Work from home遇著隔離屋兩公婆鬧交，跟手佢哋個小朋友可能嚇親，同時間爆喊，我好難集中到精神之餘，心裡面都盤算緊好唔好做和事佬？雖則係office hour啫，不過呢度又唔係商業大廈，日光日白阻唔到人哋大聲講嘢喎，聽到細路仔喊又唔忍心，點好呢點好呢👉👈好啦！豁出去啦！
正想開門之際，同一層樓已經有人更快按捺不住，我聽到一把暴躁嘅男人聲響徹走廊：「嘈夠未呀？我要喺屋企開工㗎！開緊會呀！唔該唔好再嘈啦！唔使搵食呀？」
霸氣！即刻靜晒！雖然唔知呢位暴躁哥姓甚名誰，但係好感激佢，因為轉頭我都要同個客開Web meeting，唔該晒呀大佬！
輪到我視像時總算耳根清靜，不過客人嗰邊就似乎出咗啲狀況。
客：「唔好意思呀，因為我哋全公司work from home，寄唔到sample畀你，可能要麻煩你落街買嚟影相。」
「冇問題，小意思。」
客：「唔該晒，今次篇文個angle想......」佢都未講完，後面就傳嚟一把小朋友聲大叫：「媽咪媽咪，你睇下我畫咗咩？」
同時間有把年長嘅男聲就話：「媽咪做緊嘢，自己玩啦！」
客：「唔好意思，我哋繼續，今次篇文個angle想陽光啲......」就快入正題之際，另一把年長嘅女人聲又喺遠處大嗌：「女呀！今晚煮苦瓜好唔好？」
我個客又要停落嚟，回頭望住某個方向回應：「開緊會呀，一陣先講啦！」
波折重重之下，個客分咗好多次先可以講完篇文想用咩angle，最後佢話：「失禮晒，home office做嘢就係咁。」
我：「好正常啦！頭先我隔離屋仲嘈交添！你個仔算乖喇，我朋友個囡囡不斷跳舞唱歌，又睇住卡通片大笑，我梗係覺得好可愛好得意啦，不過佢哋置身其中就話好難做嘢。」
客：「係呀，啲人以為home office好正，其實兩睇啦，冇特定收工時間好似仲做多咗嘢，我有個同事冇小朋友，不過佢屋企人係咁講嘢，電視又大聲，真係好難集中，我阿爸阿媽算係咁喇，多得佢哋幫手湊仔。」
平時喺office要應付膠層啲「噪音」，返工放工搭車想靜下又唔得，以為home office有好日子過？都唔係必然㗎！有時屋企可以嘈過office，所以改變唔到其他人，就唯有提升自己嘅境界，一直都知道Sony喺無線降噪耳機嘅領略上跑得好前，今次新推出嘅WH-1000XM4更加係用QN1高清降噪處理器，同全新Bluetooth Audio System On Chip同步運作，以每秒超過700次進行感應以調整音樂同埋噪音訊號，想集中精神不受影響，梗係要降噪效能超卓嘅耳機幫手啦！
唔止降噪，Sony WH-1000XM4喺你Web meeting 同埋Con-call嘅時候都可以派上用場，因為佢嘅收音咪以Precise Voice Pickup技術，結合咗五個內置麥克風同埋先進音頻訊號處理系統，接收到更清晰嘅音訊，對外接觸就暢通無阻啦！新增嘅Speak to chat 功能可以識別用家聲音，即係你開聲叫阿媽唔好再嘈嗰陣，就會自動暫停音樂，耳機都唔使除低呀😂 加上配備DSEE Extreme 數碼音質提升技術，可以特別處理經壓縮嘅數碼音樂檔案，更加接近高解析度音訊嘅質素，一部正嘅無線降噪耳機就係要夠全面先好用吖嘛！
無論係返office定係wfh，最緊要都係快快手做完啲嘢收工，夠集中就自然有效率，擺低條link方便你睇下Sony WH-1000XM4點樣降噪啦👇👇👇
https://bit.ly/3iGKPZq
#Sony #WH1000XM4 #WFH用降噪耳機是常識吧 #專心啲 #收工都早啲 #IndustryLeadingNoiseCancellation
