話說朋友B今日同我食lunch，食飯嗰陣時唉聲嘆氣，我心諗：唔通又冇咗份工想屈我請食飯？
.
喺我想婉轉咁講我呢排都好手緊嘅時候，佢搶先一步劈頭一句就同我講話
.
B :「老細叫我請人但請極都請唔到，而家好愁」
.
我心諗:唔通又係想講而家啲90後、千禧後有幾廢幾廢嗰啲廢話。 唔好再講嚟折磨我啦，我知道你70後呢啲先至係社會中嘅精英，重要係永久嘅精英。
.
正當我想轉移話題，叫侍應拎個餐牌過嚟嘅時候，朋友B搶住講
.
B:「今朝做個telephone interview， 個candidate連自己申請緊乜嘢工都唔知」
.
我：「 咁你有冇話自己係邊間公司先，個個fresh grad都申請19幾份工㗎啦？無端端一個電話打嚟，點知你邊個喎」
.
B：「我梗係有講自己邊間公司啦，仲講埋佢申請乜position，而家打嚟係telephone interview，你知唔知佢點答我？」
.
我：「 有其他答法㗎咩？ 梗係即刻ready好把聲然後準備介紹自己啦」
.
B:「就係唔係! 佢聽完我公司名，仲反問我呢間公司係做乜嘢行業？ 咁我就好聲好氣答佢啦。之後佢把聲好似一頭霧水咁，我睇佢都係唔記得咗申請過呢份工，我就特登試下佢問 ：“ 你知唔知我哋公司喺邊區㗎”，佢就話畀我聽“唔知喎”」
.
我：「咁就收得線啦」
.
B：「冇錯！我就諗住收線，點知就喺我收線之前聽到隔離有把女仔聲，應該係佢條女，問“ 邊個打嚟㗎”，跟住佢仲係收線之前畀我聽到話 “又衰__咗啦”」
.
聽完朋友B講之後，我真係發覺宜家telephone interview已經唔使問任何formal嘅question，好多人根本連自己apply咗乜嘢工都唔知。鬼咩，全部CV、 cover letter都係同一個template，漁翁撒網咁樣，到有機會都捉唔住啦。
.
仲有一個教訓，就係telephone interview嘅時候先處理好身邊嘅人，喺收線之前千祈唔好講任何無謂嘢，如果唔係就算telephone interview做得幾好，一句無謂嘅說話就足以破壞曬之前嘅印象，雖然，係今個case入面，嗰個canidae都係冇乜印象可言， 不過都係前車可鑑嘅
======================
細粒嘢小薯投稿: goo.gl/F9ueEn
中層狹縫人投稿: goo.gl/6qQYrd
Instagram: seafoodovercook / fm_too_raw
Facebook: 職場嘔血夾心層
