bread n butter 又一城君子馬蘭頭 - Ivan Li 李聲揚在Facebook 的評價

Question

bread n butter 又 一 城君子馬蘭頭 - Ivan Li 李聲揚 在Facebook 的評價

Accepted Answer

［家常便飯］內銀業績，細好過大

快手講下，內銀業績。表我自己整的，可能有錯但應該唔會大錯。

你見擺最右嗰啲，就梗係冇咁做要嘅東西。咩ROE (Return on equity) ROA (Return on assets)　不重要。甚至純利增長都不太重要。

當然你見到睇純利增長，細銀行（下面嗰三間）明顯快過大銀行。但一早都知。你睇PE，由第一日開始招商銀行都係高過其他咁多間，咁多年都係咁，而增速亦係咁多年都快過人地。咁要低估值低增長，定高估值高增長，就係一個好深嘅問題。

例外嘅可能係中信銀行，增長好似幾好，但冇記錯啲估值同大銀行一樣咁平。當然係中信兩個字大家都驚驚地，之前都寫過文講（http://bit.ly/2vyTZR0），將來會再講。我有跟嘅年代中信銀行就的確唔多掂，不過睇返近年又好似正正常常。

好，主要都係睇左邊嘅三樣嘢，有顏色嗰堆。

點解連純利都唔睇？一來都話估值反映咗。二來係，其實近好多年都係一個低增長嘅行業。低單位數增長，低單位數PE，你啲業績，升3%定4%，對股價嘅影響近乎零。況且亦都一早引導晒市場，分析員個個都係估呢啲數。N咁多年冇見過有中資銀行啲業績大大好過預期，或大大咁差過預期。

明顯，投資者係睇其他嘢。固然亦有話係一個macro call，你睇好中國經濟咪買，睇淡咪沽。但在啲唔知好定壞嘅時間（亦即係，大多數時間），就睇其他嘢

有個講法（我信的），好多人都信，鬼佬特別信。中資銀行啲數固然假假地，但點假法？大家理解就係，根本係有咗答案，先做個過程。

咁玄嘅？即係乜？即係，佢先保證咗，個業績交到貨，符合到市場（亦係佢地引導嘅）預期。咁有多嘅，例如原本今年增長十幾巴仙嘅，多咗嘅，就拎去沖走晒啲爛帳（所以你見爛帳冇乜點升過）。多盈利就沖多啲。

所以，投資者真係睇嘅，三樣嘢。由左至右，壞帳率，資本充足率，凈息差。

不良貨款率，就係不良貸款額，佔總貸款嘅百份比。固然，「雙降」就最好。即係不良貸款個額降，而比率亦降（數學常識，有前者必然有後者，除非負貸款增長，但有後者未必有前者）。我居然冇搵數，算，下次搵。
「雙降」唔得嘅，「單降」都好。即係你個不良貸款額升，例如升2%，但只要你個貸款增長快啲（例如3%），咁你個不良貸款比率都仲係跌的。

咁，就梗係跌好過升。而你見差不多每間都係跌（我相信係點都要做到跌，有盈利就拎去沖）。但亦見到，普通好似係細銀行好啲

好啦，講凈息差先。遲下講實際點計（都幾煩）。但簡單嚟講銀行都係一門過河濕腳嘅生意。左手問存戶或者同業借錢，右手再借畀生意佬，存款息低貸款息高，就賺呢個差價。香港或歐美銀行唔止呢啲，仲有其他嘢（股票佣呀，賣基金保險呀，昆你買雷曼呀之類）。但大陸銀行仲係相當原始地，主要係存錢借錢嘅bread and butter business．

息差，咪類似貸款息減存款息，收入減成本，而銀行嘅貨係錢，錢嘅價就係利息。明冇？咁當然，就越闊越好。留意大陸銀行啲息差咁多年都係傾向收窄緊（以前三四百點子，而家兩百），但仲係比境外高（例如香港邊有兩百點子丫）。原因亦係因為受保護，利率主要係阿爺定（有啲浮動），唔係好似香港或外國咁自由地搶（香港廢除咗利率協議好耐了）

你睇息差就見到大分別啦，細銀行多數升，大銀行就跌。不過我呢個係按年，其實應該睇按季。但情況都差不多。明報（http://bit.ly/2vxgdD6）就有做。

息差，就梗係闊嘅好啦。因為闊就代表盈利能力高，高就可以慢慢沖走啲不良貸款，有乜大件事亦冇咁易反艇。亦點解中國啲銀行以前咁多壞帳都仲未爆煲—你政府畀佢有六厘息差咪得。當然犧牲嘅就係存戶（拎好低息）同埋其他企業（比高息）。但政治嘛，而中資銀行係國有。企業就左袋右袋。存戶就，who cares？

留意農行其實根本冇公佈息差。做乜我個表有？自己估出嚟。你估你唔講就得咩，分析員一樣自己識估。基本嘢，其實一個搵皮幾嘢嘅RA都會識做。得閒寫文講。

最後資本充足率，略為深。但讀過基本經濟（甚至冇讀）都知，有所謂貨幣乘數效應。如果冇任何管制，銀行可以將存戶嘅銀借比企業，企業拎到後最後（例如買咗材料）又係返返銀行系統，又可以再借出去，如此可以碌到好大好大。咁有事就好危險

所以差不多所有國家都有若干東西去制止銀行不停碌。其中就係資本充足率，你貸款太多就會拖低。一係你借少啲錢出街，一係你個資本夠強。

所以你估到了，資本充足率太低呢，就會導致幾個問題：一，做唔到生意，放唔到錢出街。二，影響派息。三，要集資。事實上如果冇記錯，呢七間銀行都供過股，但都相當多年前。

咁所以，資本充足率梗係高嘅好。資本充足率好多計法，我呢度用最嚴格嗰種，CET 1，core equity tier-1．不必深究。總之一間銀行出幾個充足率，最低嗰個。

咁你見，一樣，細銀行多數升，大銀行多數跌。

似乎就咁睇嚟，細銀行表現好過大銀行。當然估值又貴啲，就另一個問題。你亦可以根本完全唔買銀行股（但其實如果強積金呀嗰啲呢，你買指數嘅，恒指國企指數都大堆呢啲嘢了）

留意所謂細，我都係去到交通招商中信啫，再細嗰啲地區呀城市銀行就咪搞。唔得閒睇，亦都係另一回事

關於 bread n butter 又 一 城 ，我們在網路上蒐集到這些相關的討論、資訊與評價

「bread n butter 又 一 城」的推薦目錄：

bread n butter 又 一 城 在 君子馬蘭頭 - Ivan Li 李聲揚 Facebook 的最佳貼文

About author

你可能也想看看

搜尋相關連結

關於 bread n butter 又一城，我們在網路上蒐集到這些相關的討論、資訊與評價

「bread n butter 又一城」的推薦目錄：

bread n butter 又一城在君子馬蘭頭 - Ivan Li 李聲揚 Facebook 的最佳貼文