關於 三個月bb 咳 ，我們在網路上蒐集到這些相關的討論、資訊與評價

最近天氣開始轉涼，Timtam仔最近又幾聲咳，佢每逢轉天氣都好容易身體不適，總是覺得Timtam仔體質沒有妹妹好，說不定跟妹妹一直有食母乳有莫大關係，所以總覺得我能堅持餵妹妹食母乳到現在，真的很值得！🥰

回想這條人奶路，真的行得不容易，石頭胸、塞奶、發燒、乳線炎通通都試過，真的掂一下都痛得要命！曾經想放棄餵人奶，但係見妹妹食得好好，每次都同自己講，餵多一陣啦！餵餵下就一直餵到現在一歲多仍在餵！

之前有朋友介紹食Materna隻Opti-lac，佢話係陪月介紹佢食，原來呢隻益生菌可以預防乳線炎，成份安全有（FDA)認可，我每日都食一粒，食吓食吓就一個月，真係冇再遇到乳線炎！👍🏼

依家唸住食到自然離乳。其實最艱難是頭三個月，等BB熟習到吸啜乳頭的方法，媽媽又熟習餵母乳的技巧，之後大家都會有默契，再加埋有 Opti-lac ，就會順暢很多！ 依家至 19日期間去萬寧或屈臣氏配藥處，仲可以優惠價$229.6購買 MATERNA OPTI-LAC 30 粒 (參考價$328)，有興趣可以趁機會試吓啦！😊

餵母乳是一個同BB好親密的回憶，也是一份給BB最好的禮物！大家都要加油呀！💪🏼

#妹妹食幾耐我就食幾耐 #母乳媽媽 #Timtam媽媽 #Timtam仔的成長日誌

（這post 有點長，copy & paste 當天日記真的寫這麼多... 已微刪了一點）

#2019每日一畫 005
.
24/4/2019 日記：
腦裏想着很多事，完全睡不著，因為記掛著昨晚睡前測試的驗孕紙出現了很淺色的第二條線。所以今早6 時多又再拿一張出來驗了... 都真是有可能啊（仍是好淺色）... 。始終這試紙是朋友O 介紹在淘寶賣的超級經濟驗孕試紙（想有小孩的話買一堆回家亂試不肉痛），為免出錯還是去藥房買其它牌子的再驗。
.
到屈xx 藥房開門時間我便立即去買，再驗.... 清楚的第二條線出現了....（圖二）。嘗試text 約爸媽出來飲茶，因為我想親口告訴他們。但是他們說要湊B 所以便推了我...（極享受湊孫生活的我爸媽）
.
好吧那麼我便打電話給媽媽。我問爸爸在不在身邊，叫他們開speaker phone。我便說：「自己驗過三次，我諗我應該有左...」（其實我一邊說也有一點流眼淚）隔着電話也聽到媽媽很激動，她應該有哭吧... 爸爸也很開心。然後就討論之後要去看醫生和安排我即將「殺到埋身」海外演出的問題。
.
然後，第一個非家人知道的男人是... 何丙！哈哈！因為當日下午我們有和蔡一傑 的綵排，所以我覺得要盡早跟他說讓人安排調動... 未足三個月飛去多倫多溫哥華巡演應該是不會去得成... 16小時的長途機...。他還是說等我去看醫生confirm 再看看如何。confirm 後他送了我一句Angels looking upon you ❤️和馬上找辦法調動，謝謝！
.
本來打算明早才去看醫生。但是，太心急... 沒預約隨便去了公司附近其中一間醫務所看。只需要驗尿，和醫生為我做一些簡單的body check。body check後醫生說我很健康（竟然！）... 他說保持這樣就可以！
.
很快有結果，醫生說真的是有了BB！我已經有點忍住眼淚，醫生問：「這是不是你預期的結果？」我說我已經想生小朋友很久了（帶淚笑）。然後他說我已經有了四個星期，預產期是12月28日。
.
呀！今年就要來了！！好激動！
其實我雖然很開心，但也覺得好像快了一點，怕自己好多事都未準備好...
.
下午綵排的時候，傑仔也知道了。綵排休息時，他走過來攬了我一下，說恭喜我... 我跟他說不好意思要退演... 他說當然不會嬲我，因為他是來真心想恭喜我的。：）
.
練歌的時候，叫下午茶，傑仔說，Janet要吃多點，要多點營養😅😅 這關心哈哈（汗）.. 好怕其它人猜到啊！才week 4！
.
綵排結束，回到公司，黃老公照舊盯著電腦忙碌。終於，出去吃晚飯前，我說我有事要跟他說。其實我今早去了看醫生，他很緊張問看什麼醫生，當我告訴他我有咗時，他好像很震驚的樣子。「真係有左？你唔係上次話來M？」（上次是懷疑啦但原來沒來，我也沒update 他嘛...）我想他是真的來不及反應...
.
怎樣都好，這天二人的晚飯我覺得有一點不同... 他沒有看電話，沒戴AirPods 看片... 在街上多了保護我怕我被撞... 商場有人咳嗽，立即提醒我戴口罩。我猜他是開心的：）
.
給BB 的話：
感謝您，終於來了。等了你很久了。
我會努力保持健康，去迎接你的來臨。❤️

【續：媽咪，你可唔可以生個BB👶俾我呀⁉️】#喜訊

出年二月尾，我哋就會成為 #一家四口 了💕

和牛B係全屋最最最最開心嘅一個，佢嘅激動、滾動、興奮亦係我同牛爸意料之外。

但到底BB👶係細佬定係細妹，我哋喺早期唐氏篩查都睇唔到BB👶係細佬定係細妹。(不過，未係最準確嘅)

因為BB👶好古惑，佢一直打側身，姑娘叫我嚟個 #華麗轉身 ，咳兩聲再瞓低試下，BB👶都係一樣只係平瞓，但對腳保持提起遮住。

姑娘忍唔住出手，篤下佢。佢就馬上揮拳踢腿，然後仲趴低埋唔俾我哋睇。

當我哋問和牛B，你想係細佬定細妹；
牛牛：細妹啦～
牛媽：如果係細佬咁點算？
牛牛：都好啦，是但啦。
牛媽：咁你愛唔愛佢o架?
牛牛：都愛呀，我會俾我啲玩具同佢一齊玩~~

希望，BB出世之後，仍然能夠做到啦~

#懷孕日記
#亂世BB
#三個月啦
#諗起初期就好辛苦
#慶幸老公同個女都好照顧我
#二寶孕記
#牛2日記

狗狗大多嘴饞，零食就是主人訓練狗狗、增進感情的最佳工具。但巨食道症 （Megaesophagus）這種成因不明的先天性貓狗罕見病，吃飯，甚至一兩粒零食，隨時變成狗狗們的催命符。

五個月大的唐狗NedNed現時在救狗之家（Hong Kong Dog Rescue）等候領養。年紀輕輕的牠，早已經歷生死。七月中，救狗之家的義工在街上救起了與牠同胎的三兄弟姊妹，當時NedNed只有三星期大，才剛剛開始戒奶，慢慢轉食固體食物。義工把牠們轉交暫託家庭照顧。一兩天後，暫託人就察覺NedNed不妥：每次吃飯後都會嘔，每次都帶着如咳嗽的聲音，有種呼吸困難的感覺，氣喘、呼吸有雜聲。

https://hk.appledaily.com/lifestyle/20201210/PRK4SUJ7N5DSFJEKWZEGXJ2JFI/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#果籽 #巨食道症 #狗狗 #唐狗 #罕見病 #StayHome #WithMe #跟我一樣 #宅在家

時間，魔力無邊。

醬料雜貨店正和隆，主打自家豉油、麵豉、甜醋，在上水石湖墟65年，如長流細水陪伴街坊每餐家常飯：蘸豉油魚更鮮，兩磚腐乳夠佐粥下飯；逢時過節爆薑下醬炆豬肉煮雞，豐腴滋味比得上酒樓大菜。

街坊就是鍾情這家醬料；但此情，差點成追憶！
想當年，老闆陳璧堃十足指腹為婚，不情不願從父親手上接過正和隆。做醬煮醋幾十年，沒有仇，卻賺得一身痛、半點恨；捱到65歲，把心一橫，擬於去年12月31日退休結業「脫苦海」。
怎料日月發酵，恨愛相生；準備離開，竟是徹底的歸來。

上水石湖墟巡撫街，水喉五金、紙紮、文具……生活小店當中有正和隆。店前西斜，老闆陳璧堃掛起紙皮遮光擋熱，裏外互相看不見，街坊是識途老馬，熟練地撥簾進出。小店不夠百呎，鮮有地整齊：樽樽罐罐不見有塵，豆類、雜穀一格格井然有序。所賣醬醋各有三五個品牌，店家出品的生抽老抽、原曬豉磨豉、甜醋和腐乳，售價貴幾元，卻最多人要。

「麵豉嗰日炆豬手炆得好靚，好食。」老街坊陳太一屁股坐在片糖缸改成的櫈子上，又告訴陳老闆：「我起碼一個月之後先行出嚟喇，因為腳痛要入院做手術。」今天她特意來入貨，買麵豉、豉油。

豉油，又恨又愛

陳璧堃，街坊都叫他「豉油佬」，皆因正和隆做豉油起家，他是第二代。上世紀40年代，父親陳根秀由南海來港，投靠開醬園的親戚做豉油；50年代初自設小工場做豉油、麵豉和甜醋，並在石湖墟開鋪。1955、56年間石湖墟被兩次大火吞噬，57年逐步重建，正和隆也在巡撫街現址重新啟業。

陳璧堃有四個姊妹，他是老三、排中間。「細細個住木屋，又是工場又是住家。兩個家姐睇鋪，我就周圍走，好百厭。」他怕父親，從來沒問過店名由來，只記得過年家中總掛一對對聯：「正直好生意 　和氣定興隆」。
「老竇無咩讀過書，點作到咁好嘅對聯呢？」他哈哈大笑，轉瞬又皺眉：「做豉油做醬好辛苦，畀我揀我唔會做，但我讀書唔成，無得走！」他是唯一的兒子，二十多歲結婚後即接手店鋪；太太負責鋪面，他負責生產。

「做豉油會有一陣罨味，以前真係要用手去攪，一攪，陣味就出嚟，我都接受唔到；不過，呢啲係錢嚟㗎！」
他的工場在上水搬過幾次，90年代初因為業主收地被迫結束，自此在古洞一間豉油廠掛單租場，只做半加工。譬如豉油，已交給豉油廠師傅做，仍用自家招紙。
「做豉油最緊要用料靚用料足，夏天有熱頭曬就香啲。」他說。當年他試過十幾間豉油廠，找到一間的味和香跟自己做的相似。「我知道佢哋用加拿大非基因改造黃豆，發璜（按：煮好的黃豆混入麴菌、麵粉）撈美國麵粉，比日本麵粉膠質重啲、好啲；我自己一個人做太辛苦喇！雖然利潤無咁高，我寧願用佢嘅豉油。」
現在店中賣兩款自家頭抽和一款老抽，其中一款頭抽名為「鮮味生抽」，用豆比一般的多三分之一，濃稠如漿，鮮而豉味極重，可算鎮店之作。

麵豉甜醋，親手做

豉油外判了，只有麵豉和甜醋，他至今堅持親手做。
麵豉，一般貨色是發酵豉油剩餘的豆渣，鮮味盡去，很多時需加味精增味。但他做的賣的兩款麵豉：原曬豉和磨豉醬（前者仍見豆狀，後者是磨爛幼滑版）都沒抽製過豉油，保持原汁原味。「以前我啲磨豉係出咗豉油嘅，價錢平啲，主要交畀酒樓整叉燒；後來我只做零售，銷量少，乾脆用原曬豉攪磨，一樣係靚。」
市面常見的麵豉都是啡黃色，他的麵豉卻深啡色，驟眼看黑糊糊。他解畫：「麵豉好似人一樣，曬得愈耐會愈黑，愈黑就愈香。生曬啲豆喺豉油缸入面，上面曬到黑，下面嘅較黃，所以要成日翻佢，將底下嘅翻上面，不斷循環。」
他65歲了，依然記得父親當年的話：「醬，做就好易，打理好難。」
「你做，用料十足，曬得夠，一定做得好。不過擺耐咗就會有罨味，你點可以調番正呀？所以，唔係整好之後就冚埋，你要時不時拎出嚟曬，畀啲醬見下陽光會香啲。」
醬沒加防腐劑，放不久，所以他每次只做一小批。現在天時暑熱，醬賣少了，他也做少一些，「過咗中秋慢慢好，麵豉賣得最好，啲人有番胃口，多咗炆嘢；我都做得密啲，每次過千斤豆，一個月多啲就要做一次。」

講到做醬，最辛苦的步驟還數煮醬消毒。「唉！我做一次，就痛一次。」 他摸摸腰部，肌肉已成硬塊，隱隱作痛。
「啲醬容易黐底容易燶，要不斷剷，隻鑊又大，你要伸手彎住腰剷。室溫又高，得把牛角扇吹吹下，我一個人連續煮幾個鐘頭，不停流汗，煮一次起碼要飲4公升水。」最後洗鑊更辛苦，因為腰彎得更低。幸好十多年前起，煮醬有機器輔助，輕鬆了，但幾十年積下的舊患，纏身不去。

煮甜醋，相對沒那麼費勁，但一樣要忍。他採用本地酒房出產的白醋，加薑、桂皮、陳皮、丁香等等藥材做成甜醋。「煮呢個醋，一大鑊，嗰種藥材味好犀利，十足催淚彈，醃眼！咳！」
甜醋，他賣自家的，也賣其他品牌，「各有各鍾意啦，人哋要八珍，你無，佢會走咗去；我哋自家牌子就賣貴五六蚊。」
這日街坊王太帶了手拉車來買醋，「我孫仔啱啱出世，買去觀塘畀個新抱。」她嫌其他牌子太甜，「呢間鋪頭出嘅特別香，舊年冬天隔籬個事頭婆用佢煲薑，成條街都香晒。」
有人記住，陳璧堃笑瞇瞇，說：「到天時冷，啲人鍾意煲薑醋食下；事實上年尾多人結婚，到第二年10月、11月就有BB出世，甜醋特別好賣。」
以前煮完甜醋，五六桶藥材他當垃圾倒了，後來有朋友老遠從跑馬地來上水要「下欄」甜醋陳皮，他才識寶，現在煮完醋會挑回陳皮，但為非賣品，「而家?下人，有熟客寒咳唔係好囉！」

老店，差點結業

做醬煮甜醋，入缸，搬貨，幾十年陳璧堃獨力做，「我哋小型生產，唔請人。無辦法！為咗……我唔知點講呀！」他瞄瞄跟前在幫手的大女兒和二女兒，苦笑：「賺到痛，之外都係痛！近十幾年，我個個禮拜日就好似返學咁，要去做推拿。」
去年他和太太邁向65歲，本擬12月31日退休結束正和隆；就在12月中煮甜醋時，從不在工場拍攝的他，忍不住拿手機拍下那鑊滾滾冒煙的甜醋，題記：「人生最後一次」。
「唔捨得㗎！」說着，他眼圈紅起來，思緒飛回去年底：「瞓唔着囉！直情神經衰弱。」有個星期天，他試不去推拿留在家，「電視睇完又睇睇完又睇，無地方去。」以前他想像退休「呢度去嗰度去」，事實上英國朋友早邀他去歐洲玩，他又買了「200蚊深圳通」，偏偏成行在即已失去興趣，一副心神無處安放。

決心分手，原來放不下。他三個女兒，十多年前已表明不想接手家業，臨別秋波，也發現情難捨。
店一直由他和太太合力支撑，沒請人。二女兒陳敏怡（Agnes）說，每逢過年店就最忙，三姊妹必定預留整個星期的假回來幫手，想不到自己成為了第三代傳人。陳璧堃笑言，由1月1日起店轉了她名下，自己變做顧問兼打雜。
70後的Agnes在銀行做了十多年，連MBA也讀了，兩年前工作太辛苦辭了職，「嗰時爸爸媽媽正計劃退休，我哋三姊妹都好開心，因為新年終於唔使返鋪頭喇！」
去年年底，他們通知熟客和包租婆不做，「啲客人同爸爸講：『你退休，咁我哋去邊呀？我由做女食到而家喇！』我聽到，突然之間好唔捨得。呢個招牌六十幾年喇！」
她問爸爸取帳簿算了一番，「都ok嘅！我想留住個招牌。」又游說從事文職的大家姐陳敏慧回來幫手看鋪，自己負責市場推廣。姊妹同心，盼可斷金，帶着正和隆走進2017年。

十年如一日

陳璧堃搖搖頭說：「我準備退休，以為可以脫苦海啦！結果有啲抑鬱，百無聊賴，個女話做番，我又好似開心啲。」
不過，他認為做醬這行式微了，尤其新界東北發展如箭在弦，古洞的豉油廠分分鐘無得做。「一收地，你一係返大陸做，但水準、原料難控制，而且豆都係外國嘅靚啲。」女兒正在搶時間，找新貨源、拓客路，像早前便去了樂富街市擺車仔檔，臚列自家品牌豉油、醬醋和腐乳。
幾十年來，陳璧堃和朋友合作生產腐乳。十多年前朋友搬廠上深圳，招紙也「均真」地印着「Made in China」，同屬正和隆招牌貨，輕柔鬆化而不死鹹。

醬料之外，40多年前陳璧堃接手時已兼賣雜貨。今天雜貨不多也不雜，而每種乾貨他只賣一款，都是精挑細選，譬如蝦子麵，找到第四五個供應商才敲定。
「搭下貨囉，要維持到租金嘛，而家都要1000蚊一日㗎！」陳璧堃說。
除了鋪租，過去半世紀上水翻天覆地，但對正和隆和陳璧堃而言，只是微細的漣漪，就像醬醋味道，始終如一。
「雖然間中都有自由行嚟幫襯，我哋主要做街坊熟客。有人搬咗出九龍、港島、大嶼山都返嚟買醬，甚至移民去外國，都會帶啲醬過去。附近有圍村，新年依舊會煮盆菜，用好多醬。」
七八十年代，他的豉油、麵豉曾交給酒樓，但經常被人拖數、走數，「好多次喇！千幾蚊都彈票，嗰個年代唔算少數目。咪搞啦！我寧願淨做門市，收一蚊就係一蚊。」弱水三千，他只取一瓢。知足，常樂。

夏日炎炎，酸梅麵豉蒸排骨夠醒胃，有街坊要炆肉，大喊一聲「混醬，唔該！」只見陳老闆從五個醬缸輪流舀出小半勺倒入透明膠袋，用繩一紮，遞與客人，叮囑道：「返去放雪櫃，呢幾日好用喇！唔係會變酸。混醬鹹㗎，加啲冰糖，炆鴨炆腩肉都快啲腍。」這混醬，有自家磨豉、黑赭油（類似星馬的黑豉油）、甜醬、麻醬和南乳，即叫即混，也是父親傳下來的基本味道，就在日月蒸煮當中，摻着陳璧堃幾十年調出來的小變奏。

正和隆
地址： 新界上水石湖墟巡撫街2號A
電話： 2670 3486