關於 l佬 背景 ，我們在網路上蒐集到這些相關的討論、資訊與評價

［金基德回顧展：慾海慈航/援交天使/Samaria］實趕客，但話知佢，自己想寫

1. TLDR：你地邊個冇罪嘅，就搵石頭掟佢吧！留意「石頭」係套戲嘅重點之一。今晚大館仲有一場7:30，仲有飛賣。去睇吧，雖然網上你都搵得到足本重溫嘅。順手講埋我一路嘅核心信念：戲係要成套咁睇的，正如書係要成本咁睇，否則你永遠都學唔到嗰種神髓，呢啲嘢全部要「浸」出嚟。你去睇Youtube睇都可以15分鐘知晒啲劇情有人解埋，但點解我要走出去睇多次？我唔識用Youtube？電影，同多嘢一樣，個神韻唔係懶人包，唔係fact，唔係橋段重點，而係你要用心感受。

2. Medium版就有埋相咁咯（https://lkdin.io/3VYo）

簡介劇情
簡評
詳細分析劇情—第一幕
詳細分析劇情—第二幕
詳細分析劇情—第三幕
套戲攞獎好合理
石頭 as a metaphor
最後講講金基德

3. 是咁的，我冇工返都仲好忙，況且而家好多時三四點先起身。但為咗重睇呢套戲（以前睇過一次），我都仲係星期六爬起身，極速在樓下用3分鐘食完碟海南雞飯，然後走出去灣仔睇呢套戲。可見金基德有相當大吸引力。

4. 留意呢套戲2004年，剛剛好係佢中期嘅作品，開始成熟，亦都係呢年佢在歐洲攞獎聲名大噪。金基德未必係好計算嘅導演（邊個話商業片先要計算？），但事後睇返，你睇到好啱啲評審口味，攞獎合理之極。

5. 呢套我相信亦係佢最出名嘅兩套戲之一，另一套當然後後來嘅《聖殤》，後期作品，隱居三年後復出嘅顛峰之作，亦係好啱評審口味，但我個人鍾意呢套《慾海慈航》多好多。

6. 兩套嘅共通點，都算係雅俗共賞，唔會好難明好古怪要好多演繹．兩套都畫到出晒腸，好適合文青用嚟示範咩叫「好電影」，有啲內容嘅電影（come on，唔係荷里活商業片嗰啲”message”．

簡介劇情

7. 順手一提，我覺得劇透係冇乜問題的，即使扭橋戲或推理劇都係。「好」嘅電影唔應該只係靠一條好橋，橋段人人有，但execution先難。好多戲知咗結局我都可以睇多次，即使係扭橋戲或推理劇，你都可以睇多次導演點佈局點誤導你點畀提示你。若果只係靠最尾一下扭橋，只係低手。

8. 講返，劇情不複雜，重要人物三個講晒。女一，女二，女一老豆。亦都係一個好典型嘅三幕劇（間場出埋title添，慌死你唔明，所以套戲唔難明）。

9. 第一幕：女一女二高中生，好友（兼戀人？），想儲錢去歐洲（我懷疑《過春天》就係抄佢，但當然爭好遠），於是女二下海，女一做中介人，女二全不覺得係苦差，但留意開場冇耐女二已經意外（？）跳樓死埋。

10. 第二幕：開始「金基德毀三觀」，女一明白女二苦心，繼承佢遺志，約返啲恩客出嚟，唔收錢仲畀返錢佢地！但然後畀老豆發現咗，老豆去搵返啲嫖客出嚟，打，鬧，殺。

第三幕：當年第一次睇覺得呢部份戲味爭啲，而家睇返發現呢部份先最重要！兩父女返鄉下，拜死鬼老母，最後都係冇開口講。老豆自首，完。

簡評

11. 之前睇過金基德早期啲嘅《收件人不明/打回頭的情書》，我有講話睇到仲係幾幼嫰，太多狗血（甚至有真狗血！），枝節多。去到呢套《慾海慈航》，就真係斬走晒啲無謂嘢，冇乜邊部份係多餘嘅。正如米開蘭基羅話頭，只係將唔屬於大衞像嘅嘢拎走，呢套《慾海慈航》真係做到去蕪存菁

12. 援交電影，我睇咗嘅都幾十套，拍埋你就睇到分野。金基德做到「不落俗套」。何謂俗套？正如啲人講，十分「TVB」嘅對白同情節，唔好笑，好多荷里活片港產片都係咁。金基德唔係獵奇，唔係賣弄色情（至少呢套唔係），甚至唔係探討社會問題（至少呢套冇乜），講嘅始終係佢最擅長嘅：人性，慾望，救贖，宗教，倫理，道德。

詳細分析劇情—第一幕

13. 角色同情節設定，都係相當精彩。固然你諗真啲，有啲劇情犯駁，唔合理，只係為咗推進故事，但瑕不掩瑜。

14. 先講女二，背景資料極少，屋企人或其他嘢完全冇提。套戲講到好白，一開頭女二已經講印度傳說有個妓女叫Vasumitra（亦係第一幕嘅名），男人同佢搞完就變虔誠佛教徒。女一話，咁都得？女二話，係呀，男人搞嘢時就好似嬰兒咁，渴望母親關愛，佢話由今日開始自己就係Vasumitra。講到明晒。

15. 留意兩個女仔都係新人（低成本嘛，況且演高中生），選角做得非常好，或者話導演指引得好。你見女二，就真係一個菩薩樣，慈祥咁笑住下海，普渡眾生，十分開心。雖然之前冇性經験，但對啲嫖客十分感恩，大家一齊分享人生，佢覺得自己做緊好嘅事，又有錢收可以實現去歐遊嘅夢想，做自己鍾意做嘅嘢，不知幾開心。

16. 呢度嘅對比，就係女一。女一家庭背景我地知道，喪母，老豆做警察，點睇都係慈父唔係獸父，日日車佢返學，冇虐待冇性侵，亦唔算過度管束，屋企環境亦唔差。對女一嚟講，性係污糟嘅（佢每次都要幫女二沖涼），啲男人係仆街嘅，只係佢實現去歐洲嘅手段，佢完全唔明女二做乜可以樂在其中，同啲嫖客分享人生，甚至叫埋一齊食飯，甚至鍾意埋個嫖客。但同時間，佢又只係坐享其成做中介人，從來唔會自己落場，只係自己好友女二去畀人搞，呢度你見到女一嘅虛偽。留意下女一嘅高傲，同女二一臉慈祥嘅對比。

17. 然後劇情發展落去，雖然劇情唔多合理，但你都知女二一定要死的，否則冇戲做。女二臨死前都想見返恩客，呀女一去搵恩客，恩客仲要叫女一畀佢上埋先制（初夜添喎）！真係十分之咁仆街抵死嘅橋段。呢套戲入面啲男人真係全部都面目可憎的。

18. 但當然，女二見唔到恩客就斷咗氣，去到呢度可以十分TVB。但呢套戲就安排女二絶對係含笑而終，菩薩聖母呀喂！女一完全唔明白。

詳細分析劇情—第二幕

19. 去到第二幕，更加離奇，但金基德並冇拍到獵奇（留意啲性交易嘅場面極少）。女一原本諗住燒咗本數薄，同埋啲錢，忘記過去。但佢諗返女二慈祥嘅遺容，忽然明白咗啲乜。呢度真係絶，但又唔令你覺得突兀。

20. 於是乎，女一就由一個原本覺得性交易好低賤嘅中產女仔，變成「菩薩二號」，約返晒啲舊客出嚟，同佢地做，甚至還返錢畀佢地！嫖客就固然係「仍難盡信我是這樣地無窮好運」，但亦都有拍到啲嫖客話終生都會幫佢地祈禱。於是乎女一就慢慢體會到女二嘅「使命」，繼承女二嘅遺志，嘩，生命影響生命呀，堅！不過我個人理解，與其話女一真係變成「菩薩二號」，我覺得佢係只係為咗故友/戀人。證據？佢原本應該係諗住約返晒數薄上面嘅人，就唔再做落去。

詳細分析劇情—第三幕

21. 你以為套戲拍性交易？唔係，去到呢度已經再冇性交易場面乜滯。然後就去到第三幕，冇錯係十分TVB的，差佬老豆嘢，在對面時鐘酒店望到自己個女（唔止，後來仲要 女一掉低數薄在草地畀佢執到，但成套戲拍得好你可以原諒呢啲嘢）。

22. 當然就係又迷惘又憤怒，「天呀我做錯乜點解你要咁對我由細到大我有乜冇比你？」（幸好都未咁TVB，冇呢啲對白，都話戲劇小說第一法則：show, don’t tell）．但佢始終十分愛個女，甚至冇當面踢爆（呢啲先符合東亞家庭倫理嘛），結果佢就將啲憤怒發泄在啲嫖客身上

23. 打後，就係見到佢變身正義使者，自己去執法，羞辱甚至打啲嫖客，甚至殺埋人。但你以為變成復仇電影？又唔係喎。 （呢類「你以為乜乜乜，又唔係」係金基德電影嘅特色之一，你可以話佢善於玩弄啲觀眾，其實係嘲笑啲俗套橋段）

24. 睇到呢度其實係乜？就係孤星淚（都係差佬添）。一路落去，老豆越嚟越迷失，到底自己係in what position，去判斷個女做嘅嘢啱定錯？去判斷啲嫖客啱定錯？呢個社會嘅道德係乜？自己細由到大學嘅嘢係咪錯　—呢個先係套戲嘅主題！

25. 所以，就有咗最後返鄉下嘅一幕，先係全套戲同其他俗套戲唔同嘅地方。留意並唔係返到去大家BBQ（有蕃薯！）四四六六講晒，最後大家都冇講出口。但，十分巧妙地，老豆知道個女其實已經長大，自己唔應該再指指點點，錯嘅可能係自己嘅價值觀。最後自首，獲得心靈嘅救贖。嘩。咪就係孤星淚！

套戲攞獎好合理

26. 頭先提過，套戲計算相當準確。留意返套戲2004年，互聯網大盛（但未有Facebook），「韓流」亦都成型，明顯地外國人好有興趣知韓國社會嘅嘢，何況學生妹援交係全球現象。金基德聰明在加入埋啲宗教隱喻，最後孤星淚式嘅劇情，仲有「石頭」嘅比喻（下一段講），呢啲都係歐洲評審會睇得明嘅嘢。加上套戲拍韓國女仔，但又好聰明咁冇賣弄色情或胴體，啱晒啲歐洲假道學鹹濕阿叔（我話嘅）。

石頭 as a metaphor

27. 扮文青嘅話，就必要要講「石頭」。呢個「你地邊個冇罪嘅，就搵石頭掟佢吧！」嘅比喻太明顯。另外留意，真正嘅石頭，在套戲入面至少仲出現咗三次。

28. 首先，女一老豆去阻止啲嫖客車震，就真係在遠處掟石（都話慌死你唔明！）。另外，亦有一幕見到佢原本想用石頭打死個嫖客，最後亦有一個真係咁做。

29. 但更重重要係去到尾段，神來之筆。兩父女回鄉祭亡母，中途老豆架車畀石頭頂住，開唔到車，搞唔掂，索性瞓著（冇錯，唔多合理嘅情節）。點知個女自己落車去搞，移開咗啲石頭。老豆醒返，發現，得喎，開到車了。正係呢幕，就係交代「個女已經畀你想像中懂事，你唔好再阻住地球轉」

30. 然後去到最後，以車為喻，老豆教個女開車，亦都係用畫好嘅石頭（！）舖條路畀佢開。亦都慌死你唔明，一語雙關講到白：「之後嘅路就你自己走落去啦」，然後去咗自首。遠處嘅女一想開車過嚟，但又畀泥阻住，但大家知道，個喻意就係以後嘅落佢自己走落去。

最後講講金基德

31. 最後講一講金基德，因為我都唔打算再寫多篇《聖殤》。點講呢？正如我舊文寫，金基德亦係屬於好「型」嘅嗰種創作者，係一個「作者風格」好強嘅導演，或者話，有嗰種「以文章做為戰鬥武器」嘅精神。即係你可以好討厭佢，但你好難忽視佢在。

32. 金基德此人，就已經係一個傳奇。相信都唔少人知，首先佢冇乜點讀過書，甚至係初中都未讀完，亦係真正嘅窮人家庭出身。所以你見其實佢拍好多低下階層嘅嘢（但呢套冇），亦都拍工業，拍宗教，全部係佢成長嘅寫照（所以《聖殤》係佢代表作，三樣有齊）。我亦都肯定，佢影響咗無數後來嘅導演。

33. 金基德嘅電影，真係「作者風」，就係賣佢一個，探討人性。後期啲戲有啲有明星，但反而有明星嘅戲唔得。佢都係要玩育成，演員任佢舞先得。

34. 除咗主題，佢嘅戲仲有一個好大嘅特色：平，同埋快。度劇本可能耐，但拍係極快，早年試過一日（！）拍完。即使係拎獎無數嘅《聖殤》，都係十日搞掂，聽聞用咗七十萬港紙咋。留意拍《聖殤》時佢已經係國際名導，大把資源，但都係咁搞掂，你嗰啲日夜話冇資源冇時間冇錢嘅，真係應該慚愧。拍戲係可以好平嘅。

35. 最後，少不免講佢嘅私德。咁其實都死撚埋，你鍾意咪去拉脫維亞或者韓國堀佢出嚟鞭屍。不過在我嚟講呢個不值得討論，我認為作品成就同個人，係完全分開嘅。頂多你可以話佢完全侮辱咗「大師」呢兩個字，但不能影響你對佢作品嘅評價。照計好簡單嘅邏輯啫，你未知佢啲衰嘢時，明明就話啲戲好好睇。咁點可能到你知咗佢啲嘢，就變得唔好睇？

36. 有朋友仲講笑，話會唔會會場有一大班女權L示威。事實？我見到好多青春少艾睇，幾靚的說。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

《 得罪人系列又來了：騙徒手法層出不窮 》🧨💸💸

近日有點一言難盡的煩瑣家事，和友聊起兩年前曾發現「疑似假護膚品騙局」，一直以為已寫過，原來無 （哈哈），在此分享一下提醒大家。

和某家美容公司合作試做醫美療程，第一次是PR A找我，體驗過程很好 （無論是療程效果或推薦文的free style任你點寫）。據說feedback不錯 （ 🧎🏻‍♀️下跪感謝大家），因此在PR A離職後，PR B再找我合作另一療程。

療程後美容師幫我塗上防曬用品，質地清爽透薄。美容師聊起這是近日賣得火熱的防曬產品，是🇬🇧英國品牌、物理防曬、防敏感、六個月以上嬰兒或孕婦均可使用、由皮膚科醫生推薦 （.......很完美是不是？），她也買了給寶寶用。我的防曬剛用完，因此離開時也入手一支 （ ＄600／50ml ）。美容師是我的讀者，還打趣說好用的話你可在「星期五的無聊小物分享」推薦啊。

由於打算和小丫共用，認真拿出說明書研究成份，竟發現說明書英文錯漏百出。但，某些入口產品香港代理會重新包裝（例如加入繁體中文說明），有可能只是代理誤找英文不好的人。

說明書內有網站 (現已沒了），某版面有堆金髮藍眼外國人拿著產品拍照推薦。去找這幾個外國人的IG，發現他們全數住在香港。

網站內有公司英國地址📮

打開google map查找，發現地址是一家英國連鎖診所叫York Medical Group （ 港台有些醫療集團有生產自家護膚品，但英美醫藥分家這情況較少見）。我打長途電話詢問，負責人說集團沒出產護膚品，從前也見過fb或ig有用戶拿著護膚品tag過他們地址，但內容是中文看不明白以為搞錯。

把以上情況告訴PR B。她最初聽後感事態嚴重，說會問問代理那邊拿取更多資料。

第二天她轉發一張品牌在英國註冊TRADEMARK的証書說我搞錯了，這真的是英國牌子。大佬呀，TRADEMARK係人都可註冊，只証明註冊了名的專利。

然後，PR再發給我「產品入口証明」（見圖），看到時驚嚇指數一億。那是去英國郵局寄小郵包時「報關」的貼紙 ，嗯，即是香港綠色的那張呢，隨手去郵局可拎一疊。HELLO? 你覺得這是出入口証明？！📦📦

叫PR B直接給公司的英國聯絡方法或地址，我親自了解。她說問了代理，英國那邊可能寫錯網站地址，晚點給我正確地址 。

💀來到這階段相信PR B已好想殺死我。她提過多次這兩張不是足夠証明嗎？（個性天真單純），如我對產品有懷疑她可直接退款。別傻了，我要的不是退款，我要查明防曬的真相 （握拳））。

及後她們再給一個英國地址📮

網上查看是英國辦公室，嗯，共享的，虛擬類別月租28磅 （現在要33磅），公司會給一個辦公室地址幫你收信聽電話，香港現在也流行啊。但，他們做事不認真又沒恆心，打去細問發現共享辦公室沒續租。給我的地址寫著三樓某室，人家的大樓只得一層。

🔍 用TRADEMARK資訊查到「真正的」註冊地址是香港一家在加連威老道的樓上小美容院 (不肯定現在是否還在），店主L小姐是註冊人。

🔍公司名叫Global Resource Network Limited，也在尖沙咀。但從香港註冊公司查證後該公司狀況是「已解散」（見圖）

🔍2018年幫她申請英國trademark的，則是一家叫Accolade IP Limited （卓遠）的知識產權公司，只要付＄5500便可申請十年英國trademark （卓遠在英國地址也是virtual 共享辦公室，但卓遠是合法正當經營，就是中介申請服務的一種）

L小姐的美容院當然有賣這「皮膚科醫生推薦的英國品牌」。除了防曬，還有面膜，近年賣得最火熱的是豐胸產品。

轉交以上調查資料後，PR B應感到本人煩膠到癲😂 開始說不清楚公司入手產品的過程 （簡稱「單野唔係我跟開」），把我轉給另一產品部經理。

產品部經理態度正常很多 （並非PR B那種禮貌地hea9me），說了解後會回覆我，如有問題產品會下架，也感謝我查証了這麼多 。

由於那次醫美療程是不錯的，我最後有寫分享 （但中間被PR B瘋狂要求改稿又乜又乜，要改的部分並非資訊錯誤，我堅持不改，這枝節與案情無關不多述，總之肯定已被黑名單）。

再，私下有聯絡那天的美容師讀者告訴她防曬產品可能有問題，不要再給小寶寶用。

+++

也順便說明一下護膚品市場的運作。

除了大牌，現在很多所謂醫學美容或clean beauty的小眾品牌 （主打純素／天然／沒動物測試）是以OEM的代工形式生產。

例如某兩個I字頭和s字頭的大牌，創辦者是香港人，產品在美國實驗室工廠代工生產 （有江湖傳聞說他倆用同一家廠）﹐formula由創辨人自行加加減減。他們也多數沒外國公司地址，但細問一定有詳細實質出入口証明或美國公司資訊查証，絕不會隨便找別人的診所扮成公司地址。

OEM產品不一定不好，就視乎用哪家工廠和原材料。當然有害群之馬只用了1％的瑞士原材料，其他內地貨再亂找內地黑心工廠廉價代工再包裝成「瑞士美容品牌」，在美容業界朋友口中聽不少這種奇怪事。

老老實實從前飛日韓也會貪得意買些一百幾十蚊的面膜仔粗用，我不會誇張到每用一樣東西也尋找他鄉去找公司背景和研究成份。

🧸 但，這產品說明是幼兒和孕婦可用，如果是黑心產品，影響可大可小 （市面有些某些產品就曾驗出類固醇或激素）。

他們說是「皮膚科醫生推薦」，哪位醫生推薦呢？！無講囉，這已是違反商品說明條例 （ 有趣的是發現有醫療集團在賣，致電向醫生查詢再分享疑惑後他們才下架 ）。

再說，醫美療程是我推薦的，雖說沒推薦產品，但如美容師說「ah-yo也買了這給小丫用啊」，大家爭相搶購 （誇飾手法～）但原來產品有問題，我也有一點點的責任嘛 （淚）。

事情的後續是醫美公司經理說會回覆，等了數月也又不了了之。

📝 我同時報了消委會但作用不大，情況是用後敏感、爛臉才能作出投訴或退款 （對方答應退款，但我不要）。這產品只得我投訴過，証明大家不看說明書，更有某些媽媽KOL推薦。

也報過海關，對方說產品用假地址肯定有問題，但很難証明是否「英國製造」，始終現在很多oem產品。2019年我也好忙，沒去再追問醫美公司是否把產品下架。

++

數月前經過那家醫美公司時想起這事，好奇去望望他們還有在賣這品牌嗎？

仍有呀 （暈倒）。轉了新包裝、產地有美國／法國，但寫invention UK ( invented in UK／UK invention啊），跟員工說這牌子好像有問題，他們一臉黑人問號 （唉）。

更奇趣的是PR B事隔兩年後完全忘了我是那位偵探ah-yo （誰叫我不紅），前排竟像「初次見面」般詢問有沒有興趣試做他們的醫美 （再次暈倒），當然拒絕了。

🩸我發誓平日選合作公司超小心，有些美容院網上讀到太多負評或硬銷也一定拒絕；這家醫美公司療程不錯的，但報告產品有問題仍是隨性處理，心中已扣晒分 byebye（但重申：療程不錯的，可惜啊。。。。）

這事告誡自己要更慎選醫美公司、網上購買什麼也不要人云亦云別人說好就衝 （女生常見之毛病）。疫情關係已很少上美容院 （ 都無開 ），如心水清少少也會發現我這兩年來來回回只去某家S字頭的醫美店，看細節位表示很可靠 （賣的產品都正常），近日做了個療程，找天分享。

💥醫美公司的名就不透露了，始終有合作過，除了這產品事件外，整體經驗不錯的。

💥那個疑似有問題的牌子，叫：

Dr. mXX Cxxxxxxxxxx

牌子近日火紅的產品是豐胸膏。那位「現已投身保險界的打拳KOL大律師」的日本漂亮女友曾推薦過，影片中更是大律師幫她搽豐胸膏的啊。好奇的話自己去找吧。

人微言輕的我上次也沒做到什麼伸張正義 （都叫你退款啊你又不退），海關上次跟我說，你查完後他們花幾千蚊註冊另一家公司另一個trademark換個包裝又捲土重來的。

只能說香港美容產品監管很寛鬆，大家日常購物也小心啊🌸

【創業隨想】 創業有冇需要講粗口？ 呢個唔係笑話，而係一個嚴肅嘅問題

我發覺其實喺有啲情況之下，創業係有需要講粗口嘅。因為當你創業，你就冇一層又一層嘅下屬去保護你。好多嘢都需要自己親自出馬打頭陣，你遇到嘅可能係斯文人，亦都可能會遇到粗鄙嘅人。而粗鄙嘅人，基於自己嘅無知，好多時會覺得你係斯文人就係好恰，搵你笨拙

點樣handle唔同嘅人，絕對係一種高深嘅技巧。今日就同大家分享點樣handle一啲粗鄙嘅人先

先利申：
我冇講粗口已經好一段日子，因為我而家接觸嘅絕大多數都係斯文人，但對於講粗口，亦有相當嘅實戰經驗。而喺我冇講粗口嘅日子，我發覺我畀唔識我嘅人搵笨拙嘅機會的而且確係高咗嘅。我唔怕嗌交，只不過與其用精力時間去嗌交，倒不如慳番啖氣，諗下點樣去發展自己嘅事業

另一個要寫呢篇文章嘅原因係，我發覺近年香港男女老幼講粗口嘅比例真係多咗好多，但係大部分講粗口嘅人士都係為講而講，聽落特別難聽

＊入門級粗口＊
我喺街上面聽到大部分人，特別係入世未深嘅人，講嘅粗口都只不過係入門級粗口。掌握唔到粗口嘅神韻，唔能夠配合語境，就好似食薯條點豉油咁樣，一啲都唔夾

入門級嘅粗口有好多，例子如下：
「我好L攰」、「呢件衫好L貴」、「__你老母，咁on9嘅事你都會做嘅？!」

入門級粗口嘅特色就係，完全唔能夠用聲調、表情或者身體動作，將語境同埋粗口字融為一體，畀人嘅感覺係為講而講，甚至乎係因為淆底先至講

情況就好似一隻細小嘅生物受到威脅或者感到驚慌嘅時候， ，會豎起自己嘅毛，令自己顯得大隻啲一樣。實質上嘅戰鬥力並冇提升到

*進階級粗口*
當你喺社會打滾一段日子，接觸過唔同類別嘅人，遣詞用語掌握得到嘅時候，運用粗口可以對於另一啲都鍾意講粗口嘅人加強感染力

例子一（要求供貨商換貨）：

如果你買咗一件貨，覺得件貨有瑕疵，並且懷疑件貨仲有一啲你發覺唔到嘅瑕疵的話，你可以揸住件貨，氣定神閑，用教誨嘅語氣，同供貨商講：

「你係L唔係呀...」

咁樣問嘅目的係提出一條open question，等供貨商知道自己蝕卓而自招

喺呢種語境同埋語氣底下，對方係會收到「坦白從寬」呢個訊息，即使有不滿亦不傷長遠關係

換轉另一個情況，呢件貨有明顯嘅缺憾，而你又把握到成件事，覺得反面亦冇損失嘅話，你就可以用冇尾音嘅說話，強調重音嘅語氣去講：

「喂！你係L唔係呀！」

當你咁樣講，對方通常都會予以否定以保護自己，例如回應：「乜L嘢係唔係呀？！」

既然對方唔招認，你就要問多一條open question，並且暗示你會將佢嘅劣行公諸於世，呢個時候你就要以扯高腔調嘅口氣同佢講：

「件貨乜 L嘢事心L照啦！你老味唔係要我爆9你響口呀？！」

要注意！ 呢一度係講「你老味」， 而唔係「__你老味」， 更加唔係「__你老母」

因為「__你老味」 帶有好強嘅人身攻擊成份，個討論隨時會變成對事不對人。Positional bargaining 不利會談，甚至引發成冇意義嘅罵戰，浪費自己嘅時間

而如果你講「__你老母」 呢？咁你就真係蝕卓嘞。因為供貨商隨時會將呢件事化成口舌之爭，從而淡化或者推卸自己對於貨品有瑕疵嘅責任。例如佢可以咁樣回應：

「而家乜嘢事呀，使唔使__老母呀？！」

雖然呢個人平時未必係一個孝順仔，但聽到你問候佢老母，佢一定會孝子上身，叫你道歉。咁你到時就霸氣盡失，件貨有瑕疵件事亦都好容易不了了之

例子二（工人工作不盡力）：

如果你好直接咁樣話工人偷懶，佢哋係唔驚你嘅。因為「好佬怕爛佬」，佢爛過你就自然以為自己可以惡過你

雖然呢種諗法係源於不知道天高地厚，但而家嘅首要工作係令到工人做嘢，與其教育佢哋地厚天高，倒不如一開口就食硬佢，慳返啲時間

例如你可以大大聲用高高在上嘅語氣講：

「__那星你琴晚同條女__嘢__天光呀？ 做嘢冇奶力嘅？」

注意嘅地方係，你係講「__那星」，而唔係「__你老母」， 唔會畀機會佢孝順仔上身而反你枱

如果你想講嘢嘅力量強一啲嘅話，你可以將「__那星」 改為「__你老味」， 輕微提升衝擊性

一個要注意嘅地方係，呢句說話係褒貶混合嘅，即係__中有讚，讚中有__

點解呢？ 因為你係假設佢同一個異性進行房事直至天光，突顯咗佢擁有異性呢一件事。喺生物邏輯層角度，有異性代表有地位。而且可以搞到天光，其實係暗讚佢體魄強健

所以當呢一位工人聽到呢一句褒貶混合嘅說話，通常都會轉唔切，唔識點反駁，就唯有乖乖咁聽你講落力做嘢

例子三（不怒而威）：
喺員工面前顯示憤怒，會傷及大家長遠嘅關係。最好嘅做法就係顯示你能夠大大力咁樣__人， 只不過因為佢係你嘅自己人，所以你先唔__佢

你可以睇報紙或者日常生活遇到唔滿意嘅事，就加插啲「__佢老母！」嘅評語

由於你問候嘅係一個唔存在或者唔在場嘅第三者，你__「佢」老母都唔會得罪任何人，但就足以顯示出你有必要嘅時候係可以__人哋老母的

例子四（建立親和力／同聲同氣）：

無可否認，對於某一啲人，如果你講嘢斯斯文文一句粗口都唔講嘅話，佢就會主觀咁認為你唔知道前線嘅辛酸，覺得你著西裝打呔就係日日喺冷氣房嘆冷氣

要令其他人幫你，你首先要學識佢嘅語言

所以你可以喺閒談之中加插一啲冇攻擊性嘅粗口，主要係幽默式嘅自嘲，拉近大家關係，例如：

「琴日貪方便笨L7咗，喺超級市場買啤酒添，佢老闆原來今日大減價！」

呢句說話有好多含義嘅：
第一，笨L7係一個自嘲，顯得自己都係一個活生生嘅人，唔係冷血無情嘅管理層

第二，你飲嘅係大多數人都飲嘅啤酒，而唔係路易十四。咁樣做會顯得你同大家品味相投

第三， 大部分嘅打工仔都係鍾意__9啲大老闆嘅，你話「佢老闆」可以帶來親切感

好啦，舉咗咁多個例子，不如同大家分享一啲研究生級嘅粗口

*研究生級粗口*

研究生級嘅粗口，係要喺粗口之間隱含一啲寓意，帶來反思，或者令人會心微笑

例子一（鼓勵下屬要有責任感）
例如你想話以前帶過一個下屬好懶，希望而家嘅下屬唔好學佢咁懶嘅話，你可以講：

「以前帶過個工人，佢就真係 關人9打韆鞦 嘅，夠鐘就乜都唔理即刻換衫收工」

關人9打韆鞦，好具體咁樣勾起咗大家童年時候打韆鞦嘅暢快感覺，令大家會心微笑

例子二（強調醒目嘅重要性）
例如你想講有一啲人好懵閉閉(但係又冇破壞性嘅)，而想佢醒目啲呢？ 你就可以講：

「條友真係 7L懵懵食甜筒，幫下手醒少少都唔得」

同樣地，揸住支甜筒，個樣確實又真係冇攻擊性得嚟又天真無知嘅

例子三（開解畀人鬧錯嘅下屬）

有啲人鍾意鬧人，如果你有下屬俾其他人鬧錯咗，鬱鬱不歡，你可以咁樣開解佢：

「條友又正一係豬賓__嚟嘅，係又__唔係又__」

呢句說話要補充少少背景資料，話說豬打種嘅時候係用機器嘅，而隻豬公又冇乜腦，分唔到佢搞緊豬乸定係搞緊機器。所以豬賓__ 就係比喻嗰啲係又__唔係又__嘅人

呢個比喻，我第一次聽嘅時候都忍唔住笑咗

戴返頭盔先：
如果大家睇到呢度仲睇緊嘅話，可能會覺得喺創業嘅時候無論係處理其他 counterparts或者下屬都需要講粗口。大家可能問：「半宅職薯，咁你係咪認為我要講多啲粗口？」

喺呢度我帶返頭盔先，我自己而家已經唔鍾意講粗口，因為除咗字眼之外，我掌握到善用語境、身體語言、語氣，同埋提出反問句嘅技巧，喺唔需要講粗口嘅情況之下亦都可以達到講粗口嘅效果

我唔否定粗口喺某啲場合對某啲人有某啲功能，但亦都唔贊同佢嘅缺點。所以大家如果要學嘅話，其實可以選擇直接學更高階嘅修辭用語技巧，跳過粗口呢一part佢

至於點學更加高階嘅修辭用語技巧呢？的而且確係有啲難度嘅。 我遲啲再同大家分享

圖片：上網隨便搵