關於 sayno2tvb ，我們在網路上蒐集到這些相關的討論、資訊與評價

無綫話停播港台節目，大是大非前，通訊局居然答應無綫嘅無理要求，而政府又唔追收頻譜使用費，完全無視規章制度。講真，無綫而家放棄港台，我都一早放棄咗無綫好耐，睇港台都係用 app, podcast, Youtube 或 Facebook。不過無綫咁狗賊，大家而家最能簡單執行嘅任務，係要抵制佢哋嘅廣告商。

我建議大家跟足咁樣做：

一，關注「 抵制tvb戰線 - 杯葛廣告商 」（http://facebook.com/sayno2tvb/）

二，設定該專頁為 See First 搶先看。

三，每天等待「抵制任務」（派嬲任務）。

四，如果出現「支持任務」（派心派like任務），也要去做。

（有位讀者 Lucretia 話：「喜歡打機的朋友，不妨考慮下呢個咁有意義的新game！」👍👍👍）

記住要堅持做，咁先有效果。我每次見到該專頁嘅編輯發佈任務，都會去跟，好似打機，當遊戲咁，日日去完成任務。

好似之前日本 Choya 梅酒，喺無綫賣廣告，被網民派嬲，派到去日本總公司嘅臉書專頁，然後對方發聲明，話香港嘅廣告公司，從來無同佢哋講過無綫嘅情況，並立即中止廣告。

任何一間香港嘅 PR 公司或廣告 agent，如果建議客戶喺 TVB 投放廣告，就只有一個結果，負評如潮。無一間 PR 公司願意承受咁嘅風險，除非佢真係好支持呢個電視台。

無綫 2018 年上半年賺 2 億，全年蝕 2 億，即係下半年淨蝕 4 億。

大家一定要繼續努力，
因為，
可以努力嘅範圍，
已經越嚟越窄，
如果你都唔努力，
將來想努力時，
都無地方努力喇！

親眼睇住太多沃門人只睇TVB真係咩都唔知

#1103 #太古城中心 #恐怖襲擊 #連儂 #tvb #合集 #假 #sayno2tvb
手足有空去給我們評分去 謝謝
重開不夠一天又封頁了 下星期重開會 零流血 零暴力 測試下 其他內容會貼到
香港人反抗 群組去
由於文宣公海 經常被消失 想追蹤我哋專頁既
手足 可以先加 文宣公海2 當消失後會用後備出
Post感謝大家支持💪
https://www.facebook.com/文宣公海2-109942573753536/

😠要TVB悔改，請積極參與洗版！

根據 全民罷買日 Bye Buy Day HK 可靠線人報料，TVB廣告收入已經跌近4️⃣0️⃣% (http://bit.ly/2MCdRMp) 🥳
廣告界話你知，Facebook洗版真係work ga，因為意見直達天庭🤩
請唔好吝嗇每日幾秒做任務，我哋贏緊嫁喇，一齊贏落去好唔好？😭
*

小編6月底開始搞抵制TVB廣告商行動，好彩當時得到一位廣告界手足喺連登鼓勵，寫咗篇文教路，有時間一定要睇呀～
👇🏻👇🏻👇🏻👇🏻👇🏻

【[恥與為伍] 抵制CCTVB假新聞教學—如何和廣告商有效溝通Q&A】(節錄)
❓=Question, 🗣= Answer
*

❓【點解我要寫呢篇野】
🗣繼警察係警總自制事件抹黑市民，CCTVB向大眾報道官方片面之詞，無任何媒體道德。今日睇完徐緣講班無人性的奶鞋深藍X，竟然拍片分化香港的父母和子女，呼籲業界出來一齊做鍵盤戰士。宜家我地市民係輿論戰略上已經輸到XX，到左呢個關乎道德的捍衛關口，我決定打呢一篇出來響應。

本人做左多年記者同marketing的經驗，想話俾大家聽其實已經行緊正確方向，只係目前大家正在用的手法，係寫一萬年都無用的，希望大家可以了解多d個行業運作，所以另開呢個POST，令大家真正有效促使廣告商明白係CCTVB呢D惡質媒體落廣告係對品牌有負面影響。
*

❓【點解[恥與為伍]其實有效】
🗣我覺得效法梁振英呢招實在十分聰明，雖然梁伯有版你睇係毫無成效，但是其實做過記者的朋友大家都知道，新聞部係駛錢的部門，SALES部門先係養全家的部門，所以一般來講SALES部門係惡哂的。除非係黎瑞剛出面保袁花，如果唔係，係廣告商因為新聞部門而抽廣告的情況，廣告SALES份花紅奶左野，肯肯定鞭到袁花真係開花。就算係政治考慮而保人，都足以打擊CCTVB呢種惡德媒體
*

❓【點解梁伯玩唔死蘋果】
🗣.因為梁伯唔係做MARKETING，佢一路都諗住D粉絲會罷買，但所謂罷買真係哂鳩氣。因為對一個MARKETING人來講，罷買係難以量化，而且係可以輕鬆賴返去「市場環境影響身上」，從而唔駛揹鑊。而且罷買到可以影響10%營業額先好拎出黎講啦。
*

❓【憑乜野令廣告商抽廣告?】
🗣每一個品牌是好現實的，唔涉及自身利益，都唔會抽廣告;而抽廣告對MARKETING人來講，即係自己落廣告的平台有問題，係會揹鑊的。所以要佢地抽廣告，一定要令佢地知道唔抽廣告會好大鑊。

因此我要重申一點，必須轟炸該廣告品牌的社交媒體平台，而且係火雞姐式持久轟炸!!!因為每個品牌的社交媒體平台的FOLLOWER數，都係真金白銀燒錢燒出來的，可能100萬都燒唔到2、3萬FANS返來，所以第一重點，一定係UNFOLLOW，因為最容易量化。而且大牌子九成九D小編都係外判俾人做，佢交REPORT果時會相當肉酸

雖然唔係人人UNFOLLOW到，但留言同嬲嬲唔駛我教啦，香港D品牌PAGE好多都無存在感，你整500隻嬲PER POST俾小編真係嚇到尻縮。留言一定講到品牌形象受損呢點:「CCTVB報假新聞欺騙觀眾，令我地呢班讀者好失望，XXX品牌你既然落佢廣告，即係大家唔係同路人，唔想做我地生意。」INHOUSE收到REPORT之後就會知奶野，亦有大條道理抽廣告
*

❓【點解要持久轟炸?點解要令廣告商知道品牌形象受損?】
🗣.因為短時間可以冷處理，一兩星期內如果所有FEED都被炸，除非佢諗住摺左個FB，否則點都無得唔理你。最仲要就係MARKETING人係呢種採購廣告渠道的情況下品牌形象受損，係唔駛幫TVB捱義氣的，因為可以向AGENCY及廣告渠道索償，就算唔回水，都可能要補廣告鐘數
*

❓【究竟乜野品牌最易同TVB割蓆?點樣先最聚焦係新聞部問題?】
🗣有好多巴打都已經講過，我好認同係有以下特質的品牌，並加多D:
1.D廣告出現6點半新聞時段前後&晚間新聞前後的
2.主要顧客係80-00後市場，著力年輕化宣傳的品牌，不想與年輕顧客為敵
3.非壟斷性地位，市場有多個競爭對手，容易被取代
4.中資背景，因為崩口人忌崩口碗，會嚴重影響本地化成效
*

原文：https://lihkg.com/thread/1254834/page/1

－－－－－－－
👁 更多: TVB廣告客戶名單
http://bit.ly/2JSJaQK

🏃🏻‍♂👉請即follow:
Facebook: #sayno2tvb
Instagram: @sayno2tvb
TG 頻道: https://t.me/sayno2tvb