講兩句《鬼同你住》（含劇透）
—
套戲唔係cult片，係一種刻意為之嘅荒謬，但又有咩荒謬得過，香港就係一個咁扭曲嘅地方。
-
近排睇咗幾套香港電影，上嘅未上嘅其實都有睇，但好多都無刻意講，因為自己唔太鍾意，又搵唔到太多值得講嘅角度，但講到當中最鍾意最有驚喜嘅，係尋日上畫嘅《鬼同你住》。
—
對套戲嘅第一個感覺，係覺得戲名太過通俗，以口語入文當然唔係無，算係近年少見，但意思上都好似無咩深意。而電影套路亦明顯，借鬼怪片講香港瘋狂嘅社會，無屋住仲恐怖過同鬼住，未睇套戲，都大概估到套戲講咩。
—
而下一樣立即聯想到嘅嘢，就係自身嘅經歷，唔知大家有無排公屋嘅經驗，作為一個窮到燶嘅香港人，我由自己啱啱成年嗰陣就開始排公屋，到今時今日已經十年有多，樓當然未有排到，但當中比較特別嘅係，政府定時定候就會問你要唔要排埋「特快公屋」。咩係「特快」？通常就係指有問題嘅單位，而有問題嘅單位，其中亦有一定嘅比率係所謂嘅「凶宅」。「凶宅」究竟搶唔搶手呢？根據我嘅經驗，當我每次都剔曬任何可以剔曬嘅選項嘅時候（即係咩區咩大細間屋有咩問題都照要），有機會揀樓嘅次數係——————「零」！由此證明，「凶宅」喺香港，仍然係相當搶手。
—
講返套戲，電影同月前嘅《濁水漂流》一樣，以住屋見眾生，無論你係住富宅，定係捱劏房，都要面對居住嘅問題，窮人有錢人都喺樓市漩渦入面不斷打轉，有錢人就想分家產炒多幾間，窮人就想欺壓比自己更窮嘅人，將每間房劏少十呎。總之有樓就大曬，炒賣就係香港人最大嘅共同價值。
—
唔怕電影荒謬，只係怕佢唔夠誇張，當觀眾見到電影角色為香港嘅寸土尺土而打生打死，喺概念同畫面都玩到極盡顛狂嘅時候，為樓死為樓亡嘅原來唔止係人，連鬼喺香港都無處容身，將嗰份近乎信仰嘅執念帶埋落地府，連死都唔想賤賣自己一生嘅心血！香港人窮一生嘅精力，都只係想有一個安樂嘅「家」，睇《鬼同你住》，應該會有所共鳴。
—
世界咁大，香港人要搵一個容身之所，竟然會咁難。喺電影入面，亦有「外來者」嘅角色，導演以菲傭同南亞裔人士嘅目光睇盡香港荒謬，不約而同都拋下一句[生命逝去嘅地方，就會有另一種生命嘅誕生]，當香港人比地產霸權壓到喘唔過氣之際，又可以有咩出路？又有咩生命可以誕生？
—
電影編導究竟點睇香港嘅未來？我嘅睇法係看似樂觀，但實質係絕對嘅絕望。表面上，包租公帶領劏房戶進行「螞蟻搬家」，即係幫地產商搞掂「一手空置稅」，以即晚居住嘅形式一解住屋嘅燃眉之急，達成雙贏局面；而主角林正源亦帶領屋企人住入別墅級豪宅，睇落去非常正面。但兩者不約而同，窮人都係喺地產商同有錢人嘅鼻息之下苟延殘喘，當政府「辣招」一過，劏房戶即變condom，而當林正源賣到間豪宅，立即又會變成無殼蝸牛。窮人一世，都只能夠活喺有錢人嘅陰影之下，結局愈開心，真相愈悲哀。
—
睇完套戲之後，我突然發現自己忽略咗戲名嘅第二重意思，香港呢個瘋狂嘅城市，淨係掛住搵錢，淨係掛住炒樓，真係一個「鬼同你住」嘅地方！
-
P.s. 我覺得音音姐嘅造型同表現，已經值得一個女配角嘅提名，特揀此圖。
無殼蝸牛意思 在 [請益] 持有房屋者vs無殼蝸牛- 看板home-sale 的推薦與評價
之前看到其他版友的文章
內容有點意思
說如果打房
打到你的房子
你情願嗎?
於是我去google一下
2022年租屋者超過300萬人
而2020年只擁有一戶的自然人是555.79萬人
會不會在高喊居住正義的前提下
很多人根本不希望居住正義
陳三斤也說
因為有無殼蝸牛，自然也有房產富翁，為了某族群的權益會犧牲掉另一個族群的利益。而
且另個族群是社會上相對有權有勢的一方
所以廣泛的居住正義會不會是這兩個因素很難被實現
有錢有勢的多數有房人
vs
較無錢無勢的少數無房人的戰爭?
感覺是場不公平的對抗賽
--
※ 發信站: 批踢踢實業坊(ptt.cc), 來自: 114.137.226.221 (臺灣)
※ 文章網址: https://www.ptt.cc/bbs/home-sale/M.1689585464.A.45A.html
... <看更多>