上一次返韓國最大嘅得著係：終於download返個「公認認證書」(공인인증서)，即係話可以用網上銀行過數了。
係韓國生活過的都會知道，搞韓國銀行嘢、韓國網購係一件好複雜嘅事，特別係對外國人黎講，除非個網俾你用外國信用卡俾（例如像gmarket），如果唔係，好多網站需要一樣叫「本人認證」的東西，你至少要有外國人登錄證（留學/工作visa)；如果唔需要的話，你就要去入錢或者有韓國銀行戶口可以過數。但去到過數又會出現另一啲問題：我之前嘅問題就係有韓國銀行戶口，亦都整左internet banking，但問題出現就係 1. 網頁版的話要用windows先可以登入 2. 用手機apps我down唔到個認證書，因為我唔知我住戶登錄編號是什麼。 到後黎我去銀行問返，原來因為外國人的話佢地會幫我地set左一個住民編號，跟據返佢地俾我個個輸入，終於可以下載返個認證書，然後就可以網上過數，亦即係話唔洗出去搵ATM過數😂
呼，而且到最後每間銀行都聽講有唔同嘅局限，仲聽講而家唔可以用外國passport整銀行戶口，有時又有啲有過數嘅限額。
一切都歸咎於韓國網上出現太多詐騙，到最後大家都要為確保「安全」而放棄便利啊⋯
#是連韓國人也會對此感到麻煩的
