我嘅大師兄生日快樂丫！🎂🎂
識咗你5,6年，終於第一次正日同你慶祝生日！😂😂😂
好開心由以前幾個《親親我好媽》嘅朋友一齊慶祝，到《大醬園》到而家《食腦喪B》，越嚟越多人，越嚟越熱鬧。🎉🎊
等我幫你許個願先🙏🏼🙏🏼🙏🏼🙏🏼
希望《食腦喪B》收視高收，快啲係TVB到再同大家見面！😍😍😍
#我諗住琴日post
#點知原來啲數據用晒
#我啱啱睇ig先知
食 腦 喪b 收視 在 Facebook 的精選貼文
同時也有10000部Youtube影片，追蹤數超過2,910的網紅コバにゃんチャンネル，也在其Youtube影片中提到，...
食 腦 喪b 收視 在 講劇時辰到 Facebook 的最佳貼文
兩台「劇本殺」節目收視「攬炒」，唔啱本地觀眾口味？，
～ 兩台這次「劇本殺」對決收視有結果，就係「攬炒」一齊跌！TVB《死因有可疑》只得9.5收視，雙位數字也不保，對大台來說肯定是非常差的數字。另一邊ViuTV《嫌疑事件簿》第一周只有3.6收視，相對上周《中女唔易做》的5.5，差不多跌了2點，用百分比計算係慘烈，不過仍然高過《造美人》的2.9點。
開初諗住相同節目正面對撼，情況熱鬥會刺激觀眾收看意欲，點知變左「攬炒」收場，兩敗俱傷，看來除了製作質素問題，觀眾唔啱口味也是個主要因素。可是，有一點令人費解，大台的觀眾不是很喜歡睇查案的嗎？這半年來大台不斷推出查案劇，平均收視仍然保持二十點以上，剛剛播完的《逆天奇案》，大結局一集最高收視有30點，估計全劇平均收視有26點，暫時成為今年收視之冠，擁有這麼多喜歡睇查案的觀眾，為什麼有16-20點觀眾不看《死因有可疑》呢？
演員卡士唔夠強嗎？誠然，《死因》欠缺了據說是年青人最喜歡的偶像曹永廉和蘇永康，但仍然有「三生一旦」擔正，包括有「三花家訪」的方力申、「食腦喪B」何廣沛、「一事無成」周柏豪和做奸好睇過做忠的劉佩玥，已經是一套三十集劇的主角卡士，點解收視仲係咁慘情呢？首先這劇不是誠意之作，立心是搞破壞，唔比《嫌疑事件簿》食到「劇本殺」這種綜藝節目的頭啖湯，所以只有五集，用心是打擊《嫌疑》首周收視，之後拖低第二、三周收視，因為製作急就章，只有厰景和「歡樂今宵」式製作，劇本又做得唔理想，唔吸引觀眾自然有理由。還有一個重中之重的重點，就係《死因》的查案過程中無三角戀，你估正劇的查案片受歡迎係因為偵探推理，這樣想的誤會了大台觀眾口味了，他們其實喜歡睇一邊查案一面搞三角戀，緝完兇又找到最愛是誰，才是他們的喜歡的劇情，所以《死因有可疑》唔啱睇的原因係無三角戀，死因無可疑！
《嫌疑事件簿》衰開頭已經講過，嫌疑犯太多、時間唔夠、演技參差、剪接混亂、幕後經驗不足，都已經點出過，第二輯故事雖然已經有明顯改善，但在ViuTV網頁「最多人睇」的重溫區中，經常三甲不入，也間接證明了唔多啱ViuTV粉絲口味，如果ViuTV要再搞同類節目，可能要拍《ERROR殺人事件簿》，本來想殺肥仔、193同保錡，點知次次最後都係殺左Dee哥，點解嘅？一齊笑住推理，應該好收視！
#嫌疑事件簿 #死因有可疑 #劇本殺 #攬炒
