［有一個大漢叫十一哥］ Facebook 股價勁升，小朱身家就快去到1000億美金
TLDR：十一哥？身家十一個零咪十一哥。十一個零即係100 Billionaire，1000億美金。人類史上有三個，之前有件跌咗出榜。而家小朱應可以變第四個，兼坐穩。
話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀
1. 舊文都寫過（https://bit.ly/2PhgRyy 香港人好富貴—你身家係咩冧把？），彭博話齋，唔好再咩Millionaire Billionaire（當然係美金）咁分，因為入面以1000倍為起跳，覆蓋太多人，入面已經係一條好大嘅歧視鏈。同係Millionaire，一兩百萬美金嘅，真係窮中產，香港一層樓都唔止（供滿先計），普通打公仔，退休都未夠（去台灣慳慳地可能勉強夠）。但去到several hundred，幾億美金嘅，已經係唔使做，高等中產甚至入門富豪級。同樣地，一樣係Billionaire，明星呀球星呀嗰啲，當然係富有，絶對退休唔使做。但，唔係咩可以留名歷史（成就可以，身家唔會）。但去到100 Billionaire嘅，全世界得兩個人。亞馬遜光頭佬Jeff Bezos，微軟標基，就佢兩個。富可敵國，more money than God，真正改變世界。
2. Trillionaire？未有。而家最勁就係頭先嗰兩位，100-200 Billion。但當然計港紙就有。但WFC港紙？計韓won丫不如
3. 呢個亦係「十一會」嘅由來。個名我改嘅，但彭博篇文就係咁講。咪Exponential notation。而其實華人古已有之，你身家有幾多個零，就係咁簡單。咁我地數下啦，Million 一百萬， 6個零。Billion 十億，一千個 Million，6個零再加3個零，9個零。咁樓上兩位超級富豪，光頭佬同標基，100 Billion，就係11個零。咪就係十一哥。
4. 而十一哥，應該好快迎嚟新成員。呢個成員不能睇小，因為後生。正係小朱，Facebook 嘅小朱，Mark Zuckerberg．小朱屬鼠（唔通屬豬？），今年36歲。唏，我地唔好講啲「你36歲時做緊乜」之類咁掃興。
5. 真係的，年輕人，正面啲。小朱而家其實身家仲係10個零，但隨住Facebook業績強勁，股價一度創新高（https://fbook.cc/3DIk），佢身家一晚多咗70億美金（自己諗係乜概念），而家去到96 Billion，要上100 Billion，應該好快，分分鐘過兩日就得。Welcome to the club，十一會從此有三個成員。
6. 咁，邊個會係史上第一個Trillionaire，萬億富翁？其實尚遠，但我睇好小朱，次選光頭佬。
7. 而小朱最大嘅優勢，就係後生，「同埋夠仆街」。真的，第二富豪標基，早已經立心捐錢，「不過身家嘅速度升得快過佢捐錢，好煩惱」（佢真係咁講的！），咁要捐實捐到嘅（例如畀咁一半我）。佢會身家再升10倍，我估機會不太大。
8. 而家榜首嘅光頭佬，其實差不多2000億美金，升多5倍就得，應該唔難。而年紀其實先56歲，現今科技，加上有錢（邊個話你知錢買唔到健康嘅，叫佢去索馬里住返幾年先講），應該有排玩。留意此人一樣十分仆街，一毛不拔咁滯。但我之前都識過小富豪（十億八億港紙身家嗰啲啦），開頭都係極孤寒又mean，但去到某個年紀又變得唔係咁了。所以不排除光頭佬過多幾年良心發現，捐大錢。
9. 所以，雖然而家身家只係光頭佬一半，但我睇好小朱後發先至。年青人有嘅係青春。
10. 順手循例講下富豪榜後面嘅人（https://fbook.cc/3DIm）。首先係LV嘅Bernard Arnault，被小朱過頭帶離不少，跌落第四，LV今年股價又唔靚仔，分分鐘第四都保唔住。（＊）。
11. 第五嘅先係異軍突起，Mukesh Ambani，印度Reliance Industries大股東。之前寫文佢十大唔入，今年進帳好多。
12. 第六嘅畢菲特，今年唔爭氣，況且年紀唔細，唔再參加比賽了
13. 第七嘅，Steve Ballmer，睇NBA會識，快艇班主。但點解有錢？因為係微軟前CEO，微軟得史上得三個CEO，標基，此人，同埋現任嗰位。Steve Ballmer任內股價唔掂，佢一走股價即升。但唔緊要，佢好早識標基，標基最初畀好多股票佢，佢仲拎住4%。微軟而家係間16000億美金嘅公司
14. 第八九，Google嘅Larry Page同Sergey Brin，大股東兼創辦人。唔使解。
15. 第十，Steve Jobs死後嘅邪教教主Elon Musk，你睇今年Tesla股價幾勁就知。佢一年身家升咗幾倍。
16. 馬雲馬化騰李嘉誠之類？唔入十大喎，廿大都就快冇。
（＊）其實Bernard Arnault舊年入過十一會，不過坐得唔耐，而家似乎要等一排先入得返。
————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80
簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目: 回顧第一段專欄片有幾勁！今段落多幾個Number賺死你！40分鐘，都係賣返$80
影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145
