喎謝謝！我指如果我無理解錯回報有21% , 收息股黎講好好, 對嗎？ （雖然只有2手）龔成老師：對，你計算正確。以房託及收息股來說，這個回報是高回報，其中一個原因是你買入時，當時房託受疫情因素影響而向下，所以能以一個不差的價位買入。長遠來說，房託較難每年有這個回報，你預是收息及基本增長。這股可長線，你的投資不差。------------------------------------------------Q21424：成哥，你好啊朋友最近誤入佐以下股票8083中贊@3.9×80003833新彊鑫礦@2.13×20000235  中策@0.2575x1500003321 偉鴻@5.2×150001357 美圖@2.94×300064@0.37×200000163@2.0×50000請問應否繼續持有？如重新規劃組合現時有咩可以選擇，謝謝成哥無私既分享235係0.2575至岩，希望成哥能卑d意思，幫幫我朋友可以重整組合，謝謝龔成老師：坦白講，持股大多無質素或只是熱炒類，部分就有少少質素。首先你要明白一個概念，我地持有一隻股票與否，關鍵位是企業質素、前景，不要被買入價影響。買為我地買股票就是買企業。買入價，你的賺蝕，只是一個心理因素，該企業長遠的發展，才是我地是否值得持有的重點。如果企業有質素，但股價短期下跌，就不用擔心。如果企業無質素，但你現時蝕錢中，繼續持有只會令你財富繼續貶值，因此要賣出。如果企業質素轉差，就有可能要減持，因為這股佔你組合的比例，未必值得太多。中國有贊（8083）不是劣質，但不建議持有太多。新疆新鑫礦業（3833）屬風險類股，不能持有太多。偉鴻（3321）無質素，宜賣出。中策集團（0235）質素唔太好。佢主要從事投資證券、金屬礦物及產品及電子組件貿易、放債及證券經紀業務。睇翻過往的業務情況，非常波動，生意上落大，有時大賺有時大蝕，風險高。加上企業規模不大，投資價值不高。這股股價有時會大升，但可能只是中短期業務與消息，長遠未必一定利好。美圖公司（1357）正面，佢過左最差時期，現時正向好。佢主要從事提供在線廣告及其他互聯網增值服務；以及開發、製造及銷售智能硬件產品。見佢財務數據改善，這企業仍有發展力，有長線投資價值。不過業務變化始終大，不建議大注投資。結好控股（0064）質素一般般，不宜持有太多。英皇國際（0163）質素不太好，賣出較好。建議之後，投資翻一些穩健類的股，如不懂選，就投資ETF。------------------------------------------------Q21425：老師，你本《5年買樓》的書好正！對我這對買樓O認識的人來說，可以在很短時間內對樓市有個整體概念和有信心可以去買樓！可措現時樓市已回升不少，很多屋苑已破頂，現在只能繼續等待！可否請間老師，現在手頭有大约五球，在等待樓市回調才買樓，現在應如何配置這五球呢？因為不知要等到幾時，又不想令這五球繼續遍值！謝謝！龔成老師：如果你本身無自住樓，而自己又有這需要，其實已經可以考慮，最重要是你資金足夠，在供款方面無問題，買樓後仍有現金剩，這樣已可買。好多人會分析樓市走勢，但我相信這是好難的，反而考慮「自己的需要及配置」，才是你買樓更大的分析點。香港樓市，中短期會有少少上落（但不會大跌），長遠會向上。首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。在長遠計，我仍相信樓市在長遠計，因供求關係，仍是向上多。因為現時香港買樓的需求仍大，而長期供應不足，加上政府往後施政只會更加困難，好多所謂的大計劃都未必能夠實行，又或最後規模細左。另一方面，需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。長遠計，租金及樓價會平穩，有少少向上，但不是倍升，不會好似過往般倍升，而是平穩向上。如果有自住需要，只要在供款方面無問題，買樓後仍有現金剩，都可以考慮下置業。------------------------------------------------Q21426：老師請問成本上升算利好定不利消息? 我最近研究紙業，點解紙材成本上升，有d賣紙既公司會賺多左? 究竟成本上升係好事定壞事?龔成老師：其實這是複雜的問題，往往要睇行業情況，以及企業營運情況。有些行業，當成本上升後，能將絕大部分轉嫁比客戶的，可能因為行業的競爭有限，又或全行的營運模式都相同，因此佢地會同步加價，而客戶無太大的選擇權。當我地分析時，往往會睇翻企業有無「成本轉嫁」能力。當你分析時，要同時睇企業的毛利率，如果成本上升但毛利率不跌，反映企業有成本轉嫁能力，即是成本對佢無影響，往往有一定的優質度。------------------------------------------------Q21427：想問老師有冇一啲儲蓄型危疾保險推介龔成老師：無呀，因為我不從事這方面的銷售，你可以去銀行或保險公司問下。最重要是，你按自己的「需要」去買，保險就是將你不想承受的風險，轉嫁比保險公司。這是防守的動作，不過，我地理財最重要是攻守兼備，因為不用太多，「足夠」就得。------------------------------------------------Q21428：龔Sir你好！本人3x歲，想問一下長遠收息同增長，可以考慮以下股票持有或買或增持？或龔Sir 有甚麼推介？1. 1310 （$11買）2. 1830 （$4.4買）3. 331 （$4.5 買）4. 398 （$2.5 買）5. 1373 （$2.5 買）6. 1523 想買7. 1883 想買8. 3067 （月供1/2手）做增長股票非常感謝！龔成老師︰我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。你3X歲，我一般會建議你用「平穏增長股」 + 「潛力股」的組合，先做好財富增值部份。除非你個人極保守，或者本身有其他原因，需要有額外穏定現金流作支援。否則，而一刻我唔建議你投資太多，中信國際電訊（1883）、香港寬頻（1310）這類收息股。另外，東方表行集團(0398)質素較一般。這些股票，若持貨不多，可持有。但若太多，最好沽出部份換至其他股票。珩灣科技（1523）主要以「Ｐｅｐｌｉｎｋ」及「Ｐｅｐｗａｖｅ」品牌從事ＳＤ－ＷＡＮ路由器的設計、開發、推廣，以及提供相關軟件許可及保修與支援服務。ＳＤ－ＷＡＮ路由器可連接多個廣域網（ＷＡＮ）連接、智能分配流量給多個廣域網、可集中管理，以及必須利用加密技術建立安全連接。業務及盈利都有不差的增長，發展不差，不過公司規模始終較細，因此始終都有風險。這股長遠不是無價值的，但都要明白發展緊的，都是有變數的行業，所以股價潛在波動可以較大。現價都算是合理的，但不建議大注投資，長線投資都可考慮。必瘦站（1830）長遠有發展，本身有一定的質素。睇翻之前的疫情，佢身處的行業受影響，但佢的現金流及財務數據都唔算差，這點可以想象到，當正常的經營環境，佢的生意一定唔錯。加上佢的野心愈來愈大，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。這股有長線投資價值。業績前計佢$4是合理區頂，業績後股價升左好多。現貨可持有，但暫不宜加注。將來你可以投資以下股票，但若果你投資知識不高，可先較集中在平穩增長類股，至於潛力股，只宜小小注，最好是你提高投資知識，等你有一定知識，先慢慢增加翻潛力股比例。現時大市只在合理區，資金唔好盡用。最好留有部份，等大跌市出現時，可以用來掃貨。------------------------------------------------Q21429：龔成老師，您好!我見有讀者問你移民後的投資策略，但佢地冇提到一點，就係英澳等國家抽取資產增值稅，例如股票買賣利潤，政府會抽取約30-40%税。如果考慮埋這因素，我們需要調整投資策略嗎? 例如減少平穩收息股(因為抽税後利潤所餘無幾)集中喺增長股?謝謝龔成老師︰我自己無對海外稅務作深入研究，比唔到太多具體意見你。但當考慮到這些增值稅項時，的確會令原先回報被打上拆扣。但除非你不作投資增值，或者移民到低稅率地區，否則這個問題，基本上係無可避免。投資策略基本上唔會大變，但你計算長線回報率時，要因應相關稅項作扣減，以免令預測過於樂觀。最後，我建議你去問翻當地稅務顧問，看看有沒有一些節稅方法，從而減少這方面的影響。------------------------------------------------Q21430：老師你好！今年28歲 月薪34k要比10k 家用有月供2k(2800)保險每個月1.5k (每年一次過付款)有50k Savings有意今年同男朋友搬出黎啱啱開始上你既堂想用月供/ 分注投資方法放啲錢入水桶1同水桶2。另外，今年個市似好熾熱，身邊所有人都喺度講緊股票，如果我用計公司價值判斷佢價格係貴或平，其實係咪都可以放心入股？今年會唔會算係一個較危險嘅買入時機？想請教老師意見同指導。感謝龔成老師︰現時大市在合理區，雖然部份新經濟股，有輕微過熱架情況。但整體大市水平，尚算合理。我地唔會去估個市點走去定買賣策略，只會繼續用企業估值，去定平貴咁買貨。但當成個大市去到一個狂熱的情況，我地就要保守少少，現時未算去到好狂熱。以你現時28歲，投資在水桶1同水桶2，係正確做法。但你收入計，每月月供金額太少。如果你唔係有太多必需開支，我建議你盡量將月供金額，提升到1萬以上。因為你年青，應把握時間，盡力去做好財富增值部份。而一刻，你唔需要急住去配置，或者新加其他股票去月供。因為投資係一個長線計劃，你可以等上完堂，有一定知識和明確概念，才去調整會較好。------------------------------------------------Q21431：hi 你好 龔sir，我是一位18歲學生，沒有part time 現在一邊學習緊投資知識，1現時我有一萬元想all in 入股票，想搵一隻股票收息邊隻最好？ 2我現時打算購買你的書學習投資知識，邊一本系適合我這個BB新手，多謝龔成老師︰1) 你這個年紀，就算資金不多，都應努力學好投資知識，甚至小注去吸收經驗，為將來準備。所以，你做法好正確。由於你暫時經驗和資金都不多，建議你先從以下收息股入手。如果你不太認識這些股票，可以直接買3110派息基金，都可以。但將來到你有穏定收入，又對投資有一定了解，就要加大投資力度，改為買一些較有增長力的優質股。盡力把握年青時間，去為自已財富增值。目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）或收息基金(3110)都可以。2) 以下是我的12本書：《80後百萬富翁》（第9版）《80後2百萬富翁》（第4版）《80後3百萬富翁》（第2版）《財務自由行》（第7版）《大富翁致富藍圖》（第5版）《50優質潛力股》（第4版）《50穩健收息股》（第3版）《50值博倍升股》（第3版）《股票勝經》（第3版）《選股勝經》（第2版）《年報勝經》（第2版）《5年買樓4部曲》（第2版）你可首先睇：《80後百萬富翁》《股票勝經》《財務自由行》之後再睇其他。------------------------------------------------Q21432：龔成老師，很喜歡睇你嘅影片，好多分析都講得好好，特別係價值投資法。本人看好中國嘅保險業，隨住14億人口開始富起來，相信保險嘅需求會越黎越高。想問問你對中國人壽2628同財險2328嘅睇法？同業中，長遠有高升值潛力嘅股票又可以推介一下嗎？期待你嘅回覆，多謝龔成老師︰我自己都係用「價值投資法」，巴菲特用左這方法賺大錢好多年，這是公開的。但一般散戶就是貪賺快錢，而不用這方法，因此，令到一般散戶仍是輸多贏少，我們仍是賺大錢的一群。中國隨著人口增加，城鎮化、人均收入增升等，都對保險這類產品需求，只會有增無減，故長線中國保險叢係正面。中國人壽(2628)不是無質素，但近年有質素下滑情況。現價合理，但投資價值只係中等。中國財險（2328）主要於國內為各界客戶提供多種財險產品，包括機動車輛保險、企業財產保險和家庭財產保險。過往的生意與盈利都不差，不過就無乜增長動力，質素算是中等。這股現價合理，可長線，但就主要預係收息，唔好對股價有太大期望。如果你看好中國保險業和其增長潛力，平安(2318)會係較理想選擇。佢有規模，有品牌，近年的發展都不差，不過，股價有時會有少少波動，這主要受投資市場表現影響。這股有長線投資價值，是平穩增長型。現價算係合理區中上部，分注投資就可以。------------------------------------------------Q21433：老師你好，我最近幾個月開始留意你page，我以往只有3次買賣股票經驗。但有一次錯信股票group輸了幾萬蚊，加上13元買入石油股，依家跌到得番8蚊左右，真心輸到怕。想請教依家石油股係咪唯有繼續持有？求指教龔成老師︰近期好多網上騙案，就好似你所講股票group，要小心。記住，我地買入一隻股票，一定要知道佢質素、行業前景、財務狀況等，才去投資。如果你連間公司點賺錢、行內有乜優勢、點解未來有發展和增長潛力，都答唔倒自已，純粹係聽消息，甚至係某某群組意見。咁你就要停一停，唔好投資住。石油股，好似中石油(0857)、中石化(0386)、中國海洋石油（0883）質素都算有，但不是最高質類別，佢對油價較為敏感，所以，如果長遠油價向上，佢都會增值的。雖然佢都有一定的規模及質素，但卻不是最高質素的企業，這是由於佢地的產品自主力較弱。石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業，不要大注。如果佢佔你組合好多，你可以每有反彈，就慢慢沽出部份。------------------------------------------------Q21434：成sir 您好！小弟年29。已經有想財務自由的目的。不想再浪費自己的人生了。最近學習窮人與有錢人的態度及資產與負責的分別。月入17000 扣除一切開支可以儲1萬元。銀行有70萬。有留意你大推盈富 港鐵 領展等等。以最終目標財務自由及每月被動收入約20k. 小弟投資經驗0。有睇過下成sir 教導以月供模式較適合初學者。留部份現金流等大市跌時可以大手購入長線投資收息股？小弟會睇書學習如何去計算公司的真正價值。多留意不同公司的年報表等。有一個最不明白的是睇財經新聞。是否留意新聞介紹公司背景及行業發展？長遠是會否留意公司會否接觸新行業等？另一個最大問題是如分配70萬去錢滾錢達到 金錢為你工作。小弟已經開始睇投資書。增值自己才是最大的財富。長遠需要報讀會計課程？好人一生平安龔成老師︰如果你希望最終可以每月有2萬蚊現金流，以股息率6%計，你需要本金400萬，這就是你初步目標。你現時29歲，係財富增值黃金時期，除了增值外，也緊記要努力提升自己投資知識。由於你未有投資經驗，好易會買貴貨，所以用月供或分注入貨模式，對你這類初學者，會較安全。以你29歲，可以選擇一些「平穩增值股」+「潛力股」作投資目標。以現時大市合理區狀況，月供最好用一半每月儲蓄，另一半就先儲起架策略。平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845），但就要明白波動性比上述會高左，同時風險大左，你要自己平衡。若你不懂選股，可以先用盈富(2800)作目標。其餘合適股票，到你對佢地有一定了解，才從中選股。現時大市只是合理區，你現有70萬資金可以先投入15-30萬，用分注形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。由於你很年輕，相信要達成400萬目標不難。我假設投資回報有10%（連股息再投資），你每月投資$10000 + 70萬本金，大約10年多後，就會增值至400萬。至於投資知識方面，新聞主要係睇有無一些事情，對企業本身質素，或者長線發展有影響。例如早前內地監管政策收緊，就令阿里巴巴(9988)等企業的風險度增加左，這就是要留意地方。我地要不斷吸收「資訊」，例如宏觀經濟情況，企業發展，各行業的情況。但我地睇新聞不是要知道所謂的「意見」。除了看書、年報、新聞外，你可以報讀一些投資相關課程，去提升相關知識。本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成。到你讀完整個課程後，你已能自己選股、投資、評估平貴，在投資上已掌握了一定的知識。------------------------------------------------Q21435：Hi 阿sir你好，想聽下你意見，本人38歲，女，月收入$53000，現時有兩個物業，供款分別15000及18000，租金收入為$15000。每月開支$15000左右。另一單位明年亦打算出租，大概收$11000租金左右。睇左你好多資訊，有做月供股票，每月$13000，分別銀娛$2000、比亞迪$2000、中銀香港$2000、小米$1000、阿里巴巴$2000、友邦保險$2000、港鐵$2000。現時股票有11萬左右，現金$25萬，手上保險有50儲蓄。想10年後，可以有500萬，想問下你意見？我現時股票組合投資是否正確？希望得到阿sir回覆龔成老師︰以你38歲計，應先做好增值部份，你現時持股都係合適合。但留意，比亞迪(1211)現價偏貴，要回到$120左右水平，才建議再開始月供。此期間，你可以用ＧＸ中國電車基金（2845）- 這基金的目標是追蹤Solactive中國電動車指數NTR「相關指數」表現緊密相關的投資回報。或其他潛力股代替，如中生(1177)、福壽園(1448)、安碩恒生科技(3067)、港交所(0388)、騰訊（0700）。現時大市只係合理水平，現金和股票最好各佔一半，你可以多5-10萬去分注入多少少貨。餘下資金，就等大跌市出現，才加大力度掃貨。另外，保險主要係用來防守，買足夠保障就可以。儲蓄成份架保險，我就唔建議太多，增值最好都係留比優質資產(如優質股、物業等)去做。我假設投資回報有10%（連股息再投資），你每月投資$13000 + 本金36萬，10年後大約會增值至340萬。如要達至500萬目標，你要將月供加大至$22000，才較大機會成功。所以，我建議你利用明年新增租金收入，加大投資力度，以助你達成目標。物業方面，你現時已經持有兩個物業，之後就暫時唔好增加固定資產類別，令財富組合更平衡。同時，如果可以的話，盡快將手上物業出租能有助你提高現金流。------------------------------------------------Q21436：龔成老師，你好呀！現年40歲女，剛離婚無業，賣了樓有200萬現金。現在有以下股票，請問我有買啱嗎？ 應該長期持有或是到一定嘅時候賣掉獲利？ 909跌了一半，我應該怎樣呢？#1     2500股 $53.5#2     1000股 $71.5#941 1500股 $42.5#291 10000股 $67#3690 500股 $278#909  8000股 $53.5我嘅目標係可以在短時間內買一個細單位300～500萬內自住，唔駛再租屋，請問我嘅投資方向啱嗎？ 應該怎麼樣更好呢？ 麻煩老師解答，萬分感謝！龔成老師︰我想先要你明白少少財富增值概念，我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。你要分析你的投資目標，你想潛力股的比例多少？平穩股的比例多少？組合風險程度如果？即是你想設計一個怎樣的投資組合？長期、優質、平衡、適合你。所以，只要係優質的股票，我地一定會長線持有，而唔會半路中途去沽貨。除非成個大市好狂熱(現在未算)，或者個企業長線質素轉壞，我地先會賣出。回到你本身情況，首先，你有一個明確目標，就係短時間內購買物業自住。同時間，你現時在待業狀態，故中短期內對現金需求不少。以你40歲計，應以增值為主。你持有股票，大致上係可以。明源雲（0909）有潛力。佢主要係中國房地產開發商及房地產鏈參與者，提供企業級ERP解決方案及SaaS產品。睇翻佢之前的資料，佢係中國房地產開發商的第一大軟件解決方案供應商，市佔率有約2成。係呢個市場裡面，按收入計，亦為ERP解決方案及SaaS產品的最大提供商。其實，佢的角色可以話中國房地產行業的數字化轉型，為房地產開發商及其他參與者，開發了一套行業垂直的ERP解決方案及SaaS產品，以助其管理廣泛的業務運營。包括銷售及營銷、採購、成本管理、項目管理、預算以及房地產資產管理，佢的SaaS產品包括雲客、雲鏈、雲採購及雲空間。業務雖然有增長力，但你買入價唔平。現時回落近半，但初步分析，依然都係屬於貴水平。始終市場現時對這類股有好大期望，此類股票，波動性較大。此股可持有，但由於你持股比重有點高，我建議你每有反彈，沽出部份，去平衡風險。另外，華潤啤酒（0291）都有質素，但佢佔你組合近半，太過高。緊記，個別股票比重不要超過組合15%，否則會出現過度集中性風險。所以可考慮賣出部分。你可以用沽出部分以上2隻股票資金，再加上30-50萬，去分注慢慢買入以下優質股，並長線持有。平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建（1038）潛力股：安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845），但就要明白波動性比上述會高左，同時風險大左，你要自己平衡。若你投資知識不高，可先集中在平穩增長類股，至於潛力股，只宜小小注。到你提高了投資知識，才慢慢增加翻潛力股比例。餘下資金，主要係用作你置業基金。再加上，你還未有工作，最少都要留有半年基本生活開支的應急錢，作為後援。若將來股市有明顯調整，你也可以考慮用部份資金來入市。這樣安排這200萬，相信會較有彈性之餘，當你都會較有保障。至於置業方面，你係用來自住。緊記要堅守一個準則，就係「供得起」。現時香港樓市算係合理區頂，你可以慢慢物悉目標，到有較理想價錢，又有信心可以供得到，就可以考慮出手。------------------------------------------------Q21437：你好 龔sir。睇左你fb一段時間 先買入必瘦站 會繼續持有 多謝你既分享。另外亦留意到你之前講既粵海投資 本身想入手 但最近參股嘉誠環保工程 但網上不多關於嘉誠環保工程資料。消息公報後 股價有所下跌 請問你對於呢個公司行動有咩睇法?會否影響你本身對呢個股票既評價呢? 謝謝龔成老師︰必瘦站（1830）長遠有發展，這股有長線投資價值。但現價已經係偏貴，有貨可持有，就唔好加注住。粵海(0270)宣布收購嘉誠環保工程註冊股本總額合共 53%的股權，在該收購完成後，嘉誠環保工程將成為其非全資附屬公司。嘉誠環保工程是一家在中國成立的有限責任公司，其於 2005 年成立，主要從事環境工程工作，並為工程相關工程提供投資、設計、建造、運營、諮詢、設備研發和製造服務。嘉誠環保於中國河北省及河南省的市政給排水工作，相信集團想進一步提升在華北地區的市場份額和品牌影響力，初步睇係正面。至於中短期股價走勢，未必一定跟企業質素和發展潛力有關。我地分析時，一定要集中用長線質素去做判斷。現價計，算是合理水平，可分注入貨。------------------------------------------------Q21438：  Hello 龔Sir, 最近1638佳兆業跌了很多，值得入嗎？另外，1503招商局有成8厘息，係咪值得入當收息？ thanks!龔成老師︰佳兆業集團（1638）主要從事物業發展、物業投資、物業管理、酒店及餐飲業務、戲院、百貨店及文化中心業務，以及水路客貨運業務等。業務發展不差，不過盈利就較為波動。另外，由於負債較高，因此都有風險。現價合理的，但唔建議太大注。招商局商業房託（1503）佢持有及投資中國相關的物業組合，物業組合有深圳市蛇口的多項物業，包括寫字樓綜合物業新時代廣場、數碼大廈、科技大廈及科技大廈二期，以及購物中心物業花園城。物業有質素，不過較受經濟週期因素影響，租金會有少少波動，令到這股的股價較為波動。現價合理，有投資收息價值，不過唔建議太過集中在這房託。------------------------------------------------Q21439：你好～～老師，我有少少問題希望你幫到我1）想問一下康希諾6185 我400（200股）同260（200股）都有貨，呢兩日我見升返唔少，今日心大心細諗緊放唔放～～我唔係好識分析呢間公司前景好唔好？2）我買咗中國電動車2845，138元400股～～有見過你講過買呢一個股票都不錯，我要唔要而家低價再入多少少3）快手362 有200股，241元又入了200股4）藥明康德189元 入了200股我有啲股票分開兩次入，我應該取一個中間價，等升返上去放晒佢，定係低價入嗰啲，覺得升到一個價位可以先放咗佢，高價位嗰啲就照放喺度？謝謝龔成老師︰你好著重個帳面數，其實你放貴個1手先，定平個1手先，係無實質分別。只係心理上，覺得放平個1手，你就賺左。貴個手就放係度，當無事，這種想法好錯。你要明白一個概念，我地投資唔係賺差價。而係想將一些長遠只會貶值的現金，換成會增長的優質資產(如優質股、物業等)，並長線持有。因此我地持有一隻股票與否，關鍵位是企業質素、前景，不要被買入價影響。因為我地買股票就是買企業。買入價，你的賺蝕，只是一個心理因素，該企業長遠的發展，才是我地是否值得持有的重點。如果企業有質素，但股價短期下跌，就不用擔心。如果企業無質素，但你現時蝕錢中，繼續持有只會令你財富繼續貶值，因此要賣出。如果企業質素轉差，就有可能要減持，因為這股佔你組合的比例，未必值得太多。1) 康希諾生物（6185）主要於中國從事研發疫苗產品，疫苗產品線如下：3種臨近商業化在研疫苗：包括腦膜炎球菌結合疫苗（ＭＣＶ）組合（四價ＭＣＶ及兩價ＭＣＶＩ，均為集團核心產品）及Ａｄ５－ＥＢＯＶ（其由集團與軍事醫學科學院生物工程研究所共同研發，為中國第一種獲批淮作應急使用及國家儲備的埃博拉病毒疫苗）。另外，有6種處於臨床試驗或臨床試驗申請階段的在研疫苗；包括針對白喉、破傷風及百日咳的ＤＴｃｐ疫苗組合（嬰幼兒用在研ＤＴｃｐ、在研ＤＴｃｐ加強疫苗、青少年及成人用在研Ｔｄｃｐ）、肺炎球菌疫苗等。業務有潛力，但估值好難，市場對佢有好大期望，股價炒得幾勁，反而風險高。這類股，是有潛力。但因為佢無盈利基礎，市場都只是「估估下」。如果持有係可以，但一定只能小注。若2手佔組合比重都唔少，建議沽出1手，去平衡個風險。2) 中國因為能源問題，長遠一定要發展電動車，這是大方向，故此股有一定投資價值。現價依然係合理區頂區，你已有一定貨係手，唔建議你加注。除非你資金好充裕，就可以而一刻加小小注。3) 快手（1024）係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。簡單來說，企業有質素，有發展。現貨可持有，但你預短期股仍會十分波動。4) 藥明康德（2359）都有d質素。佢主要從事藥物研發平台業務。係藥物開發過程，主要分為藥物發現、臨床前開發、臨床研究及商業化生產共四個階段。睇翻佢的資料，佢的服務對應各個階段，可分為以下四個分部：（１）中國區實驗室服務（２）合約生產組織（３）美國區實驗室服務（４）臨床研究服務。佢的客戶包括美國、中國、歐洲及全球其他地區的製藥公司及及生物技術公司。業務其實不差的，過往的生意與盈利增長理想。當中最大的風險，就是市場估值，現時的市盈率過百倍，就算有增長力，都計都貴，股價上落一定會好大。市場現時對佢前景有好大期望，但如果增長力比市場略減，股價都會調整。只可以話這企業有增長，同時有風險。現貨可持有，但唔好加注了。------------------------------------------------Q21440：阿sir, 我尋日入3690美團，今日跌0285 同 2382 應該幾時入呀剛剛$31入咗3319，係咪都高呀？龔成老師：你唔需太著重短期股價走勢，最重要是長期的企業發展。美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。如果有利好消息，佢可以上好多，但如果估值修正，股價可太跌。只可以話，潛力是有的，現價唔算平，之前明顯貴，之後回翻好少少，大約合理區頂至略貴，不過，一定不能大注。小小注，是較好的做法。只要你持貨不過多，都可持有的。至於比亞迪電子（0285）去翻$40會好少少。舜宇光學科技（2382）有一定的質素，但現價合理區頂至略貴。過往手機市場高增長，令佢鏡頭業務受惠不少，但近年手機增速開始減慢，你預佢增長力會變得較平穏。不過，手機市場又開始向好。在長遠，無論是手機鏡頭，又或是各種鏡頭方面的應用，只會愈來愈廣泛，前景正面，不過，中短期可能會有少少波動。這股可以長線投資，分注或月供較好。雅生活服務（3319）合理價，有質素，可長線。----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Question 2

藍諾課程評價龔成 在Facebook 的評價

Accepted Answer

【龔成問答信箱】（Q18061-Q18080）Q18061：龔Sir，第四堂課上有幾個問題想請教：(1). 在三個基分析的方向中「經濟分析」除了筆記上所列的5項指標外，有否其他值得留意的分析要素？(2). 在「折現率的計算」部分，筆記中指出「恆指過往50年，升幅連股息回報率為14%」「過往10年至20年，則大約為8%-10%」，有關恆指升幅及股息回報率在哪裏可以找到？還是這是老師計出來的數字？若是老師計出，可否請教是如何計出的？(3). 在「現金流計算」部分，指出公司可能會有增長率，這個增長率是否指「盈利」的增長率？如果是，盈利增長率是如何計算？以第57頁PPT為例，若要計算西隧2020年會出現的盈利增長率是否(12-10.8)/12X100%，即「盈利增長率」為10%。如果單是西隧的盈利增長率為10%，是否不宜用DCF去計算？然而放到港通(0032)中去計算，西隧只佔50%，盈利增長率除2，是否就仍可用DCF計算？有勞老師賜教，候覆，謝謝。龔成老師：1）當然有，經濟分析可以好多，而課堂所講的，是較重點的指標，其實如果你有睇財經新聞，都會見到有講一些重要的經濟數據，你可以留意。而到進階班，會再有相關的講述。總之你記住，要找「對經濟有長期影響」的指標，並不是短期性的。2）你上恆指服務公司的網站，而我的計算，就是將過往50年，數據，取複息平均，再加股息率（股息率在網站都有）。3）對，是盈利。你唔能夠只用一年的數據，要用多幾年，得出長期增長，再進行推算。如果計算無限年期的數目，增長率就一定不能大過折現率，但如果有年期，如西隧，就算增長率10%都無問題。港通佔一半權益，因此在計好西隧的價值後，就會除價值除2，就為港通的資產，而不是增長率除2。------------------------------------------------Q18062：老師，我與丈夫月入12-14萬自住樓950萬，月供14000尚欠380萬出租樓1： 540萬，租可抵貸尚欠250萬出租樓2： 350萬，月有4000盈餘 尚欠80萬 （與弟弟聯名）儲蓄（私己70萬，共同儲備15萬，丈夫儲蓄不明但應該不會多)每月可儲約3-6萬 （已包括稅務，保險，供樓，父母家用）有一份20萬基金，還有有數年才可取回個人12萬股票，005(平均買入價$85) 001 (平均價$95）共同股票20萬，001佔重（平均價105), 其他有001及2888，還有少部份藥業股 （我不太清楚）我與丈夫都是40歲，但投資都沒有方向，股票投資亦差不多虧損50%... 想以十年達致財務自由，請問投資方面可以點做？1. 考慮賣出股票，轉為其他比較有增長空間的股票2. 明年可能打算賣出出租樓2, 因為其質素較低保養成本較高。如事成可能會有多一百萬現金，之後應考慮什麼樣的投資3. 現有現金積蓄都放在mortgage link, 只有低息，值得用此買入其他股票或基金嗎？龔成老師：1）可以賣出，以你的年齡，財富仍有增長力，轉其他是較好。當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。2）因為香港買賣物業的成本高，賣出後如果日後要買翻可能會較煩。當然，如果你想賣出都可以，因為你現時的財富組合，較偏重於物業，所以都可以，但一定要想清楚先。3）應該部分投資股票，你現時的財富組合，股票比較少，不過，你一定要同時留有現金，做備用，以及等大跌市入市之用。------------------------------------------------Q18063：老師，我開始了月供 $2000盈富 $1500銀娛 及 $1500小米。  我存款只有十萬， 月入$25000但月儲只有$8000左右. 除了以上月供計劃，如果我以現價買入一手粵海長線持有，呢個動作合適嗎？龔成老師：首先，你可以保持月供，這動作可長線進行。另外，你現金$10萬，由於現時大市合理，但不算平，因此，唔能夠動用太多，要留現金備用及等跌市投資之用。你現價入一手粵海（0270）可以的，這股有質素，現價都合理。------------------------------------------------Q18064：龔成老師，想問今日公佈即將入恆指成份股的2269藥明生物是甚麼公司？我見到這公司的EPS 5年平均每年成長率達80%感覺十分優質同時P/E都非常高達170想問老師覺得合理區大約位置？我暫時只分析到現時非常貴龔成老師：藥明生物（2269），主要提供有關生物製劑藥物發現、開發與生產服務。佢涵蓋生物製劑發展過程的所有五個階段，即藥物發現、臨床前開發、早期臨床開發、後期臨床開發及商業化生產。潛力是有的，因為過往的財務數據的確理想，但現時的估值唔平，這刻投資值博率一般。不過，這類股好難話現價一定貴，因為佢有好高的增長，只可以話現價唔平，但如果之後有高增長，那就未算太貴。只可以話，如果你真的想投資，小注好了，你要明白業務有不確定性，同時股價會好波動。------------------------------------------------Q18065：龔sir想問一下點解甚少見你提「騰訊」呢隻股票？佢好似好多方面都符合你講優質股既條件？以你所講 潛力股會用「升一倍放一半」策略，咁如果平穩增值股（如港鐵），股價未必能倍升 又應該怎樣獲利？同埋想龔sir幫手評價一下我的月供投資組合背景是25歲 月入約5萬每月可儲用2萬元作投資，全數用作月供（因為成日覺得唔用作月供怕d股票會升左）港鐵 領展 港交所 盈富基金 約佔1萬2千（平穩增值類）阿里爸爸 海底撈 比亞迪 福壽園 平安好醫生 等等潛力股佔8千元會唔會出現供太多隻既問題 變相每隻好似力度唔夠大。同想問以一個25-28歲年青人 倉的水桶1,2股票分別應佔多少。謝謝龔sir解答，再三勞煩你龔成老師：騰訊（0700）有質素的，只是早前較貴，所以沒有多講。這股有長線持有的價值。如果港鐵（0066）這類，可以一直持有，你唔要著重「賺左先」、「賺現金」，你可以長線或一直持有的。至於你的組合，太多集中，應該減少少少，至於你的年齡，水桶1可在30%-60%，要視乎你的風險承受程度，以及你的投資實力，因為潛力股需要你有一定的投資實力。------------------------------------------------Q18066：龔sir，見到你fb share一個在2年內賺到一百萬的case，好心動。想問如果我只有3萬現金，可以在5年內賺到一百萬嗎？因為想買多一層樓作投資。下個月才上你的課程，但想有個目標。謝謝，現在看你的百萬富翁3，但到理財創富問題的專用語不太理解，例如REIT, ETF等。龔成老師：理財與投資，要一步步。如果你想5年累積到$100萬，每月就要有一定的儲蓄及投入，你最好每月，要自己儲到$1萬，再加上投資，這樣就較易做到5年有$100萬。REIT就是房地產信託基金，ETF是交易所買賣基金，這些都是適合初階者的投資工具，我的股票班都會教的。你上堂前，建議你多睇理財及投資的書，《股票勝經》都是入門書，適合你睇的，下個月見！------------------------------------------------Q18067：你好，想請教一下，我是家庭主婦，沒有收入，老公月入3萬左右，供樓1萬多家用同囡囡讀書等開支已經冇多餘錢，儲蓄10萬左右，待囡囡上學後會做兼職，還可以有什麼方法儲更多錢呢？謝謝龔成老師：你之後做兼職是提高收入方法，你可以做一些高時薪的工作，從收入去增加。同時，可以在生活上慳錢，例如唔好亂用信用卡，多有效利用優惠（但不能因此要消費多左），盡量唔好用信用卡，要有每天記低消費的習慣。另外，就是定一些目標，例如每個月要儲到多少錢，或參加銀行的儲蓄計劃、月供股票計劃，都是有用的。------------------------------------------------Q18068：你好老師，我24歲，無咩投資經驗。月入20k, 每月流動資金10k。打算用6萬投資。本身有留意開2800, 3, 708, 想問下係咪適合時機投資，有冇其他可以入手？謝謝龔成老師：你可以以盈富（2800）作為核心，再加上其他股，煤氣（0003）可以的，現價合理，都可投資。但恆大（0708）風險高，唔太建議。你這個年齡，是財富增值的黃金時期，要好好把握，盡你一切的力量去儲蓄、投資、學投資知識。你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q18069：老師你好，我今年33歲，已婚有一兩歲女，我同老公月入共3萬5 ， 今年年頭開始睇老師既書，亦開始月供股票 ，0388 $4000 ，0003 $1000，0066$1000 ，0002$1000 ，另一手0066，一手02638現手頭現金10萬，每月可儲1萬，可如何運用現金？另外想問我睇左你本財務自由行，我儲蓄率可有30%左右，以股票增長率保守8~10%，係咪可根據你書中所提及12~14年左右得到基本財務自由？龔成老師：你的選股都是有質素的，但如果想財務自由，可以加多少少較有增長力的股。要財務自由，會運用「先增值，後現金流」作方法，初期應投資較多增值類資產，而較年長的，則應投資較多保守類項目，因為初期的財富系統未成形，可承受的風險度較高，所以會著重增值為先。例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。手上的現金，建議大部分持有現金，備用及等跌市機會，同時，可保持月供。你可以考慮加入：盈富（2800）、銀娛（0027）、領展（0823）。如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。------------------------------------------------Q18070：Hello龔老師，我接近30 歲，有現金25萬，股票戶口有30萬，股票之前在高位買入且較分散，而且選的股票潛力亦不高，但現時亦未有合適時機賣出。由於現時股票市場較為波動，如果我想長年買入一些較穩定的產品以達到複息效應，請問您有甚麼推介嗎？謝謝！龔成老師：你這個年齡，是財富增值的黃金時期，要好好把握，盡你一切的力量去儲蓄、投資、學投資知識。你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。我相信對你來說，投資指數基金，以及一些較穩健的股票，長線持有，是較為適合。盈富基金（2800）、南方Ａ５０（2822）、VOO都可以。這些指數基金，會比單一股票較穩陣。另外，個股可考慮：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。如果你擔心股票的風險較高，可以考慮基金，或一些銀行的投資產品。------------------------------------------------Q18071：老師你好 我係投資新手 想供月供股票請問以下組合可以嗎？每月供$3000領展1000盈富1000中電1000還是每月只供盈富$3000比較好？謝謝龔成老師：可以，上述都是有質素的股票，3隻都是有質素的，所以可以進行，只要你保持長期就得。如果日後你資金增加，就可以加大盈富（2800）的金額。暫時就各供$1000先。------------------------------------------------Q18072：龔成老師你好！最近開始留意你的Facebook，並閱讀你的書，發現你的理財觀念啟發了我不少，希望你繼續努力，出版多些書教導理財技巧。本人有些投資問題，希望你可以解答我的，以下是我的背景，謝謝！-35歲，女性，公務員，已婚，每月收入5萬，月儲3萬現金-去年購入自住單位，仍有400多萬按揭，丈夫負責供款-現供一份醫療保險及每月$6000儲蓄保險（供15年）-現有現金30萬-沒有投資經驗，想購入股票在長線投資正在構思：1.與丈夫儲多一年現金作按揭partial prepayment，盡快清還按揭，減少利息及縮短還款年期2.月供或一次過購入盈富基金龔成老師：現時處於低息環境，還錢並不一定有著數，其實最重要是計算「按揭利息」及「回報」之間的差別。例如你有$100萬，如果投資收息股能取得6%股息，你就得到$60000一年，如果你想這$100萬作還錢，就可以慳利息，如果按揭利息3%，你就慳到$30000。比較之下，你唔還錢，將錢作投資，得到$60000去支付$30000按息，會更著數。當然，投資收息股有價格上的波動，而減少負債能令你減少風險，因此，各種選擇相會有利弊，但你先要明白，並不一定「盡快還錢」就是最好。在低息環境，你拖長還錢反而有利，而高息環境，就應該盡快還錢。我建議你這刻，唔好做任何動作，首先學投資先，同時可以月供盈富（2800）每月$10000。你利用3-6個月時間，努力增加投資知識，理財知識，之後先再計劃應該點做法。------------------------------------------------Q18073：Hello龔sir，我25歲，持有3690 一手、6958一手同700少量碎股，想請教以下問題：1. 請問3690既業務質素？現時股價會唔會處於泡沫邊緣？因為都知佢呢幾個月被炒得好犀利，但我係想長期持有。2. 最近中美關係緊張，本來打算月供700先入左少量碎股，但見佢最近被美國打壓，股價有少少影響，請問佢前景係咪仍然睇好，可以長期投資呢？3. 6958既業務質素4. 如果我想5年內擁有100萬，每個月月供應該分配分多金額呢？Thanks!!龔成老師：1）有質素，這企業的業務的確有增長，同時發展力仍大，只是估值難，如果你一手，可以長線投資，雖然中短期預佢會波動，但唔好理，長線持有就得。2）中短期有可能會弱，但你月供，要長期進行，其實這樣就不用擔心，佢只是中短期不利，不是長期問題。3）業務正面的，不過現價略貴，要注意風險。4）每月要投資$10000在股票，你可以部分月供，部分留現金等機會投資。另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。------------------------------------------------Q18074：你好，想請問2588現在可以入貨嗎？以前睇好作收息，由40升到46後放左。之後一去不復返。現在疫情跌反去50。之前飛機出租率高，相信無問題，但疫情航空次數降，加上航空股跌，2588反而向航空公司買多左飛機，租反給航空公司。其實有信心先會咁投資，對嗎？另一面，佢比業界好係因為有中銀作水喉，低息借給他。中美關係，會否受政治因素影響？謝謝。龔成老師：中銀航空租賃（2588）本身質素不算差，但又未到好好，主要原因是負債太高。佢利用高槓杆的模式，進行飛機租賃等業務。即是借錢，買飛機，再租出給飛機公司。佢的動作是長期之用，而我地分析點，都應該以長期作衡量，可見佢長遠發展唔算差。不過航空業及借貸模式，始終有不確定性，令佢風險增加左。至於政治風險，有可能有，但較難分析，始終變數多。投資可以，但唔建議太大注。------------------------------------------------Q18075：成老師你好，我手上有1200股6185康希若，平均價212買人。呢2日有跌到落$192，你覺得呢隻股會升反上去嗎？我聽到幾多佢呢利好消息，唔知點解會跌呢？你建議我止蝕走嗎？麻煩你！ 龔成老師︰其實一隻股票中短期上落係好正常，只要佢唔係出現左一些影響佢長線質素的問題，咁就可以。康希諾生物（6185）主要於中國從事研發疫苗產品，疫苗產品線如下：3種臨近商業化在研疫苗：包括腦膜炎球菌結合疫苗（ＭＣＶ）組合（四價ＭＣＶ及兩價ＭＣＶＩ，均為集團核心產品）及Ａｄ５－ＥＢＯＶ（其由集團與軍事醫學科學院生物工程研究所共同研發，為中國第一種獲批淮作應急使用及國家儲備的埃博拉病毒疫苗）。另外，有6種處於臨床試驗或臨床試驗申請階段的在研疫苗；包括針對白喉、破傷風及百日咳的ＤＴｃｐ疫苗組合（嬰幼兒用在研ＤＴｃｐ、在研ＤＴｃｐ加強疫苗、青少年及成人用在研Ｔｄｃｐ）、肺炎球菌疫苗等。業務有潛力，但估值好難，市場對佢有好大期望，股價炒得幾勁，反而風險高。這類股，是有潛力。但因為佢無盈利基礎，市場都只是「估估下」。如果持有係可以，但一定只能小注。------------------------------------------------Q18076：老師你好 00303怎麼樣 現在股價被低估 我覺得各種指標都不錯。pe低 以往業績不錯 缺點就前景一般般龔成老師︰偉易達（0303）雖然近年的股價較一般，但本質都算不錯的，但就唔叫好強。佢過往派息比率高達9成，成立於70年代，業務是電子產品，這麼高的派息，反映管理層明白這公司已過了最高增長的年代，之後只會是平穩增長。公司已不需要每年投資發展，反而管理層、大股東，偏向想收息，因此這是重派息多過重發展的公司。雖然佢係某些業務做得不錯，但發展心不強，同時大環境並不是高速增長，故相信佢之後都會平穩。近年這公司的生意，都是平穩增長，如果比較幾年前的盈利，都是差不多。如果你目標係收息為主，此股可投資，但不能太過大注。------------------------------------------------Q18077： 老師你好，我最近先開始接觸股票投資想學下長線投資我有睇過 PFE, CureVac, XPH請問哩啲醫藥股會較為穩定嗎龔成老師︰其實美股中有不少優質企業，但由於我自已無特別研究，所以這些股票比唔倒太多具體建議比你。但你可以從佢地企業質素、行業前景、財務狀況等，去定佢大約合理價值，再決定此股這一刻是否有長線投資價值。若然你對個別醫藥股無太多認識，道富SPDR製藥指數基金（XPH）包括一藍子相關企業，你可以考慮。------------------------------------------------Q18078：Hello想問3143、883值得入手嗎？龔成老師︰ＢＭＯ香港銀行股ETF（3143）基金的投資目標為提追踪納斯達克香港銀行股指數之表現。佢包含左香港上市的銀行，當中4大持股為匯控（0005）、建行（0939）、工行（1398）和中行（3988），佔組合近6成。這些都是收息股類別，所以你預個ETF比較以收息為主，增長力預佢唔會強。如果你目標偏向收息，這個ETF你都可以考慮。但留意佢成交易好少，故買賣時個差價會較高，影響你回報，你要知道這個風險。中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。雖然佢都有一定的規模及質素，但卻不是最高質素的企業，這是由於佢地的產品自主力較弱。石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。------------------------------------------------Q18079：你好呀龔成先生， 我今年24歲，月入$15000，儲蓄有2萬蚊 。由3月份開始月供股票 00005 00386每個月 2K 平時儲蓄每個月有5000-7000，我係投資初哥， 做過少少research ，留意過呢兩隻股， 想問聲我呢個投資組合係咪有問題？ 除左2800股票有邊d潛力股係值得我投資？ 我個目標係5年內儲到100萬，請問有咩建議。感謝你！手頭上有 00005 AVGP $41.84 402股00386 AVGP $3.74 1309股龔成老師：當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。你這個年齡，是財富增值的黃金時期，要好好把握，盡你一切的力量去儲蓄、投資、學投資知識。你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股只能小注。因此，匯豐（0005）、中石化（0386），以你的年齡來說，並不適合。------------------------------------------------Q18080：老師想問下，宜家煩緊買20年定30年既樓，買30年既負擔無甘大，但呢一次既買樓係諗住住一世的，擔心大樓齡日後做唔到逆按揭。龔成老師︰睇翻按揭證券公司資料，一般係要求50年以下樓齡。但高過又唔係一定做唔倒，只係要個別再考慮。不過，無人知幾十年之後的情況。由於你現時買入的是自住房屋，我會建議你買整體負擔無咁大的一間。因為咁樣，你可以用多出來的錢去投資，為自已退休生活作準備。假若，到你退休時真的不能作逆按揭。你也可以透過賣出現有物業，轉買一些較平宜物業（如較偏遠、或小一點）來釋放更多資金，去支持自已退休生活。----------------------------------------------若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Question 3

藍諾課程評價丹尼爾。海的兩三事 在Facebook 的評價

Accepted Answer

真。校長👍🏻【有學生罷課的學校，守護罷課學生的校長】 佛教善德英文中學的何滿添校長說，希望即使外頭大風大雨，仍能為學生撐起一個避風港。敢言的他毋懼發聲，「當外面紛擾到四處都是催淚煙，如何可以獨善其身，坐在校長室聞不到聽不見？」校長在受訪後帶路，讓我們看看這個避風港的一些角落。（攝影：鄧宗弘） 校長與罷課學生的故事 - https://bit.ly/2k5ivaj 何校長，請安息。校長曾在訪問最後留下告別校園的一番話： //有沒有想過告別校園時，一定要跟學生說什麼？「要這樣預告嗎」，「我希望，學校永遠是他們第二個家，在這裏找到可以信任、好愛他們、願意聆聽他們的老師和校長」。// 全文： 二○九號課室坐着一名社工，面前是三個盒子，放了餅乾、情緒紓緩小書與白紙。 開學了，這個課室零落坐着學生，在罷課。穿着體育服的少年跟我對話時一直戴着黑色口罩，青澀而溫文，聲音幾不可聞：「對比上街，我覺得這是和平、有效的方式表達訴求」，他已堅持好幾天，課室裏同學愈來愈少。「我要自己思考、為自己負責任，不是父母說什麼都聽從」，他說，「我也會有認為正確、應該做的事」。 想對外面說什麼？「五大訴求，缺一不可。」我湊近耳朵，才把這句聽得清楚。 校長室內響亮的聲音與笑聲，有時外頭校務處的職員都聽到。 「你叫我不安排課室？對不起，我做不到。那些是我的學生，他們想有套枱凳，有安靜的地方讀書，談談對這件事的看法。你要我板起臉孔，手執一份操作指引，說a可以、b不行、c要記大過、d就趕出校，你覺得後生仔會如何？ok，那我就做制度以外的事，不回校了。引到校友聲援、拉人鏈嘈、有人報警、學生跌傷……唔好喇啩，我佛慈悲吖嘛。」 佛教善德英文中學何滿添校長的頭髮二○一四年還烏黑，現在都白了，黝黑膚色、高大身形，看起來很硬朗。他還複述前兩天有人站校外罵：「讀屎片呀你𠵱度，罷課就返屋企啦，正人渣，點教佢哋㗎﹗」 如何教？他承認初初教書，確是沒教得很好。在band 5中學教英文的歲月裏，想學生多開口練習，答題不要只懂得I dont know，給三種答案，1. I dont understand the question. 2. I dont know the answer. 3. Im sorry, I cant express it in English. 好歹選一個。誰知學生大聲用諧音問候他母親，全班見何sir被公然挑戰，笑得很樂，阿sir沉住氣，接下來教tense變化go、went、gone。下課才捉那男生來問，他卻哭起來。「他說媽媽跟人走了，爸爸是中港司機，他跟半失明的祖母住，昨晚沒飯吃，那天很冷，衣服又穿了洞。當他連基本溫飽、愛都沒有，跟他說英文？說艱深的tense？too far away啦。」阿sir到小食部給他買三文治、熱維他奶，加上神父付他每月四十元的午餐費，囑老師買件新冷衫。「此後他上堂好畀心機，雖然英文還是不太好，考不上中六，但那個年代很好，他學師修理雪櫃，之後在觀塘一個地方開了店，結婚做爸爸。」偶爾行過那間店，舊生伸出滿是偈油的手來握，說阿sir去飲茶啦，「我答好﹗有時說回那句粗口，我們還笑一餐」。 一九九○年，他第一次以老師身分走入課室。如今何校長五十有八，今年大概是他在善德這間Band 1資助英中的最後一個學年。「善德罷課都好出名㗎喇。」查一查新聞就知道，雨傘運動時的九月，他允許學生戴黃絲帶上課，斥周融倡設舉報熱線如文革，學校網站其後被黑客入侵。「二○一四年我做善德校長剛好滿十年，遇到當時覺得是驚天動地的運動，但坦白說對學校衝擊不算太大。雨傘運動沒那麼多家庭成員之間的分歧，今次很多同學跟我說，跟爸爸媽媽、甚至朋友意見亦不一樣，他們很怕被標籤為搞事、累死香港，事實上他們心目中的理想並不想用武力，只是去和平示威，或做後方支援者，幫手急救，但到最近這個月，他們都不見得很安全，其實好擔心。」 學生喊口號 不針對警察 小息時候，葵盛圍這個中學雲集的小區呼喊聲此起彼落，舊生在校外隔着圍欄帶師弟妹唱Do you hear the people sing?和喊口號，幾層走廊上一排排學生高呼和應。一打鐘，校務處立即收到附近居民電話投訴，說打擾到家中小孩睡覺。早幾天，學生還大叫「香港警察」，再小聲接「全部垃圾」、「知法犯法」，何校長說即使老師都有兩種色，深藍的每見一次行動就被刺激一次。他數天前向學生廣播，「你喊光復香港時代革命、喊五大訴求缺一不可、喊香港人加油，我沒問題，校長覺得都是你想表達的意見。惟獨那幾句，我聽到有點不舒服。香港三萬八千幾個警察，曾幾何時獲人稱譽為亞洲最優秀警隊，我絕對不相信三萬八千人都像你們描述的，有個負面標籤。老師、職員、工友的親屬，甚至同學的家長或有些從事警察行業，可不可以有點尊重？」至訪問當天，學生如何激昂，都未曾喊針對警察的口號。對於警察子女，校長沒特別安排，「不需要亦不想特別標籤，但確保學校不會出現欺凌」，他將老師開學後致電每名學生家長了解子女情况的「陽光電話」，由九月尾提前到月中。 若割裂師生關係 激起更大反彈 「我想讓社會人士知道，即便今天接受訪問亦然，我們好多校長就像何滿添，在專業地做教育工作，守護孩子。我們重視他的人身安全，不會鼓勵他違法，或用暴力手段爭取訴求，但最重要是有個地方讓他放心講，我就去聽，如果我們連這些學生都不接納，那我為何還要搞學校？我不是做懲教署嘛。」他見面打招呼時伸出的手有點特別，微斜以手背向天，像人鏈裏邀請拖手的姿勢，「接納聆聽、同行休息、尊重關愛，保持盼望」，近日放在他心頭是這幾個詞，「唔通我報警拉我啲學生咩？我唔會囉。你要跟他割裂，捨棄互相信任的師生關係，目的是禁止表達政治訴求，是否真的做到？只會激起更大反彈，一個願意接納聆聽學生的學校場所是個避風港，在動亂時勢、聞催淚彈的年代，是否可相對和平一點去處理？」他認為不能師生關係不對等，「不可以你是我的學生，我話乜你就做乜」。但校內「有份」的stakeholder政治立場各異，他得取個平衡，「戴白絲帶得唔得？得。口罩？得。頭盔、過濾口罩，真係唔得嘞，因為政治性太明顯，會有些持份者不舒服。罷課伏桌上睡覺玩手機得唔得？唔得；坐在一起聊聊，得；播Winter on Fire得唔得，都得，不過要先問我」。 他每天八時許打鐘後都作雙語廣播，這天除了提及小息會有師兄師姐來唱歌，可自由參與，還交代周一早上這區將有超過十間中學組成人鏈的行動，叮囑同學如參加不要佔路，遇警員要好好溝通，行動完了記緊回到學校來上課，他亦安排了老師當天在外面巡，又聯絡過其他校長。學生們也許聽不出來，在校務處的校長嗌咪前神色凝重，如將上戰場，一熄咪站起來，喊句「好累」，轉身回校長室又抖擻起來見舊生。他們在校外派單張，有人上前斥「不要做得太過分」，「有些老師覺得你這樣高調在校長室跟他們談，是否變相認同他們？但我覺得，你一日畢業是我的學生，一世都是我的學生」。 帶領學生多角度思考問題 教育局長楊潤雄說，不應以學校作為表達政治訴求的場地。「唉﹗」他大嘆一口氣，「這真的要講。社會就是政治，眾人之事就是政治。如果你說維持校園政治中立，這個角度沒有錯，但理論上表達政見都有自由，我們要持平客觀帶學生看問題的兩邊，他們有獨立思考，看完新聞聽完記招，就像通識題，你有多大程度相信政府的說話是反映事實全部？他們如想表達政治訴求，和平理性的話，真係禁唔到㗎喎」。說罷課犧牲學習時間，「我是覺得很可惜，不過我尊重他們跟爸爸媽媽深思熟慮之後決定罷課這個選擇」，學生罷課須家長簽名同意。「我不會鼓勵，也不會禁止。」 進校門登記時，我向更亭大姐打探，校長是個怎樣的人？她評價，「他不會以權勢壓人」。還透露每次升中講座，家長出校門談論時，都說喜歡這個校長。「因為他們知道我捱得窮、捱得苦。」於和樂邨長大，教育一開始對他來說，是爭取高收入幫輕父母的途徑，車衣的母親為省車錢拖大袋衣服從家裏行路到牛頭角，膊頭血痕叫他努力讀書，考進名校聖保羅男女中學；獲得大學學位那年，當售貨員的父親卻因心臟病驟然去世。他到瑪利諾中學做實驗室技術員，為課堂預備儀器、買青蛙劏、捉蝸牛、摘樹葉、抹枱，補讀大學學位當上老師，一步步到中文科主任、副校長，二○○四年七月八號颱風「圓規」送他哭着離開走了二十四年的彩霞道，空降善德做一校之長。 標籤學生 無助解決問題 「我見證香港由好窮的工業城市走到今天繁盛。」他原本擁有一個很獅子山下的故事，以「希望年輕人唔好搞亂香港」來結尾也很常見。「搞亂香港？」校長很大反應，「我常覺得那不是搞亂香港，是他們在追求一些理想，好似沒人聆聽，沒法用更好的方法化解。還有一種假設是所有戴黑口罩、穿黑衫一定是我的學生，警方都會喬裝啦。若真的犯法，依法審判沒有問題，但我亦希望不要標籤所有犯法者都是學生，只會增加撕裂、加強對抗，無助降溫解決問題」。現在的學生溫飽大多不成問題，他說：「不用標籤學生出身，這一刻需要什麼，老師真的要聆聽。我的母校校訓信望愛，最重要是愛。」他開始背〈哥林多前書〉第十三章經文，這個校長沒宗教信仰，佛偈與《聖經》都是道理。 經歷兩場社會運動，他再思教育是在病榻上，夜闌人靜時。近年患重病，先是罕見的皮肌炎，這兩年則是腫瘤，接連復發，所幸幹細胞療法讓他逐漸康復過來。服藥導致難以入睡的時候，他左思右想，「未去到老淚縱橫，都會有少少感慨。為何回歸廿幾年，始終沒辦法給年輕人安定一點的環境去追夢呢？年輕人有很多不滿，房屋、政制、政府表現，當特首說建構對話平台，甚至說如何與年輕人溝通，回應社會訴求，但年輕人感覺到是另一回事」。他想到教育工作者能做的，是讓學生珍惜生命，失去一個都嫌多；也讓他們知道「參與運動或一些違法活動，可帶來高度的危險性」。「前線會否真的有學生參加？絕對有，根據非正式消息，香港不同中學有學生被捕，是相當可惜的。」他說八月時已打算若自己的學生被捕，盡力提供法律支援，「有足夠的意見幫他們面對可能出現的檢控」，而荃葵青校長會八月底時亦曾向警方要求若有學生被捕可通知學校，但地方警區回應做法屬全港措施，暫未答允。 夾縫中發聲 不能獨善其身 教育局開學指引提醒老師就社會狀况可對學生答「不知道」，「事實放在面前，學生看了有判斷，他來問你，難道答不知道？我的做法是教他們將價值觀排優次，讓他知道每一個價值觀代表什麼，再建立自己的一套」，但現實讓他有時都很難教，「經濟發展重要，還是民主人權、言論自由重要？兩者要秤，香港這一刻什麼是重要？沒真正的雙普選，為何年輕人覺得有虧欠？他們心目中的烏托邦，香港可以怎樣做？有沒有人關心過？當一間劏房四千蚊一個月，你好難跟他們說有好的未來和前途」。解鈴還須繫鈴人，「鈴不是我綁的，所以政府、中央政府真的要想想，不要損耗很多代的年輕人。政府若有恰當回應，影響會大過我們說一百次」。 校長願意先為學生示範答題。他多次在《明報》撰文回應社會問題：政府鼓勵三三四學制下，高中生選修三至四科，他批評課程內容過重，先削再講；教師自殺，應反思由學校或辦學團體難有效處理投訴，建議交給教育局來辦；校園是否不能談港獨？他都寫過，應相信教師能專業地引導學生從多角度思考議題。「當外面紛擾到四處都是催淚煙，如何可以獨善其身，坐在校長室聞不到聽不見？」開學前他撰文表明對罷課的見解，「去到大是大非，讀咁多書，還有支筆」，就應當寫，也敢言受訪，「我覺得不發聲不舒服，以及太多扣帽子的誤會，洗腦啦、鼓吹罷課啦，我也想同學仔快快脆脆返課室上堂，行有餘力就和理非非去遊行表達意見，但問題是他們覺得不夠嘛，認為得不到政府回應，學校便處於夾縫中」。 校長曾經也是學生，近視眼來自躲被窩開電筒看《射鵰英雄傳》的時光，「我喜歡郭靖，『俠』這回事對我的人生處事很重要，正義、正氣好緊要」。看以前的照片，校長一副國字臉，現在清瘦些。抗癌藥影響，打字其實不易，但「仲有一口氣，唔打得就冇辦法啦」。他問有沒有察覺，以前的校長不會噤若寒蟬，這一兩年少了人出聲？愛睇波的校長是利迷，說YNWA（Youll never walk alone），「你看看外面就知我不孤獨啦」。明明說下午四時得回家休息，還拉着我認識與他並肩作戰的中文科主任、看舊生為師弟妹買食物的「和你食」盤子、轉頭又着攝記為他與學生作品合照。「還在這個崗位一天，」一字一頓「我都好想」，「守護着這個校園的文化和原則」。唯獨應我的要求帶路去見罷課學生，他流露出硬淨裏的一份體貼，「我建議不要把錄音機對着他」，又向同學說，你有拒絕受訪的自由。 教育工作者最大的使命 「我們有一個最大的使命，是安頓他們急躁、不穩定的情緒，聆聽、重視、肯定學生這個暑假獨一無二的經歷，然後再了解他們走得多前，如果他聞過催淚彈，是怎樣的感受。我對罷課學生一定問兩條問題：第一，會不會因為罷課令你跟家庭成員的關係變得緊張？若有這種關係，我們會小心為他疏解；第二是參加罷課有沒有令他覺得與周邊，不論學校、同學、好朋友有分歧，感到人際關係受壓。」 二○九號課室裏，眼神敏感脆弱的學生談到學校給了他平台發表意見，有老師保護，他能勇敢表達自己的訴求。你覺得校長是個怎樣的人？他有一點窘：「友善吧。」就這樣嗎？他想想：「真係好多謝佢。」沉默一刻，以為他想結束對話，聽到很小的聲音透出口罩：「覺得當初，冇揀錯學校。」我回校長室轉達這句話，何校長用更明亮的聲線稍稍掩飾高興，「哎呀，唔好整到我想喊啦」。因為休養，他計劃提早一年退休，據我從更亭收風，「我們都想校長做多一年」。有沒有想過告別校園時，一定要跟學生說什麼？「要這樣預告嗎」，「我希望，學校永遠是他們第二個家，在這裏找到可以信任、好愛他們、願意聆聽他們的老師和校長」。 #明報 #明報即時新聞 #星期日生活 #罷課 #校長

關於 藍諾課程評價 ，我們在網路上蒐集到這些相關的討論、資訊與評價

「藍諾課程評價」的推薦目錄：

藍諾課程評價 在 龔成 Facebook 的最佳貼文

About author

藍諾課程評價 在 龔成 Facebook 的最佳貼文

About author

藍諾課程評價 在 丹尼爾。海的兩三事 Facebook 的最佳貼文

About author

藍諾課程評價 在 藍諾Eleanor Jiang Youtube 的最佳解答

About author

你可能也想看看

搜尋相關連結

關於藍諾課程評價，我們在網路上蒐集到這些相關的討論、資訊與評價

藍諾課程評價在龔成 Facebook 的最佳貼文

藍諾課程評價在龔成 Facebook 的最佳貼文

藍諾課程評價在丹尼爾。海的兩三事 Facebook 的最佳貼文

藍諾課程評價在藍諾Eleanor Jiang Youtube 的最佳解答