Search
湯水食譜 ｜ 粟米鬚 Chinese Soup Recipe
平時大家食粟米嘅時侯，都會好少理會條粟米鬚，以為無用，但大家知唔知道其實粟米鬚拎嚟煲湯係好有益呢？佢嘅功用包括利水消腫，清熱祛濕等等，如果加埋節瓜，仲可以有清熱利尿，生津解渴嘅功效添！就等我哋今日教大家點樣煲粟米鬚節瓜湯啦！
我哋睇下粟米鬚節瓜湯需要嘅材料先：
粟米 1 條
粟米鬚 適量
節瓜 2 條
薏米 適量
眉豆 適量
蜜棗 3 - 4 粒
水 3 公升
首先，我哋煲湯之前記得將有助健脾益氣嘅眉豆用水浸 20 至 30 分鐘，再洗埋啲蜜棗。粟米鬚方面，首先要將佢揚開，過水，再洗乾淨。然後我哋可以將啲粟米切件，一條粟米大約切成 5 - 6 件左右。節瓜去頭去尾同埋去皮，之後切件待用。
完成晒之後，我哋就可以將啲材料凍水落鍋，以大火滾起之後，轉中細火煲大約一個半鐘左右，再根據自己口味加鹽調味，呢個湯就大功告成啦。計返時間，全程大約兩個鐘內，加上事前唔使有太多嘅準備功夫，呢個湯可以話係方便又有益。
#粟米鬚湯 #湯水食譜 #meeeep
湯水食譜 - 沙參玉竹 中文字幕 Chinese Soup Recipe
今晚食乜餸？菜乾豬骨湯係老牌港式湯水之一，滋陰潤肺，雪耳含有大量胡蘿蔔素以及膳食纖維，促進腸胃蠕動，亦刺激皮膚新陳代謝。
有時喺屋企突然想煲滋潤湯水，又唔想落街買料，打開雪櫃或者都搵到啱用嘅食材。今日介紹嘅呢個菜乾雪耳豬骨湯，好多材料都可以買定，即刻同大家睇下！
首先睇睇材料：
雪耳 1球
菜乾 適量
沙參 適量
玉竹 適量
無花果 5-6粒
南北杏 適量
豬骨 300-500克
薑片 數片
正如之前講過，煲湯其實可以好隨意。之前買咗舊燒肉，豬骨無食雪咗入雪櫃，拎番出來啱啱好可以用來煲湯。當然，燒肉嘅骨多油，放落湯煲之前一定要飛一飛水，迫晒啲油出嚟。如果唔用豬骨，你亦可以選擇落瘦肉㗎！
雪耳要用室溫水先浸30分鐘左右，跟住用食物鉸剪先將底部較硬同黃嘅位剪走，跟住好似咁樣，剪番一朵一朵嘅雪耳花出來。
菜乾先用清水洗一洗，再浸30分鐘待用。沙參、玉竹都要用清水浸15-20分鐘。我通常會買定無花果乾，可以儲存比較長嘅時間，用之前浸幾個字就可以。
材料準備好之後就可以放落湯煲，記得加多幾片薑，之後落適量嘅水，用大火煲30分鐘之後再轉中細火煲多45分鐘，落少少鹽調味就飲得！
#湯水食譜 #沙參玉竹 #清熱潤肺
#信健康# 湯水 食譜#秋天 湯水 # 冬天湯水 ... 簡單 易煲 細節功效話你知 (CC中文字幕). We叻•848K views · 13:01 · Go to channel · 你不知道的飲湯禁忌 ... ... <看更多>
冬天湯水 蘿蔔加一物 抵禦寒冷治療胃病Winter soup, radish plus one thing resist the cold, treat stomach problems. 32K views · 1 year ago ... <看更多>
簡單湯水 冬天 在 【冬天湯水】喉嚨乾澀點算好？西洋菜煲湯原來咁有用 - YouTube 的推薦與評價
Comments · 〈職人吹水〉 煲西洋菜湯點解有苦味/ 西洋菜甘筍咸瘦肉湯/ 生炒西洋菜/ 秋冬滋潤 湯水 / 同場加映鹹豬肉製作/ 簡單 好味易做 湯水 · 今次請到小董嚟 ... ... <看更多>