關於 online check-in cx ，我們在網路上蒐集到這些相關的討論、資訊與評價

【近水樓台免費套餐+點樣去❓】
🎯AE CX Elite新優惠詳情：MrMiles.hk/plaza-premium/
⭐️AE CX Elite卡：MrMiles.hk/ae-cx-elite

先前都有提過Plaza Premium Arrivals就快要收檔（最新update為開到11月4日)，落機之後少咗個lounge可以hea陣。AE CX Elite嘅近水樓台新優惠幫到你。啱啱去完「近水樓台」食佢個AE CX Elite套餐同埋HSBC Business credit card個二人套餐。個人覺得餐廳係幾有誠意，有點心有湯有小菜有甜品有茶，絕對稱得上係proper meal。

AE CX Elite套餐幾句短評：
1️⃣湯品：我點咗酸辣湯，小失望。我覺得粟米湯應該會好啲
2️⃣點心：有春卷，燒賣同小籠包。正常我收貨
3️⃣小菜：我食咗個牛仔粒，堅好食。夠軟身有牛味。推薦
4️⃣甜品：經常會轉，我果個係椰汁榚。普通

見好多朋友都唔知點去，我影咗幾張相劃咗箭咀，希望幫到你。如離境：記得呢間野係未過security，攞完登機証或online check in完可以拎埋張卡去。如抵港：keep返張boarding pass，落咗機可以去。

同場加映HSBC Business credit card個二人套餐。呢張卡無小炒食但多咗個炒飯。如果持卡人兩張卡都有可以同時使用。本身呢張卡開HSBC公司戶口時一次過攞埋。

《「賺盡」都唔好去到太盡》
　
星期日一事令我耿耿於懷，是咁的...
　
星期日我BOOK左4點剪頭髮加電頭髮，salon係朋友介紹，冇指定髮型師。4點去到，情境如下：
　
●　髮型師A 同我講好價錢同款式，叫我等等。
●　此時，髮型師A同翠華伙計落單一樣，高速用圓櫈滑行，正剪緊男人B個頭，再跣去剪兩剪我左手邊長髮女人C個頭，長髮女人C 要染頭，佢睇緊色版揀緊色。
●　我右手邊女人D，佢頭頂出哂煙架機啱啱停左，女人D個頭用保鮮紙包住，等緊髮型師A。
●　教育電視mode：咁髮型師A到底同時剪緊幾多個人個頭呢？連埋我，4個！！！
----------------------------------------------------
　
5點，等左一個鐘...
●　男人B終於剪完，埋緊單。
●　長髮女人C坐到冇哂癮。
●　保鮮紙包頭女人D，頭已包一個鐘，我想像到，佢個頭同我去韓國學醃泡菜嘅感覺應該差唔多，依然等緊救星開封。
●　我揭左一個鐘salon 過期八婆雜誌，除左著左佢件黑色衫，一條毛都冇剪過。
　
於是，我起身話：「我想走唔剪啦，我想拎返個袋」。髮型師A 話：「我即刻剪你啦，好快，一個鐘搞掂」。個刻我呆左，因為長髮女人C同保鮮紙包頭女人D同時擰轉頭啤住我。最後我堅持話走，拎返個袋，好快就走左。
　
「賺盡」嘅做生意手段：
●　我BOOK4點，體諒你有客未剪完，等你半個鐘至一個鐘都OK，但我知男人B剪完都唔會輪到我。髮型師A想賺盡，明知有客BOOK左，照無上限接其他客。甚至為左避免客人不滿離場，洗濕左長髮女人C，同醃泡菜女人D個頭，「你都洗濕左個頭，走唔甩啦今鋪！」
　
●　我起身走，髮型師A 竟然話先剪我，完全當長髮女人C同醃泡菜女人D死嘅，何以平息「民忿」？
----------------------------------------------------
　
「係咁架啦，好出奇呀」thoery…
　
●　事後同朋友討論，朋友話：「間間都係咁架啦，BOOK左都喪等好正常，BOOK左唔係大哂，佢有客有錢賺唔通唔賺？」。BOOK 左都要等，BOOK來做乜？佢冇衡量接客能力，BOOK左都唔留個時間畀我。幾時開始，呢種「賺盡」嘅文化變成「正常」？
　
香港好怪，呢種「賺盡」嘅無品文化，已經變成「正常」遊戲規則。間間都係咁，所以大家妥協，大家麻木地接受不合理嘅對待，反而覺得唔妥協先唔正常。間間都係咁，等唔等於呢個「賺盡」嘅文化係啱呢？
　
又係「土地供應」嘅問題...
　
●　朋友話：「睇開Ｄ啦，而家Ｄ舖租好貴，佢唔接多Ｄ客，為唔到皮」，如果呢個先係個原因，我真係好傷心，香港地小本經營，為左個舖租，連做生意嘅道德都可以犧牲。
　
邊個發瀾渣，邊個先...　
　
今次我自動離場，拎袋走人，髮型師A 竟然話先剪我，冇視同樣等緊嘅長髮女人C同醃泡菜女人D，恰當嗎公平嗎？大環境習慣左，只要邊個發惡就應付邊個，唔再理會事情合理性。咁我明大陸女人去迪迪尼發瀾渣唔排隊點解有用，邊個發瀾渣，邊個先。呢個根本係惡性循環，以後大家都知點玩，一開波仲唔發瀾渣。
----------------------------------------------------
　
呢種「賺盡」文化，點只一家...
　
呢件事同航空公司「超賣」機票係同理，CX因為好多客訂左機票no show，於是就「超賣」機票，唔夠位就叫D 客坐下班機再賠錢。CX一貫嘅回應係，呼籲你online check in 先，真係冇位都會賠足錢，每間公司都會「超賣」。歸根究底，冇位又賣飛根本係唔合理嘅經營手法，而公司損失嘅並唔係對客人嘅賠償，而係客人對公司嘅誠信同口碑。
　
一個做空少嘅朋友同我講，邊個惡邊個Get到Attention，下次試下超賣Offload你，你報警包你上到機。亦有人話，只要你堅持，CX會畀你上機。
　
問題係，幾時開始，我地進行買賣交易，原來領取貨物同服務，除左要付出金錢，仲要發瀾渣同「堅持」？
----------------------------------------------------
　
PS. 朋友同我講，香港地係咁架啦，我地再唔可以要求合理嘅對待，而係喺種種嘅唔合理當中，「適度有為」地妥協同適應，令自己冇咁難受。
　
朋友話可以做嘅只有罷去呢間salon，下星期日，搵間salon，佢一開舖你就入去。回想起上次去日本前，叫一個識日文嘅朋友BOOK 日本salon，去到日本，我一到可以即刻同我剪，明明呢件事係冇咩特別，但我覺得好難能可貴。
　
聽到朋友咁講，腦中loop 返吳浩康個首《洗剪吹》，「如果不可改變面型，就換個新髮型，臨場那適應力，叫做年輕」。好啦，我認命啦，我接受現實啦，全港九新界都係咁架啦，下星期我倒屎塔咁早去剪頭髮啦。