//支持本Page繼續營運，請加入成為Patreon付費會員！//
講真見倒林忌同世柒割席，有番啲網齡嘅人都應該感到唏噓。當日佢兩個沙煲兄弟齊齊為飯民護航，班左膠成日「甲澤」、「甲澤」咁稱呼佢地兩個都絲毫不以為意；
點知今日林忌竟然用「我都無見佢四五年啦」為理由，拒絕再認世七係知心Friend──喂大佬，今時今日呢個資訊時代，乜仲係知心朋友與否，係用無見幾耐黎做定義架咩？
同埋做得朋友，莫講話無論對方幾咁折墮都應該要照撐；退一萬步，就當真係無以前咁Friend，最少響對方落難果陣，做倒不割席，等件事過咗先算丫。早唔割晚唔割，係要去到一沉百踩呢個時刻先去割，肉酸之餘，亦足見呢啲人嘅人格有幾高尚。
掉番轉，講番我自己，正正因為我有太多仇家襯家，反而最顧忌嘅係累倒朋友。所以可能大家都會知道我有幾位KOL（佢地就真係KOL，唔似XXXX果啲KOF）都真係幾Friend，但為免連累倒佢地，我響度都盡量唔Share佢地啲Post──唔係想撇清關係，只係唔想比我啲仇家又多個藉口將我地拉埋一齊，多咗一種攻擊佢地嘅藉口。
響度都唔怕講埋，甚至一啲我唔係好熟但其實相當欣賞，又係怕連累倒佢地嘅KOL例如健吾同Nic Chung，我都真係會仔細確認番提佢地會唔會有咩負面影響，又或者經已被屈但又應該唔會太介意嘅情況下，先至敢提佢地個名或者Share佢地嘅Post──對於我重視嘅人，我就係會咁撚小心。
相反，Share輔仁熱血癲狗啲Post我就真係全無壓力，因為真係唔熟，同埋人地咁大個牌頭食得起你班垃圾嘅老屈，咪屈囉！
跟住一如所料，林忌為咗想轉移世柒同佢作為知心好友嘅視線，又想拎我屋企人作為攻擊材料：即係拎呢樣嘢黎講，證明對我嘅論點佢地根本無法可駁，又或者我嘅所謂「投共證據」亦不過如此。先唔好講從來都無講過我呢一刻有無老婆、老婆係做乜（唔講當然亦因為我要保護我家人，反正就算我離婚乜乜七七你總會搵倒攻擊理由），就算我老婆係林鄭，我老豆老母全家都係黑警又如何？
你話我撐政府拎呢樣嘢黎做攻擊都合理，但我而家連「光復香港時代革命」都打埋出黎，每次抗爭都響最前線做自己嘢從來無同人搞小組合作，然後反而你想拎呢樣嘢黎抹黑我？講到尾都係因為我攻擊飯民踩親你班友條尾，卻又無辦法反駁攻擊飯民嘅理據之嘛！如果我講嘅嘢、做嘅嘢係有道理，無論係由我把口定林兆波把口講出黎，根本無分別。（內文有彩蛋，click入去就知）
